完整藏文原文 · 德格版页 当前仅加载第 39 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པ་གང་དག་བདག་ཏུ་འདུ་ཤེས་ལ་གནས་པ་ནས་མྱ་ངན་ལས་འདས་པའི་བར་གྱི་འདུ་ཤེས་ལ་གནས་ནས་ང་ལ་སྟོན་པའོ། །ཞེས་བརྗོད་པ་དེ་དག་ནི་ཆེས་མི་འཐུན་ནོ། །འོད་སྲུང་འདི་ལྟ་སྟེ། དཔེར་ན་རྒྱལ་པོའི་རིམ་གྲོ་པའི་མི་ལ་ལ་ཞིག་ཡོད་ལ། སྔོན་མ་མཐོང་བའི་
D45.039.0027b01.01མི་ལ་ལ་ཞིག་གིས་དེ་ལས་བསླབས་ནས་དེ་དབང་ཕྱུག་གི་གནས་ཞིག་ཏུ་སོང་སྟེ། རྒྱལ་པོའི་ཞབས་འབྲིང་བ་དེ་དག་གི་ནང་དུ་སོང་ནས། མ་གླེངས་པར་འདི་སྐད་ཅེས་ཟེར་ཏེ། རྒྱལ་པོ་འདི་སྐད་གསུང་ངོ་། །རྒྱལ་པོས་འདི་ལྟ་བུ་དག་བཀའ་སྩལ་གྱིས་དེ་བཞིན་དུ་གྱིས་ཤིག །ཁོ་བོ་ནི་རྒྱལ་པོ་འམ་
D45.039.0027b02.01རྒྱལ་པོའི་བློན་པོ་ཆེན་པོ་དེ་དག་མ་མཐོང་བའི་མི་ཡིན་ཏེ། དབང་ཕྱུག་གི་གནས་ཀྱིས་འོངས་སོ་ཞེས་དེ་དེ་སྐད་ཟེར། དེ་དེ་ལྟ་བུ་དག་ཟེར་ཞིང་དེ་ལྟར་བྱའོ། །ཁོ་བོ་ནི་སྲོག་གི་ཆེད་དུ་རྒྱལ་པོ་འམ། རྒྱལ་པོའི་བློན་པོ་ཆེན་པོ་དེ་དག་གི་གན་དུ་འགྲོའོ་ཞེས་ཟེར་བ་དེ་བཞིན་དུ་འོད་སྲུང་དེ་
D45.039.0027b03.01བཞིན་གཤེགས་པ་ཡང་སྟོབས་རྫོགས་པ། རང་གི་བྱ་བ་རྫོགས་པ་དང་ལྡན་པ་སྟེ། དཔེར་ན་རྒྱལ་པོས་སའི་དཀྱིལ་འཁོར་ཆེན་པོ་མཐའ་ཐུག་པ་མེད་པར་བདེ་བར་ཆམ་དུ་འབེབས་ཤིང་དེ་ལ་ཟས་སྦྱར་བ་དག་ཀྱང་འབྱུང་བ་དེ་བཞིན་དུ་དེ་བཞིན་གཤེགས་པ་ཡང་དགེ་འདུན་མཐའ་
D45.039.0027b04.01ཐུག་པ་མེད་པ་དང་། སངས་རྒྱས་ཀྱི་ཞིང་མང་པོ་ཆམ་དུ་འབེབས་ཏེ། དེ་ལ་ཞལ་ཟས་སྦྱར་བ་དག་ཀྱང་འབྱུང་ངོ་། །དེ་ལ་སྔོན་མ་མཐོང་བའི་མི་བདག་ཏུ་སྨྲ་བ་དང་། སེམས་ཅན་དུ་སྨྲ་བ་ནས་མྱ་ངན་ལས་འདས་པའི་བར་དུ་སྨྲ་བ་དག་འོང་ཞིང་དེ་དག་མ་བཅོལ་བར་འོངས་ནས་འདི་སྐད་
D45.039.0027b05.01ཅེས་ཟེར་ཏེ། དེ་བཞིན་གཤེགས་པས་འདི་སྐད་བཀའ་སྩལ་ཏོ། །དེ་བཞིན་གཤེགས་པས་འདི་ལྟ་བུ་བཀའ་སྩལ་ཏེ། འདི་ནི་བྱ་བའོ། །འདི་ནི་བྱ་བ་མ་ཡིན་ནོ་ཞེས་ཟེར་རོ། །དེ་ལ་གང་དག་གདམས་ངག་དང་། རྗེས་སུ་བསྟན་པའི་བཀའ་དང་འཐུན་པར་བྱེད་པ་དེ་དག་ནི་དེ་བཞིན་
D45.039.0027b06.01གཤེགས་པའི་བཀའ་ལ་མངོན་པར་དད་དེ་འགལ་བར་མི་བྱེད་ཅིང་དེ་དག་གིས་ཐོས་ནས་བདག་དང་ཡང་སྔོ། བུ་དང་ཆུང་མ་དང་ཡང་སྔོ་ཞིང་སྦྱིན་པར་བྱེད། ཤིན་ཏུ་མཆོག་དང་། ཤིན་ཏུ་གྱ་ནོམ་པར་སྦྱིན་པར་བྱེད། ཤིན་ཏུ་བསྟི་སྟང་བྱས་ཏེ་སྦྱིན་པར་བྱེད། དད་པས་སྦྱིན་པར་བྱེད་ཅིང་ཇི་
D45.039.0027b07.01