完整藏文原文 · 德格版页 当前仅加载第 39 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་འདས་ནས་ལྟ་ཅི་སྨོས། དགེ་སློང་ཟང་ཟིང་ལ་ཆགས་པ། ལྷུང་བཟེད་ལ་ཆགས་པ། ཆོས་གོས་ལ་ཆགས་པ། ན་བའི་གསོས་སྨན་དང་ཡོ་བྱད་ལ་ཆགས་པ། རྨུགས་པ་དང་གཉིད་ཀྱི་དབང་དུ་སོང་བ་དང་། །གནོད་སེམས་ལ་དཔའ་བའི་དགེ་སློང་རྣམས་མདོ་སྡེ་འདི་
D45.039.0025a01.01ལྟ་བུ་འདི་དག་ཐོས་ན་དེ་བཞིན་གཤེགས་པ་ལ་ཡང་བསྟི་སྟང་མེད་པར་གྱུར་ན། དགེ་སློང་གང་དག་བྱ་བ་ལ་གནས་པ་རྣམས་ལ་ལྟ་ཅི་སྨོས། འོད་སྲུང་གང་ཆོས་རིན་པོ་ཆེ་འདི་ལྟ་བུ་འདི་ནུབ་པར་འགྱུར་བ་ནི་མ་ལེགས་པའོ། །ཤིན་ཏུ་མ་ལེགས་པའོ། །དེ་ལ་རིགས་ཀྱི་བུ་འམ།
D45.039.0025a02.01རིགས་ཀྱི་བུ་མོ་དོན་འདོད་པ་དད་པས་ཕྱི་མའི་དུས། སྙིགས་མའི་དུས། ཤིན་ཏུ་འཆབ་པའི་དུས། རིགས་ཀྱི་བུ་མུ་གེ་བྱུང་བའི་དུས་དེ་ན་ངའི་བསྟན་པ་ལ་མདོ་སྡེ་ཟབ་མོ་འདི་ལྟ་བུ་འདི་དག་ཐོས་ནས་རིགས་པ་དང་ལྡན་པ་རྣམས་ལ་བརྗོད་པར་བྱའི་རིགས་པ་དང་མི་ལྡན་པ་རྣམས་ལ་ནི་
D45.039.0025a03.01མ་ཡིན་ནོ། །དད་པ་རྣམས་ལ་བརྗོད་པར་བྱའི་མ་དད་པ་རྣམས་ལ་ནི་མ་ཡིན་ནོ། །འོད་སྲུང་ང་ཡང་ད་ལྟར་རིགས་པ་དང་ལྡན་པ་རྣམས་ལ་སྨྲའི་རིགས་པ་དང་མི་ལྡན་པ་རྣམས་ལ་ནི་མ་ཡིན་ནོ། །དད་པ་རྣམས་ལ་སྨྲའི་མ་དད་པ་རྣམས་ལ་ནི་མ་ཡིན་ནོ། །འོད་སྲུང་རྟ་དམུ་རྒོད་ནི་རྟ་ཅང་
D45.039.0025a04.01ཤེས་ཀྱི་གོ་ཆ་མི་ལེན་ཏོ། །ལེན་ན་ཡང་དེ་ལ་དེ་ཡིད་མི་དགའ་བར་འགྱུར་ན་དུང་དང་། འཁར་རྔ་དང་། རྔ་བོ་ཆེ་དང་། རྫ་རྔའི་སྒྲ་བཟོད་པ་ལྟ་ཅི་སྨོས་ཏེ་དེ་ནི་གནས་མེད་དོ། །འོད་སྲུང་དེ་བཞིན་དུ་དགེ་སློང་ཚུལ་ཁྲིམས་འཆལ་པ་ཡང་སྐྱེས་བུ་དམ་པའི་ཆོས་ལ་ནམ་ཡང་བཟོད་པར་མི་
D45.039.0025a05.01འགྱུར་རོ། །འོད་སྲུང་འདི་ལྟ་སྟེ། དཔེར་ན་རྟ་དམུ་རྒོད་དེ་ནི་འདྲོག་པར་འགྱུར་རོ། །འོད་སྲུང་དེ་བཞིན་དུ་དགེ་སློང་ཚུལ་ཁྲིམས་འཆལ་པ་ཡང་ཐ་ན་ཆོས་ཐམས་ཅད་ནི་བདག་མེད་པའོ་ཞེས་ཚིག་གཅིག་སྨྲས་ན། དེ་ལ་བདག་གི་འདུ་ཤེས་ཅན་འཇིགས་པར་འགྱུར། སྐྲག་པར་འགྱུར།
D45.039.0025a06.01རྩོད་པར་འགྱུར་ན་ཉེ་བར་བསྟན་པ་ན་ལྟ་ཅི་སྨོས། གོ་ཆ་བགོས་ནས་བདུད་ཀྱི་སྡེ་བྱེ་བ་ཕྲག་བརྒྱ་ཕམ་པར་བྱ། ཇི་ལྟར་ཤིན་ཏུ་རྩོད་པར་མི་འགྱུར་བ་དེ་ལྟར་ཕ་རོལ་ཕམ་པར་བྱའོ། །དེ་དག་གི་གོ་ཆ་དེ་ནི་མི་ཤིགས་པའི་རྩ་བ་དང་། སྦྱངས་པའི་ཡོན་ཏན་དང་ཡོ་བྱད་བསྙུངས་པའི་རྩ་བ་དང་།
D45.039.0025a07.01