完整藏文原文 · 德格版页 当前仅加载第 39 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
སྲིད་དུ་ཁོང་དུ་མ་ཆུད་པ་དེ་སྲིད་དུ་དད་པས་སྦྱིན་པར་བྱེད་དེ། དེ་ལྟར་ན་ཡོན་ཏན་དེ་ལྟ་བུ་དང་། སྤྱོད་པ་དེ་ལྟ་བུ་དང་ལྡན་པ་དེ་དག་ནི་སྔོན་མ་མཐོང་བའི་མི་དང་འདྲའོ། །དེ་དག་གིས་ཡོངས་སུ་སྤྱད་ནས་འདུ་འཛིས་ཉིན་མཚན་འདས་པར་བྱེད་དོ། །རྒྱལ་པོའི་གཏམ་
D45.039.0028a01.01བརྗོད་པ་དང་། ཆོམ་རྐུན་གྱི་གཏམ་བརྗོད་པ་དང་། བཟའ་བའི་གཏམ་དང་། བཏུང་བའི་གཏམ་དང་། སྨད་འཚོང་མའི་གཏམ་དང་། བུད་མེད་ཀྱི་གཏམ་དང་། སྨད་པའི་གཏམ་བརྗོད་པར་འགྱུར། ཟླ་བ་སྤྱང་ཀིས་ཟིན་པ་དང་། ཉི་མ་སྤྱང་ཀིས་ཟིན་པ་དང་། རྒྱལ་པོ་འོང་ངོ་། །རྒྱལ་
D45.039.0028a02.01པོ་འགྲོའོ། །རྒྱལ་པོ་བཙུན་མོའི་འཁོར་གྱི་ནང་ན་འདུག་གོ་ཞེས་བྱ་བ་དང་། ཁྱིམ་གྱི་གཏམ་བརྗོད་པར་འགྱུར། སྡུག་པར་འགྲོ་བར་བྱ། གང་ན་ཟས་སྟེར་བ་དེར་འགྲོ་བར་བྱ་ཞེས་དེ་ལྟ་བུའི་གཏམ་བརྗོད་པར་འགྱུར་རོ། །ཞག་གཅིག་གནས་པས་ཉི་མ་འདས་པར་བྱས་ནས་གཙུག་ལག་
D45.039.0028a03.01ཁང་དུ་འགྲོ་བར་འགྱུར། ཞག་གཉིས་གནས་པ་དང་། ཞག་གསུམ་གནས་པ་དང་། ཞག་བཞི་གནས་པ་དང་། ཞག་ལྔ་གནས་པ་དང་། ཞག་དྲུག་གནས་པ་དེ་དག་དེར་གནས་པ་ལྟ་བུའི་གཏམ་བརྗོད་པར་འགྱུར་ཞིང་དེ་ལྟ་བུའི་གཏམ་དག་བརྗོད་པར་འགྱུར། སྨན་ཆང་སྣ་ཚོགས་ཀྱི་གཏམ་གྱི་རྒྱུད་ཀྱིས་ཤེས་
D45.039.0028a04.01བཞིན་མེད་པར་གྱུར་པའི་ལུས་དང་། ཁ་ནས་ཁ་ཆུ་ཟག་ཅིང་མྱོས་ནས་ཉལ་བར་འགྱུར་རོ། །དེ་དག་གིས་དེར་ཅི་བྱས་པ་དེ་རྨི་ལམ་དུ་རྨི་བར་འགྱུར། བདག་འགྲོ་བ་རྨི་བར་འགྱུར། བདག་ཡོན་ཏན་མ་ཐོབ་པ་སྒྲུབ་པར་རྨི་བར་འགྱུར་རོ། །དེ་དག་སད་ནས་ཕན་ཚུན་གཏམ་ཟེར་ཏེ། འདི་ལྟར་
D45.039.0028a05.01ཁྱོད་ནི་མཚན་མོ་སོང་ངོ་། །འདི་ལྟར་ཁྱོད་ནི་འདུག་གོ །འདི་ལྟར་ཁྱོད་ཀྱིས་དེ་ལ་ཐོབ་བོ། །གང་དག་གིས་མ་ཐོབ་པ་དེ་དག་ཀྱང་མྱུར་དུ་སྐྱེན་པར་མྱུར་དུ་སོང་དང་ལེགས་སོ་ཞེས་ཕན་ཚུན་སྨྲ་བར་འགྱུར་ཏེ། ཤིས་པའི་རྨི་ལམ་དེ་དག་རྨིས་ནས་དེ་དག་གྲོང་དང་། གྲོང་ཁྱེར་དང་། གྲོང་
D45.039.0028a06.01རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དུ་འཇུག་པར་འགྱུར། གཅིག་ལ་གཅིག་ངོ་འཛུམ་གནག་པ་དང་། སྡུག་བསྔལ་བ་དང་། ཉེ་བར་གནས་པ་མ་ཡིན་པའི་རྒྱུ་དང་། མཉམ་པར་མ་གཞག་པའི་སེམས་ཀྱིས་རྒོད་ཅིང་དབང་པོ་ཕལ་པར་གྱུར་ལ། མ་བསྒྲིམས་ཤིང་
D45.039.0028a07.01