完整藏文原文 · 德格版页 当前仅加载第 87 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་གདུག་པ་ཅན་བསྟན་པ་ལ་གནོད་པ་བྱེད་པའམ། སེམས་ཅན་མང་པོ་ལ་གནོད་པ་བྱེད་པ་དང་། རིག་འཛིན་གདུག་པ་ཅན་རྫས་འཕྲོག་པར་བྱེད་པའམ། གང་ཡང་གནོད་སྦྱིན་གདུག་པ་ཅན་དང་། གང་ཡང་སྲིན་པོ་གདུག་པ་ཅན་ནམ། རྒྱལ་པོའམ། རྒྱལ་པོའི་
D502.087.0241b01.01བློན་པོ་ཆེན་པོའམ། རྒྱལ་པོའི་སྐྱེས་བུའམ། ཁམས་ཀྱི་རྒྱལ་པོའམ། ཕན་པ་མ་ཡིན་པ་བྱེད་པ་དེ་རྣམས་ཞི་བར་བྱ་བའི་ཕྱིར་ཁྲོ་བ་དང་བཅས་པས་མངོན་སྤྱོད་བྱ་ཞིང་། བསྟན་པ་ལ་ཕན་པར་བྱ་བའི་དོན་དང་། སེམས་ཅན་མང་པོའི་དོན་མཐོང་ན་དོན་ཡོད་པར་གྲུབ་པ་
D502.087.0241b02.01འདིས་སྦྱར་བར་བྱ་སྟེ། དཀྱིལ་འཁོར་གྱི་སྔོན་དུ་བསྟན་པའི་སྔགས་རྣམས་ཀྱིས་ནི་མངོན་སྤྱོད་ཀྱི་ལས་མི་བྱའོ། །དོན་ཆུང་ངུ་ལ་ཡང་མི་བྱའོ། །མི་ངས་ལ་ནི་ཞོ་དང་། སྦྲང་རྩི་དང་། མར་ལ་བསྟེགས་པའི་ཤ་ཆེན་དབང་ཕྱུག་ཆེན་པོའི་གནས་སུ་ནིམ་པའི་ཤིང་བཙོས་པའི་སྦྱིན་
D502.087.0241b03.01སྲེག་བྱ་བའམ། དེ་བཞིན་དུ་བསྲུང་བའི་ཆོ་ག་བྱས་ནས་ཕུར་བུས་གཟུགས་བརྙན་ལ་གདབ་ཅིང་ཞག་བདུན་དུ་གནས་ཀྱི་ཟས་བཟའ་སྟེ། དབང་ཕྱུག་ཆེན་པོའི་གཡས་ཕྱོགས་སུ་སྟེང་ནས་ཕུར་བུས་གདབ་ཅིང་བརྒྱ་བཟླས་པར་བྱའོ། །ཡང་ན་ལམ་གྱི་བཞི་མདོར་ལྕགས་ཀྱི་རྡོ་རྗེ་བཟུང་ནས་
D502.087.0241b04.01བཟླས་པ་བྱས་ན་མི་ངས་རབ་ཏུ་ཞི་བར་འགྱུར་རོ། །ཆར་མི་འབབ་པ་ལ་ནི་ཀླུང་གི་རྒྱུན་འབབ་པ་ལ་མེ་ཏོག་གིས་བྱས་ན་ཆར་འབེབས་པར་བྱེད་དོ། །དྲག་པོའི་ལས་རྫོགས་སོ།། །།དམ་ཚིག་གསུམ་བཀོད་པའི་རྟོག་པ་ཆེན་པོའི་རྒྱལ་པོའི་གསང་སྔགས་ཀྱི་སྒོའི་སྤྱོད་པའི་
D502.087.0241b05.01ཚུལ་འདི་ལ་ནི་ཁྲུས་མ་བྱས་ཀྱང་སྐྱོན་ཡོད་པར་མི་འགྱུར་རོ། །ཤ་ཟ་བ་ཡང་དགག་པ་མེད་དོ། །ལ་ཕུག་དང་། ལ་དུ་ལ་སོགས་པ་ལ་སྤྱོད་ཀྱང་སྐྱོན་མེད་དོ། །ལྷག་མ་ལ་ཡང་སྐྱོན་མེད་དོ། །འོན་ཀྱང་གང་ཞིག་དད་པ་དང་ལྡན་པ་དང་། བྱང་ཆུབ་ཏུ་སེམས་བསྐྱེད་པ་དང་།
D502.087.0241b06.01སངས་རྒྱས་དང་བྱང་ཆུབ་སེམས་དཔའ་རྣམས་ལ་ཇོ་བོ་བཞིན་དུ་གུས་པ་དང་། སངས་རྒྱས་ཀྱི་བསྟན་པ་ལ་ཆེད་ཆེར་བྱེད་པ། འདུ་འཛི་སྤོང་བ་ལ་དགའ་བ་དེ་དག་ནི་མྱུར་དུ་འགྲུབ་པར་འགྱུར་རོ། །འདིར་ལོག་འདྲེན་ཉེ་བར་འབྱུང་བར་ཡང་མི་འགྱུར་རོ། །འདི་ལ་བགེགས་འབྱུང་བར་
D502.087.0241b07.01