完整藏文原文 · 德格版页 当前仅加载第 39 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་ཐོ་བ་མི་མཐོང་སྟེ། །སྣོད་རྣམས་ཐམས་ཅད་འཇོམས་པར་བྱེད། །རྣམ་པར་སྨིན་དེ་འདི་འདྲའོ། །འོད་སྲུང་ངག་ནི་བསྲུང་བར་བྱ། །ཡིད་ཀྱང་ཤིན་ཏུ་བསྡམ་པར་བྱ། །མི་དགེ་བ་ཡི་ཆོས་རྣམས་ཀུན། །གཞན་ལ་བརྗོད་པར་མི་བྱའོ། །སྐྱེ་བའི་འཁོར་བ་སྡུག་བསྔལ་ཏེ། །སྲེད་པས་
D45.039.0043b01.01སྐྱེ་བ་འཕེལ་བར་འགྱུར། །དེ་བས་བརྟན་པ་ཆོས་སྤྱོད་ཅིག །ཆོས་མ་ཡིན་པ་རྣམ་པར་སྤོངས། །འོད་སྲུང་བྱང་ཆུབ་སེམས་དཔའ་ཁྱིམ་པ་ཆོས་གསུམ་དང་ལྡན་ན་རྒྱལ་རིགས་ཤིང་སཱ་ལ་ཆེན་པོ་ལྟ་བུ་རྣམས་དང་སྐལ་བ་མཉམ་པར་སྐྱེ་བར་འགྱུར་ཞིང་། གཟུགས་བཟང་བ་དང་། མཛེས་པ་
D45.039.0043b02.01དང་། བལྟ་ན་སྡུག་པ་དང་། ཁ་དོག་བཟང་པོ་རྒྱས་པ་མཆོག་དང་ལྡན་པ་དང་། ལེ་ལོ་མེད་པ་དང་། གསལ་བ་དང་། ཤིན་ཏུ་རྣམ་པར་ངེས་པར་འགྱུར་ཏེ། གསུམ་གང་ཞེ་ན། འོད་སྲུང་འདི་ལ་བྱང་ཆུབ་སེམས་དཔའ་ཁྱིམ་པས་སྔོན་མ་མཐོང་བའི་དགེ་སྦྱོང་དང་། བྲམ་ཟེ་དག་མཐོང་ན་
D45.039.0043b03.01འདི་དག་ནི་སྦྱིན་གནས་སོ། །འདི་དག་ནི་མཆོད་པར་འོས་པའོ། །འདི་དག་ནི་ཕྱག་བྱ་བར་འོས་པའོ། །འདི་དག་ནི་བསོད་ནམས་ཀྱི་ཞིང་ངོ་ཞེས་དགའ་བ་བསྐྱེད་དེ། དེ་དག་དགའ་བར་གྱུར་པའི་སེམས་ཀྱིས་གོས་དང་། ཟས་དང་། མལ་ཆ་དང་། ན་བའི་གསོས་སྨན་དང་། ཡོ་བྱད་རྣམས་
D45.039.0043b04.01ཀྱིས་འགྲོན་དུ་གཉེར་ཏེ། འོད་སྲུང་ཆོས་དང་པོ་འདི་དང་ལྡན་པའི་བྱང་ཆུབ་སེམས་དཔའ་ཁྱིམ་པ་རྒྱལ་རིགས་ཤིང་ས་ལ་ཆེན་པོ་ལྟ་བུ་དང་། སྐལ་བ་མཉམ་པར་སྐྱེ་བར་འགྱུར་རོ། །འོད་སྲུང་གཞན་ཡང་བྱང་ཆུབ་སེམས་དཔའ་ཁྱིམ་པ་ཡི་དམ་སྙིང་པོ་ཅན་ལ་གནས་པ་ཡིན་ཏེ། དེ་ཡི་དམ་
D45.039.0043b05.01སྙིང་པོ་ཅན་ལ་གནས་པས་ཇི་སྐད་སྨྲས་པ་བཞིན་བྱེད་ཅིང་། {བརྫུན་,རྫུན་}དུ་སྨྲ་བ་མ་ཡིན་ཏེ། འོད་སྲུང་ཆོས་གཉིས་པ་འདི་དང་ལྡན་པའི་བྱང་ཆུབ་སེམས་དཔའ་ཁྱིམ་པ་རྒྱལ་རིགས་ཤིང་སཱ་ལ་ཆེན་པོ་ལྟ་བུ་རྣམས་དང་སྐལ་བ་མཉམ་པར་སྐྱེ་བར་འགྱུར་རོ། །འོད་སྲུང་གཞན་ཡང་བྱང་ཆུབ་སེམས་
D45.039.0043b06.01དཔའ་ཁྱིམ་པ་དགེ་སྦྱོང་དང་། བྲམ་ཟེ་ཚུལ་ཁྲིམས་དང་ལྡན་པ་དེ་དག་ལ་བསྙེན་བཀུར་བྱས་ནས་སྙིང་པོ་ལེན་ཏེ། འོད་སྲུང་ཆོས་གསུམ་པ་འདི་དང་ལྡན་པའི་བྱང་ཆུབ་སེམས་དཔའ་ཁྱིམ་པ་རྒྱལ་རིགས་ཤིང་སཱ་ལ་ཆེན་པོ་ལྟ་བུ་རྣམས་དང་སྐལ་བ་མཉམ་པར་སྐྱེ་བར་འགྱུར་རོ། །དེ་ལ་འདི་སྐད་ཅེས་
D45.039.0043b07.01