完整藏文原文 · 德格版页 当前仅加载第 87 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
པས་ཅི་སྲིད་མཚན་མ་བྱུང་བར་གྱུར་གྱི་བར་དུ་བཟླས་པ་བྱའོ། །ཡར་ངོའི་ཉ་ལ་ཆོ་ག་སྔ་མ་བཞིན་དུ་ཉིན་ཞག་གཅིག་སྨྱུང་བར་གནས་ནས་ཇི་སྐད་བསྟན་པའི་རྫས་རྣམས་ལས་གང་ཡང་རུང་བ་བླངས་ལ་ཅི་སྲིད་འབར་བར་གྱུར་གྱི་བར་དུ་བཟླས་ན་དེ་ཉིད་ཀྱིས་རིག་པ་འཛིན་པར་འགྱུར་
D502.087.0193b01.01རོ། །རིག་པ་མཆོག་དོན་ཡོད་པ་འདི་ནི་རང་བཞིན་གྱིས་གྲུབ་པ། ཐོགས་པ་མེད་པ་ཡིད་ལ་རེ་བའི་ཕུན་སུམ་ཚོགས་པ་སྒྲུབ་པར་བྱེད་པ་སྟེ། ཅི་ལྟ་ཅི་ལྟར་རབ་ཏུ་སྦྱོར་བ་དེ་ལྟ་དེ་ལྟར་འགྲུབ་པར་འགྱུར་རོ། །རང་བཞིན་གྱིས་གྲུབ་པ་བཀླགས་པས་འགྲུབ་པ་ཡིན་པས་བཟླས་པ་ཙམ་
D502.087.0193b02.01གྱིས་འདོད་པ་ཐམས་ཅད་བྱེད་པ་ཡིན་ནོ། །དོན་ཡོད་པའི་རྟོག་པའི་ཆོ་ག་བཞིན་དུ་སྦྱར་བའམ། ཅི་ལྟར་འདོད་པ་བཞིན་དུ་བསྒྲུབ་པར་བྱའོ། །ཡང་ན་རས་རིས་བསྒྲུབ་པར་འདོད་ན་བཅོམ་ལྡན་འདས་པདྨའི་གདན་ལ་སྐྱིལ་མོ་ཀྲུང་གིས་བཞུགས་པར་བྱའོ། །བཅོམ་ལྡན་འདས་
D502.087.0193b03.01ཀྱི་གཡས་ཕྱོགས་སུ་འཕགས་པ་ཕྱག་ན་རྡོ་རྗེ་ཀུན་ནས་འབར་བས་བསྐོར་བ། བཅོམ་ལྡན་འདས་ཅོད་པན་ལས་བྱུང་བའི་འོད་ཟེར་གྱིས་མངོན་པར་དབང་བསྐུར་བ་བྲི་བར་བྱའོ། །བཅོམ་ལྡན་འདས་ཀྱི་གཡོན་ཕྱོགས་སུ་རིག་པའི་མཆོག་ཅེས་བྱ་བའི་རྒྱལ་མོ་གསེར་གྱི་མདོག་ཅན་རལ་
D502.087.0193b04.01པ་དང་བཅས་པ། གོས་གཙང་མ་བགོས་པ་པདྨའི་གདན་ལ་བཞུགས་པ། བཅོམ་ལྡན་འདས་ལ་ཐལ་མོ་སྦྱར་བ། འོད་ཀྱི་ཕྲེང་བས་བརྒྱན་པའོ། །བཅོམ་ལྡན་འདས་མའི་འོག་ཏུ་མཐའ་མེད་ཅེས་བྱ་བའི་འཁོར་རལ་གྲི་དང་། ཞགས་པ་ལག་ན་ཐོགས་པ། མདོག་སྔོ་
D502.087.0193b05.01བསངས་ཁྲོས་ཤིང་འཁྲུགས་པ། གོས་དམར་སེར་ཟུང་བགོས་པ། ཁྲོ་གཉེར་བསྡུས་པ་བགེགས་ཐམས་ཅད་ཚར་གཅོད་པ། མདག་གཞུག་པ་རིན་པོ་ཆེའི་བྲག་ལ་འདུག་པ་བྲི་བར་བྱའོ། །འཕགས་པ་ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཐལ་མོ་སྦྱར་བ་རིན་པོ་ཆེའི་བྲག་གི་
D502.087.0193b06.01པདྨའི་སྡོང་བུ་ལ་བཞུགས་པ་མེ་ཏོག་གི་འཁྲི་ཤིང་གིས་ཀུན་ནས་བསྐོར་བ་བྲི་བར་བྱའོ། །དེ་ལྟ་བུའི་རས་རིས་ཀྱི་མདུན་དུ་ཆོ་ག་འདིས་ཅི་ལྟར་འདོད་པར་རམ། རྟོག་པ་གཞན་གྱི་ཆོ་ག་དང་ཡང་སྦྱར་བར་བྱའོ། །རིག་པ་མཆོག་གི་རས་རིས་གཞན་ཡང་ཏིང་ངེ་འཛིན་ལ་སྙོམས་པར་
D502.087.0193b07.01