完整藏文原文 · 德格版页 当前仅加载第 87 函德格 239a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་བགྱི་བ་ཅི་མཆིས་བཀའ་སྩོལ་ཅིག་ཅེས་ཟེར་ན། དེ་བཀའ་བཞིན་གྱིས་ཤིག་ཅེས་བརྗོད་དོ། །དེ་ནས་བཟུང་ནས་དྲན་པ་ཙམ་གྱིས་བཀའ་བཞིན་བྱེད་པར་འགྱུར་རོ། །དེ་བཞིན་དུ་ཤིང་ཆེན་པོའི་རྩ་བར་དེ་བཟུང་ནས་སློང་མོ་སྤྱོད་བཞིན་དུ་བཟླས་པ་བྱས་
D502.087.0239a01.01ན་གནོད་སྦྱིན་འོངས་ནས་ཅི་ཞིག་བགྱི་ཞེས་སྨྲ་ཞིང་གང་དོན་དུ་གཉེར་བའི་དོན་དེ་སྒྲུབ་པར་བྱེད་དོ། །མྱ་ངན་མེད་ཀྱི་ཤིང་གི་རྩ་བར་སློང་མོ་སྤྱོད་པས་ལྕགས་ཀྱུ་དེ་ཉིད་བཟུང་ནས་བཟླས་ན་གནོད་སྦྱིན་མོ་འོངས་ནས་ཅི་ལྟར་མངོན་པར་འདོད་པ་བཞིན་དུ་ཉེ་བར་གནས་པར་འགྱུར་རོ། །རི་ལ་
D502.087.0239a02.01འཛེགས་ནས་ལྕགས་ཀྱུ་དེ་བཟུང་ནས་བཟླས་པ་བྱེད་ཅིང་རིག་པ་འཛིན་པ་གྲུབ་པར་བྱེད་པ་རྫས་གང་འདོད་པས་དེ་བཞིན་དུ་བྱས་ན་དེ་དག་གི་རིག་པ་འཛིན་པར་འགྱུར་རོ། །ལྕགས་ཀྱུ་དེ་དང་ཀླུའི་གནས་ཀྱི་སྟེང་དུ་བཟླས་པ་བྱས་ན། དེའི་རྗེས་ལ་ཀླུ་སྟེང་དུ་ལངས་ནས་གང་སྨྲས་པ་དེ་
D502.087.0239a03.01བྱེད་དོ། །ལྕགས་ཀྱུ་ལ་ཇི་ལྟ་བ་དེ་བཞིན་དུ་ལྕགས་ལས་བྱས་པའི་རལ་གྲི་དང་། འཁོར་ལོ་དང་། རྡོ་རྗེའི་སྦྱོར་བས་ཀྱང་སྦྱར་བར་བྱའོ། །དོན་ཡོད་པ་འདིས་འདིར་ནི་མ་པ་ལས་བྱས་པའི་རྡོ་རྗེ་ལག་ཏུ་ཐོགས་ནས་བླཀྴའི་ཤིང་གི་རྩ་བར་སློང་མོ་སྤྱོད་ཅིང་བཟླས་ན། ལྷ་རྣམས་
D502.087.0239a04.01འོངས་ནས་ཡིད་ལ་གང་འདོད་པའི་དོན་རྗེས་སུ་སྒྲུབ་པར་བྱེད་ཅིང་ཟླ་བ་གཅིག་གི་ནང་དུ་འོང་བར་འགྱུར་རོ། །ཐམས་ཅད་འོང་བར་མ་གྱུར་པར་དེ་བཞིན་དུ་སྦྱིན་སྲེག་བྱ་སྟེ། གོང་མའི་ཡམ་ཤིང་གིས་མེ་སྦར་ལ་མར་དང་སྐེ་ཚེ་སྦྱིན་སྲེག་བྱས་ན་ངེས་པར་རིམ་གྱིས་ཟིན་པར་བརྙེས་ཤིང་
D502.087.0239a05.01བརྡུངས་ལ་ཆང་བུར་བཅངས་པའི་ལུས་ཀྱིས་འོང་བར་འགྱུར་རོ། །ཐམས་ཅད་ཀྱི་ཐུན་མོང་གི་སྦྱིན་སྲེག་ཡིན་ནོ། །འདིར་སྦྱིན་སྲེག་གི་ཆོ་ག་འདི་ཡིན་ཏེ། རྫས་ཀྱི་ཆེད་དུ་ནི་ཤིང་ཆེན་དང་། མ་དུ་ཀ་དང་། ཨ་མྲ་ལ་སོགས་པས་སོ། །དེ་བཞིན་དུ་འབྲས་བུ་དང་བཅས་པའི་ཚེར་མ་
D502.087.0239a06.01ཅན་གྱི་ཤིང་གི་ཡམ་ཤིང་གིས་ཀྱང་སྦྱིན་སྲེག་བྱའོ། །ཞོ་དང་། སྦྲང་རྩི་དང་། སཱ་ལུའི་ཟན་གྱི་ཆང་བུའམ། སྦྲང་རྩི་དང་། མར་དང་། འབྲས་སམ། སྦྲང་དང་། མར་ལ་སོགས་པས་སྦྱིན་སྲེག་བྱའོ། །བྱང་ཆུབ་ཀྱི་ཤིང་དྲུང་དུ་མཆོད་རྟེན་དང་། རས་རིས་དང་། སྐུ་གཟུགས་ཀྱི་
D502.087.0239a07.01