完整藏文原文 · 德格版页 当前仅加载第 87 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
ག་ཏཱ་ནཱཾ། སརྦ་ཐཱ་ཨུདྒ་ཏེ་སྥ་ར་ཎ་ཧི་མངྒ་ག་ན་ཁཾ་སྭཱ་ཧཱ། དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་མཆོད་པའི་མཆོག་རྒྱ་ཆེན་པོ་སྣ་ཚོགས་པའི་སྤྲིན་གྱི་རབ་འབྱམ་རྣམས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་དང་། བདག་གི་སྨོན་ལམ་གྱི་
D502.087.0229b01.01སྟོབས་ཀྱིས་འབྱུང་བར་གྱུར་ཅིག་ཅེས་བསམས་ལ་སྔགས་འདི་བཟླ་བར་བྱའོ། །དེ་ནས་གཞན་མ་ཡིན་པར་ཡང་དག་པར་གནས་པར་འགྱུར་ཞིང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་གཟིགས་པར་འགྱུར་རོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། སརྦ་
D502.087.0229b02.01ཏྲ་སཾ་ཀུ་སུ་མི་ཏཱི་རཱ་ཤཱི་ནི་ན་མོ་སྟུ་ཏེ་སྭཱ་ཧཱ། འདིས་ཀྱང་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་དེ་བཞིན་གཤེགས་པ་ཐམས་ཅད་ཀྱིས་བསྔགས་པ་རྒྱ་མཚོ་རབ་འབྱམ་རྣམས་སངས་རྒྱས་དང་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་དུ་བདག་གི་
D502.087.0229b03.01སྨོན་ལམ་གྱི་སྟོབས་ཀྱིས་འབྱུང་བར་གྱུར་ཅིག་ཅེས་བསམས་ལ། དེ་བཞིན་གཤེགས་པ་རྣམས་ལ་དམིགས་ནས་སྔགས་བཟླས་པར་བྱའོ། །དེ་ནས་གཞན་མ་ཡིན་པར་བསྟོད་པའི་དབྱངས་རྣམས་རབ་ཏུ་གནས་པར་འགྱུར་རོ། །དེ་ནས་སྨོན་ལམ་བཏབ་པ་བྱས་ནས་སངས་
D502.087.0229b04.01རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་རྣམ་པ་ཐམས་ཅད་ཀྱིས་རྫོགས་པའི་བྱང་ཆུབ་གྲུབ་པ་ལ་སོགས་པའི་དངོས་གྲུབ་ཐམས་ཅད་ལ་རྗེས་སུ་ཡི་རང་བར་བྱས་ནས་དེ་བཞིན་གཤེགས་པ་ཐམས་ཅད་ལ་མངོན་དུ་ཕྱོགས་པས་ཕྱག་འཚལ་ཏེ། ཇི་སྲིད་སྐྱོ་བར་མ་གྱུར་གྱི་བར་དུ་སྔགས་
D502.087.0229b05.01བཟླས་པར་བྱའོ། །དེ་ནས་རྒྱ་ཆེ་བའི་ཚུལ་ལ་འཇུག་པའི་མདོ་སྡེ་ཐམས་ཅད་ཀྱི་རྗེས་སུ་འཇུག་པ་སེམས་ལ་བྱས་ལ་སངས་རྒྱས་ཀྱི་སྙིང་པོ་བརྗོད་ཅིང་། ལྷ་ལ་སོགས་པ་ཀུན་ཉོན་ཅིག་ཅེས་བྱ་བའི་དམ་ཚིག་བརྗོད་ཅིང་བསམས་ལ་བསྒོམ་པར་བྱའོ། །སྔ་དྲོའི་ཐུན་ལ་དེ་ལྟར་བྱས་ནས་
D502.087.0229b06.01ཟས་ཟ་བ་ན་སྟོབས་ཆེན་པོ་དང་། སྨན་གྱི་རྒྱལ་པོ་ཆེན་པོར་བྱིན་གྱིས་རློབ་པའི་སྔགས་འདི་བཟླས་པ་བྱ་སྟེ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་བྷུ་ཛ་ལི་ཏེ་སྭཱ་ཧཱ། དེ་ནས་ངལ་སོས་ལ་ཕྱི་ནས་གླེགས་བམ་བཀླག་པ་ལ་སོགས་པ་བྱས་ཏེ། སྔ་མ་བཞིན་དུ་ཕྱི་དྲོའི་ཐུན་ལ་ཡང་ལས་
D502.087.0229b07.01