完整藏文原文 · 德格版页 当前仅加载第 87 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་མ་པ་ལ་སོགས་པ་བླ་གབ་མེད་པའི་གནས་སུ་མཆོད་རྟེན་ལ་སོགས་པ་ལ་ཆུའི་མེ་ཏོག་དང་། ལོ་མ་དང་། དགོན་པའི་མེ་ཏོག་དབུལ་བར་བྱའོ། །དེ་བཞིན་དུ་མཆོད་རྟེན་ལ་སོགས་པ་ལ་ཉིན་བདུན་ཡན་ཆད་ཅི་ཙམ་ནུས་པ་བྱས་ན། ངེས་པར་ནད་མེད་པ་དང་། དབང་དུ་བྱ་བ་
D502.087.0240a01.01དང་བཅས་པ་བྱེད་པར་འགྱུར་རོ། །གདོན་ལ་ནི་ཏིལ་མར་དང་། རང་སྐྱུར་ལ་མུ་སྟེགས་པའི་རྒྱལ་པོའི་ཡུངས་ཀར་སྦྱིན་སྲེག་གིས་སོ། །འབྱུང་པོ་དང་། ཤ་ཟ་དང་། སྲིན་པོ་ལ་སོགས་པ་ལ་ཐལ་བ་ལ་སོགས་པས་བྲིས་པས་འབྲོས་པར་འགྱུར་ཞིང་། བརྡེག་པ་དང་། གཅད་པ་དང་།
D502.087.0240a02.01བཅིང་བ་ཡང་མེད་དོ། །བདག་བསྲུང་བ་ལ་ནི་ལན་གསུམ་བརྗོད་པས་སོ། །གཞན་བསྲུང་བ་ལ་ནི་ལན་ལྔ་བྱས་པས་འདུག་པར་འགྱུར་རོ། །གང་དག་ལ་མདུད་པ་བཅིངས་པ་དང་། ཆུ་དང་། ཡུངས་ཀར་དང་། ས་དང་། ཚོན་དང་། ཕྱག་རྒྱས་སམ། ཡིད་ཀྱི་དཀྱིལ་འཁོར་གྱིས་
D502.087.0240a03.01ཀྱང་འཆི་བར་བྱེད་དོ། །ཐལ་མོ་བརྡབས་པའམ། མདུད་པ་བཅིངས་པས་སམ། འདོད་པས་ཀྱང་དབང་དུ་བྱེད་ཅིང་འགུགས་སོ། །ཕུར་བུ་དང་། སྔགས་མདུད་དང་། ཆུས་ཀྱང་ཐམས་ཅད་བྱེད་དོ། །མདོར་ན་ཡིད་ལ་བསམས་ནས་བཟླས་པ་བྱས་ན་ཐམས་ཅད་དོན་
D502.087.0240a04.01ཡོད་པར་བྱེད་དོ། །རང་བཞིན་དུ་གནས་པ་ལ་འབེབས་པར་བྱེད་ན་ཙནྡན་དང་། ཨ་ག་རུའི་བདུག་སྤོས་ལ་སོགས་པས་དཀྱིལ་འཁོར་མེ་ཏོག་སིལ་མ་བཀྲམ་པ་བྱས་པ་ལའོ། །གདོན་གྱིས་ཟིན་པ་ལ་འབེབས་པར་བྱེད་ན། ཨུ་ཤི་ར་དང་། མར་གྱི་བདུག་སྤོས་ཀྱིས་སོ། །བདུག་
D502.087.0240a05.01སྤོས་ཐམས་ཅད་ཀྱང་མར་དང་བཅས་པར་བྱའོ། །དཔལ་པི་སྠ་ཀ་ལ་སོགས་པ་ལ་ཡང་སྦྱར་བར་བྱའོ། །མར་དང་བཅས་པས་ཉིན་བཞི་པ་ལ་སོགས་པའི་རིམས་ཞི་བར་བྱེད་དོ། །ཏིལ་མར་དང་བསྲེས་པའི་ཀུན་དུ་རུ་ཀ་ལ་སོགས་པའི་བདུག་སྤོས་ཐམས་ཅད་ཀྱིས་སོ། །ལྕགས་
D502.087.0240a06.01ལས་བྱས་པའི་ཕུར་བུས་གདུག་པ་ཅན་སྲིན་པོ་དང་། ལྷ་མ་ཡིན་ལ་སོགས་པ་ཕུར་བུས་འདེབས་སོ། །གནོད་སྦྱིན་ལ་ནི་འོ་མ་ཅན་གྱི་ཕུར་བུས་སོ། །ཀླུ་ལ་ནི་ནིམ་པའི་ཤིང་ལས་བྱས་པས་སོ། །རིག་པ་འཛིན་པ་ལ་ནི་ཤྲི་ཁནྡ་ལས་བྱས་པས་སོ། །ལྷ་ལ་ཙནྡན་དམར་པོ་
D502.087.0240a07.01