完整藏文原文 · 德格版页 当前仅加载第 87 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་བརྟན་པས་འདི་ལྟར་བྱ་བ་ཉིད། །དེ་ནས་མེ་ཏོག་འཕང་བར་བྱའོ། །མེ་ཏོག་གང་ལ་བབ་པ་དེ་ནི་དེའི་རིགས་ཀྱི་ལྷ་ཡིན་ནོ། །དེ་ནས་གདོང་གཡོགས་བཀྲོལ་ལ་དེ་བཞིན་གཤེགས་པ་ལ་སོགས་པ་རྣམས་ཀྱི་ཕྱག་རྒྱ་བསྟན་པར་བྱའོ། །སྤྱི་བོར་མཐེ་བོང་བཞག་ལ་གཙུག་ཏོར་གྱི་ཕྱག་རྒྱ་
D502.087.0215b01.01བྱ་ཞིང་སྔགས་འདི་བརྗོད་དོ། །ན་མཿསརྦ་བུདྡྷ་བོ་དྷི་སཏྭཱ་ནཱཾ། ཏྲི་ཤི་ཁཱ་ཨ་གྲི་ན་ན་མོ་སྟུ་ཏེ། ས་མནྟ། ཨ་ད་ས་མནྟཱ་ཨ་གྲི་ཀུ་ཎ་ཨ་ཙ་ལ་ཨ་གྲི་དྷི་ར་མེ། བཱི་དུ་ནཱ་ཧི་ཀླེ་ཤ་དུཿཁཛྭ་ལ་ན་ཛ་ག་ཏ། སརྦ་སུ་ཁཾ་ད་དྷ་ཧཱི་ཙ་ཤུ་ཏཱ་ཏྲེ་དྷཾ་ཏྲི་ས་མ་ཡེ་ཀུ་རུ་སྭཱ་ཧཱ། ཕྱག་རྒྱ་འདི་འཆང་པར་བྱེད་
D502.087.0215b02.01པ་དེ་ལ་གཙུག་ཏོར་གྱི་མཚན་མ་འབྱུང་བར་འགྱུར་ཞིང་བར་དུ་ཉམས་པར་ཡང་མི་འགྱུར་ལ་ཡོན་ཏན་མཐའ་ཡས་པའི་སྒོར་འཇུག་པ་ཡང་རབ་ཏུ་ཐོབ་པར་འགྱུར་རོ། །ངེས་པར་རྒལ་ནས་སོ་སོར་སྤྱོད་པའི་དམ་ཚིག་འདི་རྣམ་པར་བསྟན་པར་བྱའོ། །ཡང་ཡང་འཆི་བར་མི་འགྱུར་
D502.087.0215b03.01ཞིང་། །ངན་འགྲོར་མི་འགྲོ་འཆི་འཕོ་མེད། །ཁྱོད་ཀྱིས་བྱང་ཆུབ་སེམས་དཔའ་ཡི། །ཐེག་པ་འདི་ལ་དམ་ཚིག་བསྲུངས། །དམ་པའི་ཆོས་ཀྱང་སྤང་མི་བྱ། །སངས་རྒྱས་བྱང་ཆུབ་སེམས་དཔའ་ལ། །མི་གུས་མི་བྱ་སྤང་མི་བྱ། །སྲོག་ཆགས་གསད་པར་མི་བྱ་ཞིང་། །བླ་
D502.087.0215b04.01མ་ལ་ཡང་བརྙས་མི་བྱ། །སྔགས་དང་ཕྱག་རྒྱ་སྤང་མི་བྱ། །ཉམས་པར་མི་བྱ་བདག་གིས་མིན། །རྡོ་རྗེ་འདྲ་བ་འགོམ་མི་བྱ། །བཟའ་བར་མི་བྱ་སེར་སྣ་མིན། །འདི་སྤྱོད་པ་ཡི་རྒྱལ་པོ་ཡི། །གསང་སྔགས་སྒོ་ཡི་སྤྱད་པ་སྤྱོད། །བྱང་ཆུབ་སེམས་དཔས་ཚུལ་ཁྲིམས་དང་། །ལྡན་
D502.087.0215b05.01ལ་མངོན་སྤྱོད་མི་བྱའོ། །གནོད་བྱེད་ལ་ཡང་མི་བྱའོ། །སྡིག་པའི་ལས་ཀྱང་མི་བྱ་ཞིང་། །བྱིས་པའི་ཆོས་ཀྱང་མི་བྱའོ། །བླ་མ་ལ་ནི་ལྷ་བཞིན་བྱ། །མདོར་ན་བདག་དང་གཞན་དག་ལ། །གནོད་པར་འགྱུར་བ་དེ་མི་བྱ། །སྲིད་པའི་སྡུག་བསྔལ་རྒྱ་མཚོ་ལས། །འདིས་ནི་
D502.087.0215b06.01ངེས་པར་འདའ་བར་བྱེད། །སྟོན་པའི་བསྟན་པ་བདུད་རྩི་ཉིད། །ཐུགས་རྗེ་ཆེན་པོའི་བསྟན་པ་ལས། །སླར་ཡང་ཉམས་པར་མི་འགྱུར་ཞིང་། །སྡུག་བསྔལ་མི་འགྱུར་ངན་འགྲོར་མིན། །མྱུར་དུ་ཞི་བར་འགྱུར་བ་མིན། །འདི་ལྟར་གསང་སྔགས་སྤྱོད་པ་ཡི། །དམ་ཚིག་འདི་ནི་
D502.087.0215b07.01