完整藏文原文 · 德格版页 当前仅加载第 39 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
གང་དག་འཇིག་རྟེན་འདི་ན་གནས་པ་དེ་དག་ནི་བརྐམ་པའོ། །གང་དག་བརྐམ་པ་དེ་དག་ཁྲོ་བའོ། །གང་དག་ཁྲོ་བ་དེ་དག་རྨོངས་པའོ། །གང་དག་རྨོངས་པ་དེ་དག་མ་དག་པའོ། །གང་དག་མ་དག་པ་དེ་དག་འགལ་བའོ། །སུ་དང་འགལ་ཞེ་ན།
D45.039.0010a01.01དེ་བཞིན་གཤེགས་པ་དང་དེ་བཞིན་གཤེགས་པའི་ཉན་ཐོས་རྣམས་དང་འགལ་ལོ། །གང་དག་འགལ་བ་དེ་དག་རྗེས་སུ་འཛིན་པའོ། །གང་དག་རྗེས་སུ་འཛིན་པ་དེ་དག་སོ་སོར་འཛིན་པའོ། །གང་དག་སོ་སོར་འཛིན་པ་དེ་དག་སྲིད་པ་ཚོལ་བའོ། །གང་དག་སྲིད་པ་
D45.039.0010a02.01ཚོལ་བ་དེ་དག་ཚོལ་བའོ། །གང་དག་ཚོལ་བ་དེ་དག་ཡོངས་སུ་ཚོལ་བའོ། །གང་དག་ཡོངས་སུ་ཚོལ་བ་དེ་དག་འདོད་པ་ཆུང་བ་མ་ཡིན་ནོ། །གང་དག་འདོད་པ་ཆུང་བ་མ་ཡིན་པ་དེ་དག་བྱ་བ་མང་བའོ། །གང་དག་བྱ་བ་མང་བ་དེ་དག་འདོད་པ་ཆེ་བའོ། །གང་དག་འདོད་
D45.039.0010a03.01པ་ཆེ་བ་དེ་དག་འདོད་པའི་ཁམས་བག་ལ་ཉལ་བར་བྱེད། གཟུགས་ཀྱི་ཁམས་དང་། གཟུགས་མེད་པའི་ཁམས་བག་ལ་ཉལ་བར་བྱེད་དོ། །གང་དག་བག་ལ་ཞེན་པར་བྱེད་པ་དེ་དག་བག་ལ་ཉལ་བར་བྱེད་དོ། །གང་དག་བག་ལ་ཉལ་བར་བྱེད་པ་དེ་དག་རྒྱུན་དང་།
D45.039.0010a04.01རྒྱུན་ཕྱོགས་སུ་འགྲོ་བའོ། །གང་དག་རྒྱུན་དང་རྒྱུན་ཕྱོགས་སུ་འགྲོ་བ་དེ་དག་འཆི་བར་འགྲོ་བའོ། །གང་དག་འཆི་བར་འགྲོ་བ་དེ་དག་མྱ་ངན་ལས་འདས་པར་མི་འགྲོ་བའོ། །གང་དག་མྱ་ངན་ལས་འདས་པར་མི་འགྲོ་བ་དེ་དག་འགྲོ་བ་མ་ཡིན་པར་འགྲོ་བའོ། །གང་དག་
D45.039.0010a05.01འགྲོ་བ་མ་ཡིན་པར་འགྲོ་བ་དེ་དག་ཐམས་ཅད་སེམས་ཅན་དམྱལ་བར་འགྲོ་བའོ། །འོད་སྲུང་དེ་ལྟར་ན་བཀྲ་མི་ཤིས་པའི་སྦྱོར་བས་སྦྱོར་གྱིས། ཁྲོ་བ་དང་འཁྲུག་པས་མི་སྦྱོར་བ་མ་ཡིན། རྣམ་པར་འཇིག་པས་མ་ཡིན་ནོ། །གང་དག་རྣམ་པར་འཇིག་པས་མ་ཡིན་པ་དེ་
D45.039.0010a06.01དག་བདག་གི་འདུ་ཤེས་ལ་རྣམ་པར་རྟོག་པར་མི་བྱེད་དོ། །གང་དག་བདག་གི་འདུ་ཤེས་ལ་རྣམ་པར་རྟོག་པར་མི་བྱེད་པ་དེ་དག་ང་ཞེ་འམ་ངའི་ཞེས་གོང་བུར་བྱེད་དོ། །ཟག་པར་བྱེད་དོ། །ཅིའི་ཕྱིར་ངའམ་ངའི་ཞེས་བྱ་ཞེ་ན། ཡང་དག་པ་མ་ཡིན་པ་ལ་འཛིན་པས་འདུ་ཤེས་
D45.039.0010a07.01