完整藏文原文 · 德格版页 当前仅加载第 87 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་བཟླས་པར་བྱ་སྟེ། ཅི་སྲིད་སྐྱོ་བར་མ་གྱུར་(ཀྱི་,གྱི་)བར་དུའོ། །དེ་ནས་དེ་བཞིན་གཤེགས་པ་རྣམས་ཆོས་ཀྱི་འཁོར་ལོ་བསྐོར་བས་བླ་ན་མེད་པའི་སེང་གེའི་སྒྲ་སྒྲོགས་པ་དང་། བླ་ན་མེད་པའི་སེམས་ཅན་གྱི་དོན་མཛད་ཅིང་། དེ་བཞིན་གཤེགས་པ་ཀུན་ཏུ་
D502.087.0192a01.01བཟང་པོ་ཡེ་ཤེས་ཀྱི་སྐུ་ཡོངས་སུ་རྫོགས་པ་ལ་མངོན་པར་མོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ནས་ལངས་ཏེ་འཕགས་པ་སྡོང་པོ་བཀོད་པ་ལ་སོགས་པ་ཡངས་ཤིང་རྒྱ་ཆེ་བའི་མདོ་སྡེ་བཀླག་པའམ་གཞན་ཡང་རུང་ཅི་ལྟར་བསམས་པ་
D502.087.0192a02.01བཞིན་དུ་སྔ་དྲོའི་དུས་ཀྱི་བར་དུ་གནས་པར་བྱའོ། །དེ་ནས་གླེགས་བམ་ལ་སོགས་པ་མཆོད་པའམ། ཐ་ན་མཆོད་རྟེན་ལ་ཕྱག་བྱས་ནས་ཟས་བཟའ་བར་བྱའོ། །ཟ་བའི་ཚེ་ཁ་ཟས་ལ་སྔགས་འདིས་ལན་བརྒྱད་མངོན་པར་བསྔགས་ལ་དང་པོའི་ཆང་བུ་ལྷ་བཤོས་སུ་ཕུལ་ལ་བཟའ་
D502.087.0192a03.01བར་བྱའོ། །དེ་ལ་སྔགས་ནི་འདི་ཡིན་ཏེ། ན་མཿསརྦ་བུདྡྷ་བོ་དྷི་ས་ཏྭཱ་ནཱཾ། ཨོཾ་བ་ལིཾ་ཏཱ་ཏེ། ཏེ་ཛོ་མཱ་ལི་ནི་སྭཱ་ཧཱ། ཟས་ཀྱིས་དུབ་པ་ཅུང་ཞིག་ངལ་བ་སོས་ལ་ཕྱི་དྲོའི་དུས་སུ་ཡང་ཆོ་ག་འདི་བཞིན་དུ་བྱའོ། །ཉལ་བའི་ཚེ་དང་པོར་སངས་རྒྱས་དང་བྱང་ཆུབ་སེམས་དཔའ་ཐམས་
D502.087.0192a04.01ཅད་ལ་ཡན་ལག་ཐམས་ཅད་ཀྱིས་ཕྱག་འཚལ་ནས་བདག་ཉིད་ཕུལ་ལ་ཕྱི་ནས་མལ་དུ་ཅི་ལྟར་འདོད་པར་གཉིད་ལོག་ལ་ནམ་གྱི་ཆ་སྟོད་དང་ཆ་སྨད་ལ་མི་ཉལ་བར་བྱའོ། །དེ་ལ་ཆོ་ག་ནི་འདི་ཡིན་ནོ། །ཚེས་གཅིག་ནས་བརྩམས་ནས་ཉིན་རེ་ཉིན་རེ་ཞིང་ཟླ་བ་གཅིག་རྫོགས་ཀྱི་བར་
D502.087.0192a05.01དུ་འདི་བཞིན་དུ་བྱ་བ་ཡིན་ནོ། །གལ་ཏེ་ཆོ་ག་འགའ་ཞིག་མ་བྱས་སམ། བྱ་བ་གཞན་གྱིས་བྲེལ་བས་ཉི་མ་གཅིག་གམ། གཉིས་སམ། གསུམ་ལ་སོགས་པར་ལས་ལས་ཉམས་ན་ཡང་དེས་བརྩོན་འགྲུས་དོར་བར་མི་བྱ་སྟེ། ཟླ་བ་དེ་ཉིད་ཀྱི་ཉ་ལ་ཉིན་མཚན་གཅིག་ཏུ་
D502.087.0192a06.01བཅོམ་ལྡན་འདས་ཀྱི་མདུན་དུའམ། མཆོད་རྟེན་དང་། སྐུ་གཟུགས་དང་། དམ་པའི་ཆོས་གླེགས་བམ་མམ། གཞན་གྱི་མདུན་དུ་ཡང་རུང་། མཆོད་པ་ཅི་འབྱོར་པ་བྱས་ནས་ཀུ་ཤ་བཀྲམ་པ་ལ་འདུག་སྟེ་བསྲུང་བའི་ཆོ་ག་བྱས་ནས་འཁོར་ལོ་དང་། རྡོ་རྗེ་དང་། རྩེ་གསུམ་
D502.087.0192a07.01