完整藏文原文 · 德格版页 当前仅加载第 39 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ནི་སྙིང་པོ་བླང་། །བུ་དང་ཆུང་མའི་དོན་གྱི་ཕྱིར། །དེས་ནི་ནོར་རྣམས་བསགས་མི་བྱ། །ལུས་དང་ལོངས་སྤྱོད་སྲོག་རྣམས་ལས། །སྙིང་པོ་མྱུར་དུ་ལེན་པར་བྱེད། །བྱང་ཆུབ་དོན་དུ་འདུན་དྲག་བསྐྱེད། །རྒོད་ཅིང་གཡེང་བར་མི་བྱེད་དོ། །ནོར་དང་ཆོས་ནི་སྤངས་ནས་སུ། །ལུས་ཀུན་ལ་ནི་གནོད་
D45.039.0040b01.01པར་འགྱུར། །འདི་ནི་བྱིས་པའི་རྩེད་མོ་སྟེ། །སྣང་བ་མཐོང་ཞིང་མི་སྣང་མཐོང་། །རོ་མྱང་བ་ནི་དགོས་པ་མེད། །ཆོས་ཀྱི་ཤུགས་ནི་སྐྱོབ་པ་ཡིན། །རྒྱུན་མི་འཆད་པར་བཤད་པར་བྱ། །ཆོས་འདི་རྟག་ཏུ་གནས་པ་ཡིན། །མཚུངས་པར་ལྡན་རྣམས་ཕན་ཚུན་དུ། །འཕྱ་བར་བྱེད་པ་སྡུག་བསྔལ་ཡིན། །
D45.039.0040b02.01འདི་འདྲ་བ་ཡི་ཆོས་འདི་དག །འོད་སྲུང་ངས་ནི་རབ་ཏུ་བརྗོད། །གང་དག་མཁས་པར་འགྱུར་བ་དག །མི་དེ་ཀུན་ནི་ངས་ཤེས་ཏེ། །དེ་དག་ཤེས་པར་རིག་གྱུར་ཅིང་། །བདག་ལ་ཡིད་བྱུང་གྱུར་ནས་ནི། །དེ་ཡི་ཚེ་ན་ཡང་དང་ཡང་། །ང་ནི་མངོན་དུ་གྱུར་པར་བྱ། །འོད་སྲུང་གཞན་ཡང་བྱང་ཆུབ་སེམས་
D45.039.0040b03.01དཔའ་ཁྱིམ་པ་ཆོས་གསུམ་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་འཐོབ་སྟེ། གསུམ་གང་ཞེ་ན། ཕ་མ་མ་དད་པ་དད་པ་ལ་འཇོག་པར་བྱེད། ཕ་མ་ཚུལ་ཁྲིམས་འཆལ་པ་ཚུལ་ཁྲིམས་ལ་འཇོག་པར་བྱེད། ཕ་མ་སེར་སྣ་ཅན་གཏོང་བ་ལ་འཇོག་པར་བྱེད། བླ་
D45.039.0040b04.01ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བསྔགས་པ་བརྗོད་ཅིང་གཞན་དག་ལ་ཡང་ཆོས་སྟོན་པར་བྱེད་པ་འདི་ནི་གང་གིས་བྱང་ཆུབ་སེམས་དཔའ་ཁྱིམ་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་འཐོབ་པའི་ཆོས་དང་པོའོ། །འོད་སྲུང་གཞན་ཡང་བྱང་ཆུབ་སེམས་དཔའ་
D45.039.0040b05.01ཁྱིམ་པས་བཀུར་སྟི་བྱ་བར་འོས་པ་ཡང་ཤེས། བཀུར་སྟི་བྱ་བའི་འོས་མ་ཡིན་པ་ཡང་ཤེས་ཏེ། བཀུར་སྟི་བྱ་བའི་འོས་དང་། བཀུར་སྟི་བྱ་བའི་འོས་མ་ཡིན་པ་ཤེས་ནས་ཀྱང་གང་དག་བཀུར་སྟིར་བྱ་བ་དེ་དག་ལ་ནི་བཀུར་སྟིར་བྱེད། གང་དག་བཀུར་སྟི་བྱ་བའི་འོས་མ་ཡིན་པ་དེ་དག་ལ་ནི་བཀུར་སྟི་མི་བྱེད་ཀྱི། དེ་དག་
D45.039.0040b06.01ལ་བྱམས་པ་སྒོམ་པར་བྱེད་དེ། འོད་སྲུང་བྱང་ཆུབ་སེམས་དཔའ་ཁྱིམ་པ་ཆོས་གཉིས་པོ་འདི་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་འཐོབ་བོ། །འོད་སྲུང་གཞན་ཡང་བྱང་ཆུབ་སེམས་དཔའ་ཁྱིམ་པ་དེའི་ལོངས་སྤྱོད་གང་དག་སྡུག་བསྔལ་ཞིང་སྡུག་བསྔལ་བར་བསྒྲུབས་པ་དེ་དག་
D45.039.0040b07.01