完整藏文原文 · 德格版页 当前仅加载第 39 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་འདོད་པའི་ཡོན་ཏན་ལྔ་པོ་དག་ལ་མི་སྤྱོད་དོ། །དེ་ལ་འདི་སྐད་ཅེས་བྱ་སྟེ། ཁྱིམ་པ་བསླབ་པའི་གཞི་ལྔ་པོ། །བསྲུང་བ་དག་ནི་ལེགས་བསྲུངས་ཏེ། །བུད་མེད་དང་ནི་འདུ་བ་སྤོང་། །དེ་ལ་སྨོད་ཅིང་བཤུང་བར་བྱེད། །འདི་འདྲ་བ་ཡི་
D45.039.0045a01.01ཆོས་འདི་དག །ཡོངས་སུ་ཚོལ་བས་ངོམས་པ་མེད། །འགྱོད་པའི་གནས་ནི་གང་ཡིན་པ། །དེ་དག་དེས་ནི་མྱུར་དུ་སེལ། །དགེ་བའི་ཆོས་རྣམས་ཐམས་ཅད་ཀྱང་། །བྱང་ཆུབ་དོན་དུ་སྔོ་བར་བྱེད། །དེ་ནི་དགེ་བའི་རྩ་བ་དེས། །འདོད་པའི་ཡོན་ཏན་མྱུར་དུ་སྤོང་། །རྟག་ཏུ་མང་དུ་ཐོས་པར་འགྱུར། །
D45.039.0045a02.01སྙིང་རྗེ་ཡང་དག་བསྐྱེད་ནས་སུ། །སྲོག་ཆགས་རྣམས་ལ་ཆོས་སྟོན་ཅིང་། །བྱང་ཆུབ་ལམ་ནི་ཡོངས་སུ་ཚོལ། །དེ་བས་འདི་འདྲ་རྣམས་ཐོས་ནས། །འདུན་པ་བཟང་པོ་བསྐྱེད་བྱ་ཞིང་། །འདོད་པས་བསྟེན་པར་མི་བྱ་སྟེ། །འཁོར་ལོ་མྱུར་དུ་བསྐོར་བར་བྱ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་འོད་སྲུང་
D45.039.0045a03.01ཆེན་པོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་དེའི་ཕྱིར་ཁྱོད་ཀྱིས་ཆོས་ཀྱི་རྣམ་གྲངས་འདི་སྡོམ་པ་གསུམ་བསྟན་པ་ཞེས་བྱ་བར་ཟུང་ཤིག །བྱང་ཆུབ་
D45.039.0045a04.01སེམས་དཔའི་བསླབ་པ་ཡོངས་སུ་བརྗོད་པ་ཞེས་བྱ་བར་ཡང་ཟུང་ཤིག །ཆོས་ཐམས་ཅད་ཡང་དག་པར་འདུ་བ་ཞེས་བྱ་བར་ཡང་ཟུང་ཤིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་འོད་སྲུང་ཆེན་པོ་དང་། ཐམས་ཅད་དང་ལྡན་པའི་འཁོར་དེ་དང་། ལྷ་དང་། དྲི་ཟ་དང་།
D45.039.0045a05.01མི་དང་། ལྷ་མ་ཡིན་དུ་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས། སྡོམ་པ་
D45.039.0045a06.01གསུམ་བསྟན་པ་ཞེས་བྱ་བ་ལེའུ་དང་པོ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེན་དྲ་བོ་དྷི་དང་། ཞུ་ཆེན་གྱི་ལོཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་ཀྱང་བཅོས་ནས་གཏན་ལ་ཕབ་པ།། །།
D45.039.0045a07.01