完整藏文原文 · 德格版页 当前仅加载第 39 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་གཡེང་བའི་སྤྱོད་པས་དེ་དག་ཁྱིམ་དུ་དོང་ནས་སོ་སོར་ཐར་པ་བོར་ཏེ་བུད་མེད་ཉི་ཚེ་འཁོད་པ་ལ་ཆོས་སྟོན་པར་འགྱུར། དེ་དག་བདག་ཅག་གང་ལས་ཤིན་ཏུ་རྙེད་པར་འགྱུར་སྙམ་ནས་ཆོས་སྒྲུབ་ཅིང་དེ་དག་དེ་ལས་རྙེད་པར་འགྱུར་ཏེ། དེ་དག་ཆགས་ཤིང་ཞེན་ལ་མདུད་པ་བོར་ཏེ། བརྒྱལ་
D45.039.0028b01.01ཞིང་ལྷག་པར་ཆགས་ལ། ལྷག་པར་ཆགས་པར་གྱུར་ནས་དེ་དག་མི་འགྱོད་པས་ངུ་ཞིང་འདོང་བར་འགྱུར་རོ། །གནས་གཉིས་རབ་ཏུ་སྟོན་ཏེ། གཉིས་གང་ཞེ་ན། ཤིན་ཏུ་བཟང་ཞིང་ཤིན་ཏུ་རབ་ཏུ་ཞི་བ་ལ་བསྔགས་པར་མཐོང་བ་དང་། ཁ་ཅིག་ཤིན་ཏུ་བཟང་པོ་མ་ཡིན་པ་ལ་མི་སྙན་
D45.039.0028b02.01པ་བརྗོད་པར་འགྱུར་བ་སྟེ། སྦྱིན་པ་པོ་རྣམས་ལ་ལྟ་ཅི་སྨོས། དེ་དག་ཡང་དེ་ལྟར་འདུས་ནས་གཅིག་ལ་གཅིག་ལྟ་ཞིང་ཅི་ཞིག་བྱིན། སུས་བྱིན། ཇི་སྙེད་ཅིག་བྱིན། ཇི་སྙེད་ཅིག་སྤྱད་ཅེས་སྨྲ་བར་འགྱུར་རོ། །འོད་སྲུང་འཆི་བའི་དུས་མ་བྱས་ཀྱི་བར་དུ་རྣལ་འབྱོར་ལ་མི་བརྩོན་པ་དག་
D45.039.0028b03.01གི་རྣམ་གྲངས་ནི་འདི་དག་གོ །རྣལ་འབྱོར་དང་མི་ལྡན་པ་དེ་དག་ལ་གཞན་ཡང་ཤེས་པར་བྱ་སྟེ། འདི་ལྟ་སྟེ། ཆོས་ཐམས་ཅད་སྤོང་བའོ། །འོད་སྲུང་དགེ་སློང་དེ་ལྟ་བུ་དེ་དག་ལ་སྙིང་རྗེ་བར་བྱའོ། །དེ་ཅིའི་ཕྱིར་ཞེ་ན། དེ་དག་གི་རྣམ་པར་སྨིན་པ་སྡུག་བསྔལ་བར་འགྱུར་བའི་ཕྱིར་རོ། །
D45.039.0028b04.01དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །འཚོ་བ་དག་གི་དོན་གྱི་ཕྱིར། །བྱིས་པ་རྒྱལ་པོས་བཀྲབས་པར་འགྱུར། །ཁྱིམ་དང་ཁྱིམ་དུ་རྒྱུ་བྱེད་ཅིང་། །རྒྱལ་པོ་འདི་སྐད་གསུང་ཞེས་ས་སྨྲ། །དེ་དག་དོང་ནས་ཕྲ་མ་ཟེར། །ཁྲོས་ནས་ཆད་
D45.039.0028b05.01པས་བཅད་ད་རེ། །བྱིས་པའི་མཐུ་ནི་དེ་ལྟ་བུས། །རྟག་ཏུ་འཚོ་བ་བྱེད་པར་འགྱུར། །གང་གིས་བསྐལ་པ་བརྒྱ་མང་དུ། །ལག་པ་རྐང་པ་ཡོངས་བཏང་ཞིང་། །བྱ་བར་དཀའ་བ་མང་མཛད་པ། །སངས་རྒྱས་ལ་ལྟ་སྨོས་ཅི་དགོས། །ང་ནི་ཆོས་ཀྱི་རྒྱལ་པོའི་མི། །ཆད་པ་
D45.039.0028b06.01དྲག་པོ་གཅོད་ལ་དབང་། །ཇི་ལྟར་བྱ་ཞིང་ཅི་བྱ་ཞེས། །སུ་ཡང་འདྲི་བར་ཡོད་མི་བྱེད། །དགེ་སློང་རྣམས་ལ་གནས་བྱིན་ཞིང་། །ཟས་དང་སྐོམ་གྱི་དམ་པ་དང་། །ཆོས་གོས་མཆོག་ཏུ་གང་གྱུར་པ། །ཐམས་ཅད་གུས་དང་བཅས་པས་བྱིན། །འདི་ལྟར་བདག་ཀྱང་མི་
D45.039.0028b07.01