完整藏文原文 · 德格版页 当前仅加载第 87 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡིན་ནོ། །དེ་ནས་སྟོན་པ་རྡོ་རྗེ་འཛིན་བསྟན་པ་དོན་ཡོད་པའི་མཐུ་དང་ལྡན་པར་བྱ་བའི་ཕྱིར། བཅོམ་ལྡན་འདས་ཀྱི་སྤྱན་སྔར་དེ་བཞིན་གཤེགས་པ་ལ་རྗེས་སུ་དྲན་བཞིན་དུ་སྔགས་པས་གསོལ་བ་བཏབ་བོ། །དེ་ནས་བཅོམ་ལྡན་འདས་ཀྱིས་ཐམས་ཅད་གཅིག་
D502.087.0229a01.01ཏུ་རྗེས་སུ་འགྲོ་བར་མཛད་ནས་རིག་པའི་རྒྱལ་པོ་མཆོག་འདི་གསུངས་སོ། །ན་མ་སྟྲཻ་ཡང་དྷྭི་ཀཱ་ནཱཾ། སརྦ་ཏ་ཐཱ་ག་ཏཱ་ནཱཾ། ཨོྃ་ག་ག་ན་ལོ་ཙ་ནེ། ག་ག་ན་ས་མ་སརྦ་ཐཱ་ཨུདྒ་ཏཱ་ཏཱི། སཱ་ར་སཾ་བྷ་པེ་ཛྭཱ་ལ་ནཱ་མ་ཨདྷི་ནཱི་སྭཱ་ཧཱ། ལག་ན་རྡོ་རྗེ་རང་གི་རིག་པའི་རྒྱལ་པོ་མཆོག་འདི་ནི་དེ་བཞིན་
D502.087.0229a02.01གཤེགས་པ་ཐམས་ཅད་ཀྱིས་བྱིན་གྱིས་བརླབས་པའོ། །འདི་བརྩམས་པ་ཙམ་གྱིས་འདིའི་ཡོན་ཏན་མཐའ་མེད་པ་མཉམ་པ་མེད་པར་འགྱུར་རོ། །བཟུང་ན་དེ་དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་བཟུང་བ་ཐོབ་པར་འགྱུར་རོ། །བཟླས་པ་བྱས་ན་དེ་བཞིན་གཤེགས་པ་
D502.087.0229a03.01ཐམས་ཅད་ཀྱི་རྒྱུད་དུ་སྐྱེ་བར་འགྱུར་རོ། །བསྒྲུབ་པ་བྱས་ན་འདིས་སྒྲུབ་པ་པོ་དད་པའི་ནོར་ཅན་དུ་འགྱུར་རོ། །དེ་ནས་རེ་ཞིག་དང་པོར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་ཉིད་ཀྱི་དངོས་པོ་ཐམས་ཅད་དབུལ་བར་བྱ་སྟེ། བདག་སངས་རྒྱས་དང་བྱང་ཆུབ་སེམས་དཔའ་
D502.087.0229a04.01ཐམས་ཅད་ལ་བདག་ཉིད་དབུལ་བར་བགྱི་ཡིས་ཐུགས་རྗེ་ཆེན་པོ་དང་ལྡན་པ་ཐམས་ཅད་དུས་ཐམས་ཅད་དུ་སྡུག་བསྔལ་བར་གྱུར་པ་བདག་ལ་བྱིན་གྱིས་བརླབ་ཏུ་གསོལ་ཞེས་བརྗོད་པར་བྱའོ། །དེ་ནས་ཐུགས་བསྐྱེད་པ་གང་གིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་སྡིག་
D502.087.0229a05.01པ་རྣམས་བཤགས་པར་མཛད་པའི་སེམས་བསྐྱེད་པ་དེས་བདག་གི་སྡིག་པ་ཐམས་ཅད་དུས་ཐམས་ཅད་དུ་བཤགས་པར་བགྱི་སྟེ། སངས་རྒྱས་བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་དེ་བཞིན་དུའམ། ནུས་པ་ཇི་ལྟ་བ་བཞིན་དུ་བཤགས་པར་བགྱིའོ། །སངས་རྒྱས་དང་བྱང་
D502.087.0229a06.01ཆུབ་སེམས་དཔའ་ཐམས་ཅད་དང་། ཉན་ཐོས་ལ་སོགས་པ་ཐམས་ཅད་ཀྱི་བསོད་ནམས་དང་ཡེ་ཤེས་ཀྱི་ཚོགས་ལ་རྗེས་སུ་ཡི་རང་ངོ་། །འཇིག་རྟེན་གྱི་ཁམས་ཐམས་ཅད་ཀྱི་ཁམས་སུ་གཏོགས་པའི་མཆོད་པའི་སྤྲིན་རྣམས་བསྒོམས་ལ་བསྔོ་བར་བྱ་སྟེ། ན་མ་སྟྭཻ་ཡ་དྷྭི་ཀཱ་ནཱཾ། ཏ་ཐཱ་
D502.087.0229a07.01