完整藏文原文 · 德格版页 当前仅加载第 39 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མི་རྟག་ཅེས། །ཆོས་ཀྱི་དམ་པ་བསྟན་པ་མཛད། །དེ་ཡང་བདག་ཅག་དེང་མ་མཐོང་། །མི་དང་མི་མ་ཡིན་རྣམས་དང་། །ལྷ་དང་ཀླུ་རྣམས་ལྷགས་གྱུར་ནས། །ལེགས་པར་གསུངས་པས་ཚིམ་མཛད་པ། །དེ་ཡང་བདག་ཅག་སྟོངས་པར་
D45.039.0022a01.01མཐོང་། །བྱང་ཆུབ་སྙིང་པོ་དམ་པ་མཆོག །སངས་རྒྱས་ས་དང་ཉེར་དོང་སྟེ། །དེ་དག་དེར་ནི་ཚོགས་གྱུར་ནས། །ཚུལ་བཞིན་དུ་ནི་སེམས་པར་འགྱུར། །འདིར་ནི་འཇིག་རྟེན་མགོན་པོ་དེས། །བྱང་ཆུབ་བླ་ན་མེད་པ་བརྙེས། །འདིར་ནི་སྡིག་ཅན་དཔུང་བཅས་པ། །ཝ་བཞིན་
D45.039.0022a02.01ཤིན་ཏུ་སྐྲག་པར་མཛད། །གང་ན་སངས་རྒྱས་གདན་ཡོད་པ། །འདི་ནི་ས་ཡི་སྙིང་པོ་སྟེ། །འདས་དང་གང་དག་འབྱུང་འགྱུར་བ། །ཀུན་གྱི་གདན་ཡང་འདི་ཡིན་ནོ། །འདི་ཉིད་དུ་ནི་དཔའ་ཆེན་ལ། །ལྷ་མང་བྱེ་བས་བསྟི་སྟང་བྱས། །ཞག་བདུན་སྐྱིལ་མོ་ཀྲུང་གཅིག་གིས། །ཤིང་
D45.039.0022a03.01འདི་ལ་ནི་གཟིགས་པ་མཛད། །དེར་ཡང་བསྟི་སྟང་བྱས་ནས་སུ། །གང་དུ་འཁོར་ལོ་རབ་བསྐོར་ཅིང་། །ཚངས་པའི་འཇིག་རྟེན་གོ་གྱུར་པ། །ཆོས་བསྟན་པར་ནི་འདོང་པར་འགྱུར། །དགེ་སློང་དེ་དག་དེར་དོང་ནས། །ཡང་དང་ཡང་དུ་ངུ་བར་འགྱུར། །དཔའ་བོ་འདིར་ནི་
D45.039.0022a04.01གཤེགས་ནས་སུ། །དེ་ཚེ་ལྔ་སྡེ་བཏུལ་བ་མཛད། །ལྔ་སྡེས་སངས་རྒྱས་མཐོང་ནས་སུ། །ཡིད་མི་བདེ་བ་སྐྱེས་གྱུར་ཏེ། །གང་ཡང་ལྡང་བར་མི་བྱེད་ཅེས། །འོག་ཁྲིམས་དེ་ནི་བཅས་པར་འགྱུར། སྟོན་པ་ཐུགས་རྗེ་ལྡན་པ་དེས། །སྲོག་ཆགས་རྣམས་ལ་ཐུགས་རྗེ་མཛད། །
D45.039.0022a05.01འཆི་མེད་འབྲས་བུ་ཐོབ་འགྱུར་བ། །དགེ་སློང་ལྔ་སྡེ་རྣམས་ལ་གདམས། །ཆོས་ཀྱི་འཁོར་ལོར་ཕྱག་འཚལ་ཅིང་། །ཡང་དང་ཡང་དུ་དུས་བྱས་ནས། །གང་དུ་མྱ་ངན་འདས་གྱུར་ཏེ། །ཐ་མར་སངས་རྒྱས་མཐོང་བར་འདོད། །སྲོག་ཆགས་ཀུན་ལ་ཕན་པའི་ཕྱིར། །འདིར་
D45.039.0022a06.01ནི་འཇིག་རྟེན་མགོན་པོ་དེས། །སྐུ་ཡི་ཚིགས་ནི་དབྱེ་བ་མཛད། །འདིར་ནི་སངས་རྒྱས་མྱ་ངན་འདས། །ཤཱཀྱ་སེང་གེ་ཐུབ་པ་ཆེ། །ཀྱེ་མ་སངས་རྒྱས་ཞེས་ཀྱང་འཛེར། །ཁྱོད་ཀྱི་སྒྲ་ནི་ཐོས་གྱུར་གྱི། །ཁྱོད་ནི་དེ་རིང་མ་མཐོང་ངོ་། །འདིར་ནི་དྲང་སྲོང་ཆེན་པོ་དེས། །དགེ་སློང་
D45.039.0022a07.01