完整藏文原文 · 德格版页 当前仅加载第 39 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲ་བའོ། །གང་འདུ་ཤེས་དང་། འདུ་ཤེས་ལ་གནས་པར་བྱེད་པ་དེ་འདུ་ཤེས་མེད་པ་དང་། འདུ་ཤེས་མེད་པ་ལ་གནས་པར་བྱེད་པའོ། །གང་འདུ་ཤེས་མེད་པ་དང་། འདུ་ཤེས་མེད་པ་ལ་གནས་པ་དེ་རྒྱགས་པར་བྱེད་པའོ། །གང་རྒྱགས་པར་བྱེད་
D45.039.0009a01.01པ་དེ་སྡུག་བསྔལ་དང་། སྡུག་བསྔལ་ལ་ཀུན་ཏུ་རྒྱུག་གོ །གང་སྡུག་བསྔལ་དང་། སྡུག་བསྔལ་ལ་ཀུན་ཏུ་རྒྱུག་པ་དེ་སྨྲ་བ་ལ་རྒྱུག་ཅིང་གནས་པའོ་ཞེས་དེ་བཞིན་གཤེགས་པས་གསུངས་སོ། །ཅིའི་ཕྱིར་སྨྲ་བ་ལ་རྒྱུག་ཅིང་གནས་པ་ཞེས་བྱ་ཞེ་ན། ཤིན་ཏུ་ཡིད་ལ་བྱེད་པའི་
D45.039.0009a02.01ཕྱིར་རོ། །གང་ལ་ཡིད་ལ་བྱེད་པ་ཡོད་པ་དེ་ལ་ངར་འཛིན་པ་ཡོད་དོ། །གང་ལ་ངར་འཛིན་པ་ཡོད་པ་དེ་ལ་བྱེད་པ་ཡོད་དོ། །གང་ལ་བྱེད་པ་ཡོད་པ་དེ་ལ་ཤིན་ཏུ་ཡོད་དོ། །གང་ལ་ཤིན་ཏུ་ཡོད་པ་དེ་ཀུན་ཏུ་བརྗོད་པ་དང་། ཉེ་བར་བརྗོད་པ་དང་། གནས་པར་བྱེད་པའོ་ཞེས་
D45.039.0009a03.01དེ་བཞིན་གཤེགས་པས་གསུངས་ཏེ། དེའི་ཕྱིར་ཆོས་ཐམས་ཅད་ནི་ཡིད་ལ་བྱེད་པ་ལས་བྱུང་བའོ། །འོད་སྲུང་འདི་ལྟ་སྟེ། དཔེར་ན་སྟེང་གི་བར་སྣང་ལས་སྤྲིན་གྱི་ཕུང་པོ་བྱུང་བ་དེ་དག་ནི་ཤར་ཕྱོགས་ནས་མ་འོངས། ལྷོ་ཕྱོགས་ནས་མ་ཡིན། ནུབ་ཕྱོགས་ནས་མ་ཡིན།
D45.039.0009a04.01བྱང་ཕྱོགས་ནས་མ་ཡིན། སྟེང་ནས་མ་ཡིན། འོག་ནས་མ་ཡིན། ཕྱོགས་ནས་མ་ཡིན། ཕྱོགས་མཚམས་ནས་ཀྱང་མ་འོངས་ཏེ། དེ་བཞིན་གཤེགས་པ་ཡང་དག་པ་གསུང་བས་དེ་ཕྱོགས་བཅུ་ནས་མ་འོངས་པར་མཁྱེན་ནས། དོན་གྱི་ཚུལ་དང་། རིགས་པའི་ཚུལ་དང་།
D45.039.0009a05.01ཡང་དག་པའི་ཚུལ་གྱིས་སྤྲིན་གྱི་ཕུང་པོ་ནི་ཕུང་པོ་མེད་པའོ་ཞེས་ཡང་དག་པ་ཇི་ལྟ་བ་བཞིན་དུ་གསུངས་ཏེ། དེས་ན་ཕུང་པོ་མེད་པ་ནི་སྤྲིན་གྱི་ཕུང་པོ་ཞེས་བྱའོ། །ཅིའི་ཕྱིར་སྤྲིན་གྱི་ཕུང་པོ་ཞེས་བྱ་ཞེ་ན། ཡངས་པའི་གནས་ཀྱིས་སོ། །ཡངས་པའི་གནས་ཇི་ལྟ་བུ་ཞེ་ན།
D45.039.0009a06.01མཚན་མ་སྣ་ཚོགས་ཀྱི་སྦྱོར་བས་ལྡིང་བའི་མཚན་མའོ་ཞེས་རྒྱུད་འཁྲུལ་གྱི། དེ་ལ་ནི་ལྡིང་བར་རྣམ་པར་ཤེས་པར་བྱེད་པ་གང་ཡང་མེད་དོ། །སྤྲིན་གྱི་ཕུང་པོ་ནི་ལྡིང་བའི་མཚན་མ་ལས་བྱུང་བ་ལ་ལྟོས། དེ་ལ་ལྡིང་བའི་མཚན་མ་གང་ཡིན་པ་དེ་ནི་མཚན་མ་མེད་པའོ། །གང་
D45.039.0009a07.01