完整藏文原文 · 德格版页 当前仅加载第 39 函德格 38a 版页；藏文 NFD、目录标记与异常页序保留在来源切片中，重复版页行以稳定序号区分。
ཐལ་ལྕག་རྡེག་པ་སྤོང་བར་བྱེད། །བྱང་ཆུབ་ཡན་ལག་ཡོངས་སུ་ཚོལ། །དེ་ནི་ཆོས་ལས་ཉམས་མི་འགྱུར། །དེ་ནི་ནད་ཀྱང་ཉུང་བར་འགྱུར། །གཟུགས་ཀྱི་མཆོག་དང་ལྡན་པར་འགྱུར། །སེམས་ཅན་རྣམས་ནི་དགའ་བར་འགྱུར། །ནོར་ལ་དགའ་བ་
D45.039.0038a01.01མེད་པར་འགྱུར། །ཁྱིམ་གྱི་ས་ལ་གནས་བྱེད་ཅིང་། །བྱམས་པའི་སེམས་ནི་སྒོམ་པར་བྱེད། །ངན་འགྲོ་ཐམས་ཅད་ཡོངས་སྤངས་ནས། །སུམ་ཅུ་རྩ་གསུམ་གནས་སུ་འགྲོ། །ལྷ་ཞེས་བྱ་བའི་མིང་ཐོབ་ཅིང་། །འདོད་པ་ཅན་གྱིས་འདོད་མོས་ནས། །ལྷ་ཡི་ནང་ནས་ཤི་
D45.039.0038a02.01འཕོས་ཀྱང་། །དེ་ནི་ངན་འགྲོར་འགྲོ་མི་འགྱུར། །གང་དག་རིགས་བཙུན་གྲགས་པ་ཡི། །མི་ཡི་འཇིག་རྟེན་འདིར་སྐྱེའོ། །དེ་ནི་གཟུགས་དང་ལྡན་པར་འགྱུར། །དེ་ལ་རྣམ་པར་གཙེ་མི་ནུས། །མི་འདི་ཆོས་སྤྱོད་ཡིན་ཞེས་ཏེ། །ལྷ་དང་ཀླུ་རྣམས་སྲུང་བར་བྱེད། །
D45.039.0038a03.01གནས་ཀྱི་དམ་པ་མཐོང་འགྱུར་ཞིང་། །སྲོག་ཆགས་ཀུན་ཀྱང་དགའ་བར་འགྱུར། །དེ་ནི་བདེ་བར་ཉལ་བྱེད་ཅིང་། །བདེ་བར་ཕྱིར་ཡང་སད་པར་འགྱུར། །ལྷ་རྣམས་ཀྱིས་ནི་བསྲུངས་པ་བཞིན། །དེ་ལ་འཇིགས་པ་མི་འབྱུང་ངོ་། །རྒྱ་ཆེན་ཆོས་དང་ལྡན་རྣམས་ཀྱིས། །
D45.039.0038a04.01མཚན་ཉིད་འདི་འདྲ་འདི་དག་སྟེ། །ཁྱིམ་གྱི་གནས་ན་གནས་རྣམས་ཀྱི། །གཞན་ཡང་རྒྱ་ཆེར་རབ་ཏུ་མང་། །ཁྱིམ་པ་བྱང་ཆུབ་ཞུགས་པ་གང་། །སྐྱེ་བོ་མང་ལ་དགེ་བ་དག །སྐུལ་བར་བྱེད་ཅིང་དྲན་པར་བྱེད། །སྐྲག་རྣམས་མི་འཇིགས་སྦྱིན་བྱེད་པ། །ཐམས་
D45.039.0038a05.01ཅད་གཟིགས་པ་མ་གཏོགས་པར། །ལྷ་གཞན་རྣམས་ཀྱིས་ཤེས་མ་ཡིན། །དེ་དག་ལམ་ནི་དྲང་པོར་འགྱུར། །ཀུན་ཀྱང་ཤེས་རབ་ལྡན་པར་འགྱུར། །དེ་ནི་དགེ་བའི་རྩ་བ་དེས། །ངན་འགྲོ་ཐམས་ཅད་ཡོངས་སྤངས་ནས། །རིག་པ་གསུམ་པོ་ཀུན་དང་ལྡན། །བསླབ་
D45.039.0038a06.01པ་གསུམ་ལ་བསླབས་པ་ཡིན། །བསོད་ནམས་ཅི་འདྲ་བྱས་པ་དང་། །ཕྱག་ཀྱང་ཅི་འདྲ་བྱས་པ་བཞིན། །དེ་ནི་སེམས་ཅན་ཐམས་ཅད་ཀྱིས། །གཅིག་པུ་ཕྱག་བྱས་གྱུར་པ་ཡིན། །གང་ཞིག་སྟོན་ལ་ཕྱག་བྱས་པ། །བསོད་ནམས་ཅི་འདྲ་བྱས་པ་དང་། །ཕྱག་
D45.039.0038a07.01