完整藏文原文 · 德格版页 当前仅加载第 39 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
སུམ་ཅུ་གསུམ་གྱི་ལྷ་རྣམས་དང་། །འཐབ་མོ་བྱེད་དུ་འདོང་ཞེས་འཛེར། །འཛམ་བུའི་གླིང་གི་རྒྱལ་པོ་རྣམས། །སངས་རྒྱས་མཆོད་རྟེན་བྱེད་པར་འགྱུར། །དེ་ཡི་ཚེ་ན་ལྷ་མིན་དང་། །ལྷ་རྣམས་འཐབ་མོ་བྱེད་པར་འགྱུར། །དེ་ཚེ་དགེ་སློང་ཕལ་ཆེར་ཡང་། །
D45.039.0035a01.01ངན་འགྲོ་དག་ཏུ་འགྲོ་བར་འགྱུར། །དགེ་སློང་མ་ནི་ཕལ་ཆེར་ཡང་། །ངན་འགྲོ་དག་ཏུ་འགྲོ་བར་འགྱུར། །དེ་ཚེ་ཁྱིམ་པ་ཁྲིམས་འཆལ་པ། །དགེ་བསྙེན་པ་འམ་ཁྱིམ་གནས་པ། །དེ་དག་གིས་ཀྱང་སྒྲ་བརྗོད་ནས། །དེས་ན་ངན་འགྲོར་འགྲོ་བར་འགྱུར། །དེ་ཚེ་བུད་མེད་
D45.039.0035a02.01སྡིག་པ་ཅན། །དེ་དག་འགྲོ་བའང་སྡིག་ཅན་ཏེ། །དེ་ཚེ་འཇིག་རྟེན་ཐམས་ཅད་ཀྱང་། །གཡོ་ཞིང་ཤིན་ཏུ་འགུལ་བར་འགྱུར། །ལ་ལ་དག་ནི་གྲོང་འདབ་རྒྱུག །ལ་ལ་དག་ནི་རི་ལ་རྒྱུག །རྣམ་པར་རྒྱུག་པའི་སེམས་ཅན་རྣམས། །སྲོག་ནི་རིང་པོར་མི་ཐུབ་འགྱུར། །ཆོམ་
D45.039.0035a03.01རྐུན་དག་ཀྱང་མང་དུ་འབྱུང་། །དགོན་པ་ཡང་ནི་འབྱུང་འགྱུར་ཞིང་། །འབྲུ་རྣམས་བཏབ་ཀྱང་མི་གནས་ཏེ། །བྱི་བ་དག་གིས་གནོད་པར་འགྱུར། །མུ་གེ་བྱུང་བར་གྱུར་པ་ན། མི་གང་འཆི་བའི་དུས་བྱེད་པ། །ཤི་ནས་{ཡི་དགས་,ཡི་དྭགས་}ནང་འགྲོ་སྟེ། །དེ་ནི་སྡུག་བསྔལ་མྱོང་
D45.039.0035a04.01བར་འགྱུར། །དེ་ཚེ་ཕྱོགས་བཞིའི་དགེ་འདུན་དང་། །མཆོད་རྟེན་ལ་ནི་གང་ཕུལ་བ། །དེ་ཚེ་དགེ་སློང་དེ་དག་གིས། །ཕན་ཚུན་བགེད་པ་བྱེད་པར་འགྱུར། །ང་འདས་གྱུར་པའི་ཕྱི་ན་ནི། །སྡུག་བསྔལ་འདི་འདྲ་འདི་འབྱུང་གིས། །མྱུར་དུ་རབ་ཏུ་བརྩོན་གྱིས་ཤིག །དེ་ནི་མངོན་
D45.039.0035a05.01སུམ་གྱུར་ཏ་རེ། །བྱིས་པ་ཐམས་ཅད་མི་ཤེས་ཤིང་། །བྱིས་པ་ཐམས་ཅད་མཁས་མ་ཡིན། །བྱིས་པ་དེ་དག་ལས་བྱས་ནས། །ངན་འགྲོར་མྱུར་དུ་འགྲོ་བར་འགྱུར། །གང་ལས་ཤེས་རབ་འབྱུང་འགྱུར་བ། །ལུང་ནོད་པ་དང་ཁ་ཏོན་དགའ། །ཤེས་རབ་བསླབས་པའི་སེམས་
D45.039.0035a06.01ཅན་རྣམས། །མྱུར་དུ་བདེ་འགྲོར་འགྲོ་བར་འགྱུར། །ཤེས་རབ་རྣམ་པར་བརྟགས་ན་མཛེས། །ང་ནི་ཅི་འདྲ་དེ་ལྟར་སློབས། །ཐམས་ཅད་འདུ་བ་སྤངས་ནས་སུ། །མྱུར་དུ་མྱ་ངན་འདས་པར་འགྱུར། །དམ་པའི་ཆོས་ནི་ཅུང་ཞིག་གནས། །བརྩོན་འགྲུས་བརྟན་པ་བརྩམ་པར་གྱིས། །
D45.039.0035a07.01