完整藏文原文 · 德格版页 当前仅加载第 39 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཙམ་ཞིག་ནི་སྨྲ་བར་ནུས། །ཚུལ་བཞིན་བསམ་པ་མྱུར་དུ་གྱིས། །བསྐལ་པ་འདི་ནི་འདས་འོག་ཏུ། །བསྐལ་པ་དྲུག་ཅུ་ཐམ་པར་ནི། །སངས་རྒྱས་སྒྲ་གྲག་མི་འགྱུར་ན། །དགའ་བ་འདི་ནི་ག་ལ་འབྱུང་། །བཀྲེས་པས་ཤིན་ཏུ་ཉེན་གྱུར་པས། །ཕན་ཚུན་དག་ནས་འདུས་གྱུར་
D45.039.0035b01.01ནས། །མ་ཡི་ཤ་དང་བུ་ཡི་ཤ །དེ་དག་ཟ་བར་བྱེད་པར་འགྱུར། །དེ་ན་བུ་ཕོ་སྐྱེས་པ་ཡང་། །བག་ཕེབས་ཁྱིམ་དུ་འགྲོ་མི་བྱེད། །རང་གི་ཁྱིམ་ན་འདུག་ཀྱང་ནི། །ཤིན་ཏུ་འཇིགས་པས་སྐྲག་པར་འགྱུར། །འཁོར་བར་ཤིན་ཏུ་གནོད་གྱུར་པ། །དེ་དག་མཐོང་ཞིང་ཐོས་གྱུར་
D45.039.0035b02.01ནས། །འདོད་ལ་སུ་ཞིག་སྲེད་པ་སྐྱེ། །འདོད་པའི་རྩ་བ་བུད་མེད་ཡིན། །སྐྱེ་བའི་རྩ་བ་མི་ཤེས་པ། །སྡུག་བསྔལ་རྩ་བ་ཕུང་པོ་སྟེ། །དེ་བས་སྡུག་བསྔལ་ཡོངས་སུ་སྤོངས། །སེམས་ཅན་གང་དག་རྨོངས་གྱུར་པ། །དེ་དག་བུད་མེད་སྟེན་པར་བྱེད། །སེམས་ཅན་གང་
D45.039.0035b03.01དག་མ་རྨོངས་པ། །མྱུར་དུ་མྱ་ངན་འདས་རེག་འགྱུར། །ལུང་འབོགས་བྱེད་ནི་རྣམ་སྨིན་དང་། །ཕྲད་པར་འགྱུར་བ་ཡོད་མ་ཡིན། །གང་གིས་ངན་འགྲོར་འགྲོ་འགྱུར་བ། །ཟག་བཅས་འབྲས་བུར་བཅས་པ་འདི། །གང་དག་ཟག་པ་མེད་པའི་ཆོས། །གསོབ་དང་གསོག་དང་སྟོང་
D45.039.0035b04.01པ་དང་། །སྙིང་པོ་མེད་དང་དབེན་པ་སྟེ། །དེ་དག་མྱུར་དུ་རྟོགས་པར་གྱིས། །འོད་སྲུང་ཆོས་དང་པོ་འདི་དང་ལྡན་པའི་བྱང་ཆུབ་སེམས་དཔའ་ཟག་པ་མེད་པའི་ཆོས་འདོད་ན་ཆོས་ཐམས་ཅད་ལ་སེམས་མི་གནས་པར་བསྟན་པར་བྱའོ། །འོད་སྲུང་གཞན་ཡང་བྱང་ཆུབ་སེམས་
D45.039.0035b05.01དཔའ་ནི་ཡོངས་སུ་སྦྱང་བར་བྱ་བ་བརྟན་པ་ཡིན་ཏེ། དེ་ལ་བརྟན་པ་ནི་གང་ཡོངས་སུ་སྦྱང་བར་བྱ་བ་ནི་གང་ཞེ་ན། སེམས་བརྟན་པ་ཡིན། བརྩོན་འགྲུས་བརྟན་པ་ཡིན་ནོ། །དེ་ལ་སེམས་བརྟན་པ་གང་ཞེ་ན། འོད་སྲུང་འདི་ལ་བྱང་ཆུབ་སེམས་དཔས་འདི་སྙམ་དུ་གང་གཱའི་ཀླུང་གི་
D45.039.0035b06.01བྱེ་མ་ཇི་སྙེད་པ་དེ་སྙེད་ཀྱི་སངས་རྒྱས་ལ་བསྙེན་བཀུར་བྱས་ནས་ཕྱིས་བྱང་ཆུབ་ཏུ་སེམས་གཅིག་བསྐྱེད་ལ་དེ་ནས་ཡང་བསྐལ་པ་གང་གཱའི་ཀླུང་གི་བྱེ་མ་སྙེད་ན་སངས་རྒྱས་གཅིག་འབྱུང་ཞིང་སེམས་བསྐྱེད་པ་གང་གཱའི་ཀླུང་གི་བྱེ་མ་སྙེད་ཀྱིས་མི་ལུས་གཅིག་ཐོབ་ལ། མིར་སྐྱེ་བ་ཐོབ་པ་
D45.039.0035b07.01