完整藏文原文 · 德格版页 当前仅加载第 39 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བུ་འདི་དག་ཐོས་ན་ཁྱིམ་ལ་གཞོལ་བར་འགྱུར། འདོད་པ་ལ་གཞོལ་བར་འགྱུར། བུད་མེད་ལ་གཞོལ་བར་འགྱུར། འཐབ་མོ་དང་མཚང་འབྲུ་བ་ལ་གཞོལ་བར་འགྱུར། འདུས་པ་ལ་གཞོལ་བར་འགྱུར། རྩི་སྨན་གྱི་ཐ་སྙད་ལ་གཞོལ་བར་འགྱུར། རྒྱལ་པོའི་བཀྲབས་
D45.039.0017b01.01པར་འགྱུར་ཞིང་དེར་གནས་པ་དེ་དག་ཆེས་ཚུལ་ཁྲིམས་འཆལ་བར་འགྱུར་ཏེ། དེ་ནི་དེ་དག་གི་དུར་ཁྲོད་དུ་འགྲོ་བ་ཞེས་བཤད་དོ། །འོད་སྲུང་འདི་ལྟ་སྟེ། དཔེར་ན་ཝ་ནི་ཁུང་དུ་གཞོལ་ལོ། །འོད་སྲུང་དེ་བཞིན་དུ་དེའི་དུས་ན་དགེ་སློང་དེ་དག་ཀྱང་འཆི་བའི་དུས་བྱས་ན་ངན་
D45.039.0017b02.01འགྲོར་གཞོལ་བར་འགྱུར་ཏེ། དེ་ནི་དེ་དག་གི་ཁུང་དུ་གཞོལ་བར་བཤད་དོ། །འོད་སྲུང་འདི་ལྟ་སྟེ། དཔེར་ན་ཝ་ནི་ཕུག་ཏུ་གཞོལ་ལོ། །འོད་སྲུང་དེ་བཞིན་དུ་དེའི་དུས་ན་དགེ་སློང་དེ་དག་ཀྱང་སྤུ་གྲི་གཏམས་པ་དང་། རལ་གྲིའི་འདབ་མ་ཅན་གྱི་ཚལ་གྱི་སེམས་ཅན་
D45.039.0017b03.01དམྱལ་བ་ཆེན་པོ་རྣམས་དང་། གསལ་ཤིང་གི་ཚལ་གྱི་སེམས་ཅན་དམྱལ་བ་ཆེན་པོ་རྣམས་སུ་རྒྱུག་ཅིང་རྣམ་པར་རྒྱུག་པར་འགྱུར་ཏེ། འདི་ནི་དེ་དག་གི་ཝའི་འགྲོ་བ་ཞེས་བཤད་དོ། །འོད་སྲུང་ཝའི་ཆོས་དང་ལྡན་པའི་དགེ་སློང་ནི་མདོ་སྡེ་འདི་ལྟ་བུ་འདི་དག་གཟུང་བ་འམ་རྟོགས་
D45.039.0017b04.01པར་བྱེད་ནི་མི་ནུས་ཀྱི། གང་སྨད་ཅིང་སྤངས་ནས་དེའི་ལུས་ཞིག་སྟེ་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་ལྟུང་བར་ནི་བྱེད་ནུས་སོ། །འོད་སྲུང་དགེ་སློང་གང་འདི་སྐད་ཅེས་བཏགས་པའི་ཆོས་ཡང་དག་པ་མ་ཡིན་ན་གང་དེ་བཞིན་གཤེགས་
D45.039.0017b05.01པ་ཞེས་བརྗོད་པར་གྱུར་པ་འདི་ཡང་བཏགས་པ་སྟེ། ཡང་དག་པ་མ་ཡིན་པའོ་ཞེས་ཟེར་བ་དེ་ལ་དགེ་སློང་མཁས་པ་རྣམས་ཀྱིས་འདི་སྐད་བརྗོད་པར་བྱ་སྟེ། ཚེ་དང་ལྡན་པ་སྟོང་པ་ཉིད་དམ། འོན་ཏེ་བཏགས་པ་འམ། གནས་གང་གིས་གནས་འདི་བརྗོད་ཅེས་བརྗོད་པར་བྱའོ། །
D45.039.0017b06.01དེ་གལ་ཏེ་འདི་སྐད་དུ་བཏགས་པའོ་ཞེས་ཟེར་ན་དེ་ལ་འདི་སྐད་བརྗོད་པར་བྱ་སྟེ། འོ་ན་ནི་ཁྱོད་ཀྱང་སངས་རྒྱས་སུ་འགྱུར་རོ། །དེ་ཅིའི་ཕྱིར་ཞེ་ན། ཁྱོད་ཀྱི་མིང་བཏགས་པ་ཡང་ཡོད་པའི་ཕྱིར་རོ་ཞེས་བརྗོད་པར་བྱའོ། །དེ་གལ་ཏེ་འདི་སྐད་དུ་སྟོང་པ་ཉིད་དོ་ཞེ་ན། དེ་ལ་འདི་སྐད་
D45.039.0017b07.01