完整藏文原文 · 德格版页 当前仅加载第 39 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
བསྲེལ་གྱི་མཆོད་རྟེན་གྱི་ཞལ་ཏ་བྱ་ཞིང་ལག་དཔོན་དུ་བསྐོ་བའི་གནས་སུ་བསྐོས་ན་ཡང་དེ་ལ་བརྟེན་ཏེ་ཡོ་བྱད་དུ་སྤྱད་པར་མི་བྱ་བ་སྟེ། བྱང་ཆུབ་སེམས་དཔའ་ཁྱིམ་པས་ཆོས་གསུམ་པོ་དེ་དག་མི་བྱའོ། །དེ་ལ་འདི་སྐད་ཅེས་བྱ་སྟེ། ཕ་རོལ་སྦྱིན་པ་སྦྱིན་པའི་ཚེ། །རིགས་པ་མིན་ལ་སྦྱིན་མི་བྱ། །སྦྱིན་པ་
D45.039.0039b01.01སྐྱོན་ཆགས་ཐམས་ཅད་ནི། །སྐྱེ་བོ་དཀོན་ལ་སྦྱིན་མི་བྱ། །དད་པས་དེར་ནི་སོང་ནས་སུ། །ཐལ་མོ་སྦྱར་ཏེ་འདུག་པར་བྱ། །སྦྱིན་དང་སྦྱིན་པར་ཡང་དང་ཡང་། །ཡིད་ནི་རབ་ཏུ་དགའ་བར་བྱ། །དེ་ཉིད་དགེ་འདུན་གནས་པ་དེར། །སྤྲོ་བ་ཤིན་ཏུ་ཆུང་གྱུར་ན། །གང་ལས་སྐྱེ་བོ་སྤྲོ་ཆུང་བ། །གསོལ་བ་
D45.039.0039b02.01བཏབ་སྟེ་ལེན་དུ་གཞུག །བཏུང་འོས་གསལ་བའི་བཏུང་བ་དང་། །དེ་ན་གང་དག་དེ་འདྲ་བ། །དེ་ལ་མི་འཐུན་ཡིད་ཀྱིས་སུ། །སེམས་ནི་གནོད་པར་མི་བསམ་མོ། བུ་འམ་འོན་ཏེ་གཉེན་གྱི་རྣམས། །རབ་ཏུ་འབྱུང་བར་བྱེད་པ་ན། དེ་ལ་བྱང་ཆུབ་སེམས་དཔའ་ཡིས། །བར་དུ་གཅོད་པར་མི་བྱའོ། །
D45.039.0039b03.01སེམས་ཅན་ཐམས་ཅད་བདེར་གྱུར་ཅིག །ཐམས་ཅད་མྱ་ངན་འདས་རེག་ཤོག །བདག་གི་ལྷག་བསམ་འདི་འདྲ་ལ། །ཆོས་ཀྱི་དམ་པ་བཤད་དུ་གསོལ། །ཉེས་དམིགས་འདི་དག་ཤེས་ནས་སུ། །བདག་ནི་དྲི་མ་མེད་པར་བྱ། །ཉོན་མོངས་དྲི་ཅན་བྱས་པས་ན། །ཡུན་རིང་མྱ་ངན་བྱེད་ད་རེ། །འོད་སྲུང་
D45.039.0039b04.01གཞན་ཡང་བྱང་ཆུབ་སེམས་དཔའ་ཁྱིམ་པས་ཆོས་གསུམ་ལ་བརྩོན་པར་མི་བྱ་སྟེ། གསུམ་གང་ཞེ་ན། སྐྱེས་པ་བཙོང་བར་མི་བྱ་བ་དང་། བུད་མེད་བཙོང་བར་མི་བྱ་བ་དང་། གཞན་དག་ལ་སྨན་མ་ཡིན་པ་སྦྱིན་པར་མི་བྱ་ཞིང་གང་དག་དེ་ལྟ་བུ་བྱེད་པ་དེ་དག་ལ་ཡང་བསྟེན་པར་མི་བྱའོ། །དེ་ལ་འདི་སྐད་ཅེས་བྱ་
D45.039.0039b05.01སྟེ། །སྐྱེས་པ་བཙོང་བ་སྤང་བར་བྱ། །བུད་མེད་བཙོང་བའང་རྣམ་པར་སྤང་། །སྨན་མིན་སྦྱིན་པར་མི་བྱ་སྟེ། །སྦྱིན་པར་བྱེད་པ་དེ་དག་སྤང་། །ལྷ་རྣམས་དེ་ལ་འཕྱ་བར་བྱེད། །སེམས་ཅན་སྡུག་བསྔལ་མྱོང་བར་འགྱུར། །ཕྱོགས་དང་ཕྱོགས་མཚམས་འགྲོ་བྱེད་ཅིང་། །མྱ་ངན་ཟུག་རྔུས་གནོད་པར་འགྱུར། །མྱ་
D45.039.0039b06.01ངན་རྣམ་པ་མང་པོ་ཡིས། །དེ་ནི་ཡུན་རིང་གནོད་པར་འགྱུར། །མྱ་ངན་གྱུར་ནས་འཆི་དུས་བྱེད། །དེ་ལྟ་བས་ན་དེ་མི་བྱ། །དེ་ཕྱིར་ཉེས་པ་འདི་དག་དང་། །གཞན་རྣམས་དག་ཀྱང་ངས་ཤེས་པས། །བྱང་ཆུབ་སེམས་དཔའ་རྣམས་ཀྱི་ཕྱིར། །ཕྱོགས་ཙམ་ཞིག་ནི་བརྗོད་པ་ཡིན། །འོད་སྲུང་གཞན་ཡང་བྱང་
D45.039.0039b07.01