完整藏文原文 · 德格版页 当前仅加载第 39 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལས་འདུས་བྱས་གཞན་པར་སེམས་ཤིང་འདུས་མ་བྱས་ལས་སངས་རྒྱས་ཀྱི་ཆོས་རྣམས་གཞན་པར་སེམས་ལ། སངས་རྒྱས་ཀྱི་ཆོས་རྣམས་ལ་སེམས་ཤིང་འདུ་ཤེས་ལ་སྤྱོད་པར་འགྱུར་བའམ། སངས་རྒྱས་ཀྱི་ཆོས་རྣམས་ལ་སེམས་པའོ་སྙམ་དུ་ཤེས་ན་ཤེས་པ་
D45.039.0008a01.01དེ་སངས་རྒྱས་ཀྱི་ཆོས་རྣམས་ལས་ཕྱིར་ལོག་པ་ཡིན་ཏེ། དེ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་པ་ཞེས་མི་བྱའོ། །དེ་ཅིའི་ཕྱིར་ཞེ་ན། སངས་རྒྱས་ཀྱི་ཆོས་སུ་སེམས་ན་དེ་བདག་ཏུ་འཛིན་པ་ཉིད་ཡིན་པའི་ཕྱིར་རོ། །ཉིན་གཅིག་བཞིན་དུ་སྦྱོར་
D45.039.0008a02.01བས་དེ་ལ་བརྩོན་པར་བྱེད་ན་དེ་ནི་དེའི་བདག་ཏུ་འཛིན་པ་ཡིན་ཏེ་འབྲལ་བ་མ་ཡིན་ནོ། །གང་མ་བྲལ་བ་དེ་སེམས་པའོ། །གང་སེམས་པ་དང་། གང་གིས་སེམས་པ་དང་། གང་ལ་སེམས་པ་དེ་རྣམ་པར་ཉམས་པའོ། །གང་རྣམ་པར་ཉམས་པ་དེ་རྣམ་པར་རྒྱུག་གོ །གང་རྣམ་པར་
D45.039.0008a03.01རྒྱུག་པ་དེ་ཀུན་ཏུ་རྒྱུག་གོ །གང་ཀུན་ཏུ་རྒྱུག་པ་དེ་རྗེས་སུ་འགྲོའོ། །གང་རྗེས་སུ་འགྲོ་བ་དེ་རྟོག་གོ །གང་རྟོག་པ་དེ་རྣམ་པར་རྟོག་གོ །གང་རྣམ་པར་རྟོག་པ་དེ་རབ་ཏུ་རྟོག་གོ །གང་རབ་ཏུ་རྟོག་པ་དེ་ཀུན་ཏུ་རྟོག་གོ །གང་ཀུན་ཏུ་རྟོག་པ་དེ་མ་ཞི་བའོ། །གང་མ་ཞི་བ་དེ་
D45.039.0008a04.01གཡོན་ཕྱོགས་པའོ། །གང་གཡོན་ཕྱོགས་པ་དེ་འཁྱམ་པའོ། །གང་འཁྱམ་པ་དེ་ཕོངས་པའོ། །ཅིས་ཕོངས་ཞེ་ན། བདེ་བས་ཕོངས་སོ། །བདེ་བ་གང་ཞེ་ན། གང་ལ་ཀུན་ཏུ་རྟོག་པ་མེད་པ་དེ་བདེ་བའོ། །གང་ཕོངས་པ་དེ་སྐྱོན་ཅན་ནོ། །སྐྱོན་ཅན་གང་ཡིན་པ་དེ་ཉེ་བར་འགྲོ་བའོ། །
D45.039.0008a05.01གང་ཉེ་བར་འགྲོ་བ་དེ་བག་ལ་ཉལ་བའོ། །བག་ལ་ཉལ་བ་གང་ཡིན་པ་དེ་མཚམས་སྦྱོར་བའོ། །གང་མཚམས་སྦྱོར་བ་དེ་རྣམ་པར་མཚམས་སྦྱོར་བའོ། །གང་རྣམ་པར་མཚམས་སྦྱོར་བ་དེ་ཡོངས་སུ་མཚམས་སྦྱོར་བའོ། །གང་ཡོངས་སུ་མཚམས་སྦྱོར་བ་དེ་རྣམ་པར་སྨྲ་བའོ། །
D45.039.0008a06.01གང་རྣམ་པར་སྨྲ་བ་དེ་སྨྲ་བ་ལྐུགས་པའོ། །གང་སྨྲ་བ་ལྐུགས་པ་དེ་མྱ་ངན་བྱེད་པའོ། །གང་མྱ་ངན་བྱེད་པ་དེ་ཚིག་པར་བྱེད་པའོ། གང་ཚིག་པར་བྱེད་པ་དེ་ཉམས་པ་སྟེ་ཡིད་དུ་འོང་བ་དང་། ཡིད་དུ་མི་འོང་བའི་ཆོས་ཞེས་གང་ལ་གནས་པའི་དྲ་བ་ཅན་ནོ། །འདི་ལ་ཆོས་གང་
D45.039.0008a07.01