完整藏文原文 · 德格版页 当前仅加载第 39 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ཚུལ་ཁྲིམས་ལྡན་རྣམས་དང་། །གཅིག་ཏུ་སྤྱད་པར་སྔ་ནས་བྱས། །དེ་ནི་གཞན་དུ་མི་སྨྲ་སྟེ། །དེ་ནི་ལོག་པར་སྨྲ་མ་ཡིན། །གཏོང་དང་ལྡན་ཞིང་མཐུ་བརྟན་པ། །དེ་དེ་དེ་བཞིན་གཤེགས་པར་འགྱུར། །ཚུལ་ཁྲིམས་བཟང་ཞིང་འགྲོགས་ན་བདེ། །དཔའ་བོ་བྱམས་པ་ཐོབ་གྱུར་པ། །
D45.039.0041b01.01སྦྱིན་པ་བྱིན་ནས་སྔ་ལོགས་སམ། །ཡང་ན་ཕྱི་ནས་དགའ་བར་འགྱུར། སྦྱིན་བདག་དམ་པ་དཔའ་བོ་སྟེ། །སྦྱིན་བདག་ལས་ནི་ཚོལ་བ་མེད། །ཐམས་ཅད་སྦྱིན་བདག་བརྟན་པ་པོ། །དེ་ལ་མ་བྱིན་ཡོང་མེད་དེ། །གསེར་རམ་ཡང་ན་དབྱིག་ཀྱང་རུང་། །སྔོན་གྱི་ཚེ་རབས་རྣམས་ན་བྱིན། །ཆོས་
D45.039.0041b02.01མཆོག་རྣམས་དང་ཟབ་མོ་མཆོག །གོ་འཕང་ཡོངས་སུ་ཚོལ་བར་བྱེད། །གང་ཞིག་ལྷར་བཅས་འཇིག་རྟེན་ལ། །བསྟི་སྟང་བྱེད་པ་རིགས་མ་ཡིན། །གང་ཟག་གཅིག་པོ་གང་ཡིན་ལ། །ཆོས་ཀྱི་དོན་ཕྱིར་བཀུར་སྟི་བྱ། །ཆོས་ལས་སྐྱེས་པ་དཔའ་བོས་ནི། །ཆོས་ཀྱི་ཆོས་ཀྱང་ཡོངས་སུ་ཚོལ། །
D45.039.0041b03.01ཆོས་གཅེས་ཆོས་དང་ཡིད་གཞུངས་པ། །འཇིག་རྟེན་ན་ནི་འདྲེན་པར་འགྱུར། །འོད་སྲུང་གཞན་ཡང་བྱང་ཆུབ་སེམས་དཔའ་ཁྱིམ་པ་ཆོས་གསུམ་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་ལས་ཉན་ཐོས་ཀྱི་ཐེག་པར་ཡོངས་སུ་མྱ་ངན་ལས་འདའ་བར་བྱེད་དེ།
D45.039.0041b04.01གསུམ་གང་ཞེ་ན། འོད་སྲུང་འདི་ལ་ཁ་ཅིག་བྱང་ཆུབ་ཏུ་སེམས་བསྐྱེད་ནས། སེམས་ཅན་དམྱལ་བ་རྣམས་ཀྱིས་འཇིགས་ཤིང་དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་གྱིས་འཇིགས་ཏེ། བྱང་ཆུབ་ལ་ཁུར་དུ་འདུ་ཤེས་པར་འགྱུར་ཞིང་དེ་གལ་ཏེ་དགེ་བའི་རྩ་བ་ཡང་དག་པར་བསྒྲུབས་པ་རྣམས་རྒྱུན་མི་
D45.039.0041b05.01འཆད་པར་ཡིད་ལ་མི་བྱེད། ལེན་པར་མི་བྱེད་ལ་དེ་ཡིད་ཀྱིས་ཞེ་འགྲས་པར་བྱེད། དེ་སེམས་ཀྱིས་ཞེ་འགྲས་པར་བྱེད་ཅིང་སྡུག་བསྔལ་གྱི་འདུ་ཤེས་སུ་འགྱུར་ན། འོད་སྲུང་ཆོས་དང་པོ་དེ་དང་ལྡན་པའི་བྱང་ཆུབ་སེམས་དཔའ་བྱང་ཆུབ་ལས་ལྡོག་ཅིང་ཉན་ཐོས་ཀྱི་ཐེག་པར་ཡོངས་སུ་མྱ་ངན་ལས་འདའ་བར་བྱེད་དོ། །
D45.039.0041b06.01འོད་སྲུང་གཞན་ཡང་འདི་ལ་ཁ་ཅིག་བྱང་ཆུབ་ཏུ་སེམས་བསྐྱེད་ནས་གང་སྦྱིན་པ་སྦྱིན་ཞིང་ཡོངས་སུ་དགའ་བ་མ་ཡིན་པའི་སྦྱིན་པ་བྱིན་ཏེ། བྱིན་ཞིང་བྱིན་ནས་ཀྱང་འགྱོད་པར་འགྱུར་ཞིང་སངས་རྒྱས་ཀྱི་ཡེ་ཤེས་ལ་མི་གཏོད་ན། འོད་སྲུང་ཆོས་གཉིས་པ་དེ་དང་ལྡན་པའི་བྱང་ཆུབ་སེམས་དཔའ་ཁྱིམ་པ་ནི་བྱང་ཆུབ་ལས་
D45.039.0041b07.01