完整藏文原文 · 德格版页 当前仅加载第 87 函德格 239b 版页；藏文 NFD、目录标记与异常页序保留在来源切片中，重复版页行以稳定序号区分。
མདུན་དུ་དབང་དུ་བྱ་བའི་སྦྱིན་སྲེག་གི་ཆོ་ག་ནི་པྲི་ཡང་ཀུའི་བསྲེག་རྫས་ལ་སོགས་པའམ། མེ་ཏོག་དྲི་ཞིམ་པོའི་ཤིང་ལ་སོགས་པའི་ཡམ་ཤིང་གིས་ཀྱང་དེར་སྦྱིན་སྲེག་བྱའོ། །ཨ་ཏི་མུཀྟའི་བསྲེག་རྫས་ནི་ཞོ་ལ་བསྟེགས་པས་སོ། །པྲི་ཡང་ཀུའི་བསྲེག་རྫས་ནི་ཞོ་དང་མར་ལ་
D502.087.0239b01.01བཏགས་པས་སོ། །ཚྭ་དང་ཏིལ་གྱི་ཆང་བུའམ། ཚྭ་དང་མར་གྱི་ཆང་བུའམ། ཚྭ་དང་ཁྲག་གི་ཆང་བུས་ཀྱང་བྱ་སྟེ། གལ་ཏེ་དབང་དུ་མ་གྱུར་ན་དེ་དག་གིས་སྦྱིན་སྲེག་བྱའོ། །མ་དུ་རི་ཀ་དང་ཏིལ་བསྲེས་པའི་སྦྱིན་སྲེག་གིས་ནི་དགའ་བ་ཆེན་པོར་བྱེད་པའོ། །སོ་བ་དང་མར་
D502.087.0239b02.01བསྲེས་པ་དང་། ཚ་བའི་མར་དང་སྤགས་པའི་པོ་སོ་འཆའི་ཚེ་ར་མས་ནི་ཤ་ཟ་ལ་སོགས་པ་གདུག་པ་ཅན་རྣམས་ལའོ། །ཀླུའི་འོ་མ་དང་སྐེ་ཚེས་ནི་གནོད་སྦྱིན་དགུག་པ་ལའོ། །འབྲས་བུ་བསྲེགས་པས་ཀྱང་རུང་ངོ་། །སྐྱེད་མོས་ཚལ་ལ་སོགས་པ་གནས་དབེན་ཞིང་ཉམས་
D502.087.0239b03.01དགའ་བར་མེ་ཏོག་གི་བསྲེག་རྫས་ཀྱིས་ཏེ་འོན་ཀྱང་རླུང་གི་རྒྱུན་ལ་དབུལ་བར་བྱའོ། །དེ་ལ་དོན་འདོད་པས་ནི་ཆུ་ཀླུང་གི་ནང་དུ་འདུག་ལ་ཨུཏྤལ་དང་། ཀུ་མུ་ད་དང་། པདྨ་དང་། པུཎྜ་རི་ཀ་དང་། ཀ་ར་བཱི་ད་དང་། ཨ་ཤོ་ཀ་དང་། ཙམ་པ་ཀ་ལ་སོགས་པའི་མེ་ཏོག་གསུམ་ནས་བརྩམས་
D502.087.0239b04.01ནས་ཅི་ཙམ་འབྱོར་པ་ཀླུང་གི་ཆུའི་ནང་དུ་འདུག་ནས་ཉི་མ་གསུམ་ཡན་ཆད་ཅི་ཙམ་འདོད་པར་རང་གི་འབྱོར་པ་དང་མཐུན་པར་རམ། བརྩོན་འགྲུས་དང་རྗེས་སུ་མཐུན་པར་འབྲས་བུ་དོན་ཡོད་པར་འབྱུང་བར་འགྱུར་རོ། །མཆོད་རྟེན་དང་། སྐུ་གཟུགས་དང་། རས་རིས་དང་། དམ་པའི་
D502.087.0239b05.01ཆོས་ཀྱི་གླེགས་བམ་ལ་སོགས་པའམ། གཞན་ཡང་རུང་རྫས་ཀྱི་དོན་དུ་མེ་ཏོག་ལ་སོགས་པ་དབུལ་བར་བྱའོ། །དབང་དུ་བྱ་བའི་ཕྱིར་ནི་མ་ད་ཡན་ཏི་ཀ་དཱ་ཛ་ཏི་དང་། མ་ལི་ཀ་དང་། པྲི་ཡང་ཀུ་ལ་སོགས་པའི་ཆུའི་ནང་དུ་འདུག་ནས་བརྒྱ་ཡན་ཆད་ཉི་མ་ལྔ་ཡན་ཆད་བྱ་ཞིང་དབུལ་བར་
D502.087.0239b06.01བྱའོ། །དེ་བཞིན་དུ་མཆོད་རྟེན་དང་། སྐུ་གཟུགས་དང་། རས་རིས་དང་། གླེགས་བམ་ཡང་རུང་ཕུལ་ན་རྒྱལ་པོ་ལ་སོགས་པ་ངེས་པར་དབང་དུ་འགྱུར་རོ། །ནད་ཀྱི་དོན་དུ་བྱ་བའི་སྦྱིན་སྲེག་ནི་འདི་ལྟ་སྟེ། སྨན་གྱི་ཤིང་གི་ཡམ་ཤིང་དང་། སྐྱུ་རུ་ར་ལ་སོགས་པ་དང་། འབྲས་བུ་ཁ་བོ་དང་།
D502.087.0239b07.01