完整藏文原文 · 德格版页 当前仅加载第 39 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་པའི་ཡོངས་སུ་སྦྱང་བ་བྱ་བ་གང་དག་བྱང་ཆུབ་ལ་ཕན་པར་འགྱུར་བ་གང་ཡིན་ཞེ་ན། འོད་སྲུང་བྱང་ཆུབ་སེམས་དཔའ་ཁྱིམ་པའི་ཡོངས་སུ་སྦྱང་བ་བྱ་བ་གང་དག་བྱང་ཆུབ་ལ་ཕན་པར་འགྱུར་བ་ནི་གསུམ་སྟེ། གསུམ་གང་ཞེ་ན། ཐམས་ཅད་མཁྱེན་པ་ཉིད་ལ་ཤིན་ཏུ་འདུན་
D45.039.0037a01.01པར་བྱ་བ་དང་། སྔོན་གྱི་བྱེད་པར་མི་ལྟུང་བར་བྱ་བ་དང་། དེས་བསླབ་པའི་གཞི་ལྔ་དང་ལྡན་པར་བྱ་བ་སྟེ། ཡན་ལག་གསུམ་པོ་དེ་དག་དང་ལྡན་ན་ཆོས་དྲུག་སྒྲུབ་པར་བྱེད་དོ། །དྲུག་གང་ཞེ་ན། འཕགས་པའི་གནས་འཐོབ་པ་དང་། མི་བླུན་ཞིང་ལུག་ལྟར་ལྐུགས་པ་མ་ཡིན་པ་དང་།
D45.039.0037a02.01འོན་པ་མ་ཡིན་ཞིང་དིག་པ་མ་ཡིན་པ་དང་། དེའི་ལུས་རྣམ་པར་གསལ་བར་མངོན་པར་འགྲུབ་པ་དང་། དད་པ་མྱུར་དུ་འཐོབ་ཅིང་ཆོས་ཟབ་མོ་དག་གིས་སྐྲག་པར་མི་འགྱུར་བ་དང་། བསྒྲིམ་མི་དགོས་པར་ཐོས་པས་འཕགས་ཤིང་མྱུར་དུ་ཕྱིར་མི་ལྡོག་པ་འཐོབ་པར་འགྱུར་བའོ། །ཆོས་
D45.039.0037a03.01དྲུག་པོ་འདི་དག་གི་བར་དུ་གཅོད་པར་འགྱུར་བའི་ཆོས་ལྔ་སྟེ། དེ་ལ་མཁས་པར་བྱའོ། །ལྔ་གང་ཞེ་ན། ཕྲ་མ་མི་བྱ་བར་དམ་བཅས་ཏེ་མི་གནས་པ་དང་། རྣམ་པ་ཐམས་ཅད་དུ་བསླུ་བར་མི་བྱ་བ་དང་། བྱང་ཆུབ་སེམས་དཔས་བསམ་པ་ཕུན་སུམ་ཚོགས་པར་བྱ་བ་དང་། སེར་སྣ་
D45.039.0037a04.01ནི་དེའི་བར་དུ་གཅོད་པར་འགྱུར་བ་དང་། འདོད་པ་ལ་མངོན་པར་ཆགས་པ་ནི་དེའི་བར་དུ་གཅོད་པར་འགྱུར་བ་སྟེ། ཆོས་ལྔ་པོ་དེ་དག་ནི་དེའི་བར་དུ་གཅོད་པར་འགྱུར་བའོ། །གཞན་ཡང་ཉམས་སུ་བླང་བའི་ཆོས་གསུམ་སྟེ། གསུམ་གང་ཞེ་ན། རྒྱུན་མི་འཆད་པར་རབ་ཏུ་
D45.039.0037a05.01འབྱུང་བའི་སེམས་བསྐྱེད་པར་བྱ་བ་དང་། ཚུལ་ཁྲིམས་དང་ལྡན་པའི་དགེ་སྦྱོང་དང་བྲམ་ཟེ་རྣམས་ལ་གུས་པ་དང་བཅས་ཤིང་ཞེས་དང་བཅས་པར་བྱ་བ་དང་། གང་དག་བཅོས་ཤིང་ཆོས་སྟོན་པ་དེ་དག་ཡོངས་སུ་སྤང་བར་བྱ་བའོ། །དེ་ཅིའི་ཕྱིར་ཞེ་ན། དེ་ལ་བྱང་ཆུབ་སེམས་དཔས་བསླབ་པར་མི་
D45.039.0037a06.01བྱ་བའི་ཕྱིར་རོ། །བྱང་ཆུབ་སེམས་དཔས་རྩྭའི་ཁུར་བསྐུར་བར་མི་བྱའོ། །དེ་ཅིའི་ཕྱིར་ཞེ་ན། གང་གསོག་པ་དེ་བྱང་ཆུབ་ཀྱི་ལམ་མ་ཡིན་པའི་ཕྱིར་ཏེ། དེ་ནི་མི་ཤེས་པས་སྦགས་ནས་ཆོས་དེ་དག་ཡང་དག་པར་བླངས་ཏེ་མི་སློབ་བོ། །འོད་སྲུང་གཞན་ཡང་བྱང་ཆུབ་སེམས་དཔས་
D45.039.0037a07.01