完整藏文原文 · 德格版页 当前仅加载第 39 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་སྟེ། དེས་ནི་ཤེས་རབ་རང་བཞིན་ཅན། །ཁྲིམས་ལྡན་མང་དུ་ཐོས་མཐོང་ནས། །ཡིད་བདེ་བ་ནི་བསྐྱེད་བྱས་ཏེ། །སོང་ནས་དེ་དག་འགྲོན་དུ་གཉེར། །དེ་དག་འགྲོན་དུ་གཉེར་བྱས་ནས། །དེ་ནི་ཡང་དག་ཇི་བཞིན་བྱེད། །དེ་ནི་གཏོང་རྒྱུན་མི་གཅོད་ཅིང་། །དེ་ལ་འགྲས་པར་འགྱུར་
D45.039.0044a01.01བ་མེད། །གང་གི་དོན་དུ་བསྙེན་བཀུར་བ། །སྙིང་པོ་དེ་ནི་ལེན་པར་བྱེད། །སྣ་ཚོགས་ཤེས་པའི་ཁྱད་པར་གྱིས། །རིན་ཆེན་ཤིན་ཏུ་དཀོན་ལ་ཡང་། །གང་དག་དད་པ་འདི་འདྲ་ཞིང་། །བྱང་ཆུབ་ལ་ཡང་མངོན་ཞུགས་པ། །དེ་དག་ཡེ་ཤེས་སྤྱོད་ཡུལ་བ། །བྱང་ཆུབ་རྙེད་པར་དཀའ་བ་
D45.039.0044a02.01མེད། །འཚོ་བ་མཆོག་གིས་འཚོ་བྱས་ནས། །ལོངས་སྤྱོད་མཆོག་རྣམས་སྡུད་པར་བྱེད། །ཆོས་ཀྱི་དམ་པ་ཡོངས་སུ་ཚོལ། །མྱ་ངན་འདས་པ་མཆོག་ལ་རེག །རིགས་མཆོག་རྣམས་སུ་སྐྱེ་བར་འགྱུར། །གཟུགས་ཀྱི་དམ་པ་མངོན་པར་འགྲུབ། །ཆོས་གོས་དམ་པ་འཆང་བར་བྱེད། །དེ་ནི་མྱ་ངན་
D45.039.0044a03.01འདས་མཆོག་འཐོབ། །མཁས་པའི་མི་ནི་འདི་འདྲའི་ཆོས། །དེ་དག་ཤེས་པར་གྱུར་ནས་ནི། །ཀུན་ཏུ་སྤྱོད་དེ་ཐུབ་པ་ཡིས། །ཉེ་བར་བསྟན་ལ་གུས་པར་བྱེད། །མི་དེ་སངས་རྒྱས་ཐེག་པ་ཡི། །ཐེག་པ་མཆོག་གིས་འགྲོ་བར་བྱེད། །མྱ་ངན་འདས་པ་བསིལ་བའི་དངོས། །འདི་ནི་དེ་ཡི་འབྲས་བུ་
D45.039.0044a04.01མཆོག །ཅི་འདྲ་བ་ཡི་ལས་བྱས་པ། །རྣམ་པར་སྨིན་པ་དེ་འདྲར་འགྱུར། །བསྐལ་པ་བྱེ་བ་ཕྲག་བརྒྱར་ཡང་། །དེ་ནི་ཆུད་ཟར་འགྱུར་བ་མེད། །འོད་སྲུང་བྱང་ཆུབ་སེམས་དཔའ་ཁྱིམ་པ་ཆོས་གསུམ་དང་ལྡན་ན་ཁྱིམ་གྱི་ས་ལ་གནས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་
D45.039.0044a05.01པར་སངས་རྒྱས་ཀྱི་བར་དུ་ཇི་ལྟར་ནམ་དུ་ཡང་འདོད་པའི་ཡོན་ཏན་ལྔ་པོ་དག་ལ་ཡོངས་སུ་སྤྱོད་པར་མི་འགྱུར་བ་དེ་ལྟ་བུའི་དགེ་བའི་རྩ་བ་སྐྱེད་དེ། གསུམ་གང་ཞེ་ན། འོད་སྲུང་འདི་ལ་བྱང་ཆུབ་སེམས་དཔའ་ཁྱིམ་པ་བསླབ་པའི་གཞི་ལྔ་དང་ལྡན་པ་ཡིན་ཏེ། དེ་གཞན་ལ་ཡང་འདོད་པ་བསྔགས་པར་མི་
D45.039.0044a06.01བྱེད་ཅིང་། བུད་མེད་དང་རྒྱུ་བ་མ་ཡིན་གྱི་རང་གི་དོན་ལ་མངོན་པར་བརྩོན་པ་ཡིན་ཏེ། བདག་ནི་བུད་མེད་དང་བསྟེན་པས་ཆོག་གིས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་འདོད་པའི་ཡོན་ཏན་ལྔ་པོ་དག་དང་ཕྲད་པར་མ་གྱུར་ཅིག་ཅེས་སེམས་ཀྱང་སྐྱེད་དེ།
D45.039.0044a07.01