完整藏文原文 · 德格版页 当前仅加载第 87 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
རེ་ཞིག་བདག་གི་སེམས་བསྐྱེད་པ་དང་བོས་བདག་གི་སྨོན་ལམ་དང་། བསོད་ནམས་དང་། ཡེ་ཤེས་ཀྱི་སྟོབས་ཀྱིས་འདིར་སེམས་ཅན་གྱི་ཁམས་ཐམས་ཅད་སེམས་བསྐྱེད་པ་གྲུབ་པར་གྱུར་ཅིག །དེ་བཞིན་གཤེགས་པའི་བྱིན་གྱི་རླབས་ཀྱང་འབྱུང་བར་གྱུར་
D502.087.0235a01.01ཅིག་ཅེས་བྱའོ། །ཡང་ན་བྱང་ཆུབ་སེམས་དཔའི་སྤྱོད་པ་ལ་འཇུག་པ་གྲུབ་པར་གྱུར་ཅིག །འབྱུང་བར་གྱུར་ཅིག་ཅེས་བརྗོད་དོ། །ཡང་ན་བླ་ན་མེད་པའི་ཡེ་ཤེས་ཀྱི་ཚོགས་རྒྱ་མཚོ་སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་བྱ་བའམ། ཡང་ན་དངོས་གྲུབ་གང་སངས་
D502.087.0235a02.01རྒྱས་བཅོམ་ལྡན་འདས་རྣམས་ཀྱིས་མཁྱེན་པ་དེ་བདག་གི་བསོད་ནམས་དང་། ཡེ་ཤེས་ཀྱི་སྟོབས་དང་། དེ་བཞིན་གཤེགས་པ་རྣམས་ཀྱི་བྱིན་གྱི་རླབས་ཀྱིས་སེམས་ཅན་ཐམས་ཅད་ཀྱི་དངོས་གྲུབ་འབྱུང་བར་གྱུར་ཅིག་ཅེས་བསམས་ལ། སྔགས་ཀྱི་རྒྱལ་པོ་ལན་བརྒྱད་ཀྱི་
D502.087.0235a03.01བར་དུ་བརྗོད་པར་བྱའོ། །ན་མཿསརྦ་བུདྡྷ་བོ་དྷི་སཏྭཱ་ནཱཾ། ན་མོ་སྟུ་ཏེ་མ་ཧཱ་བཛྲ་སརྦ་སྟཱ་ཧི་ཏཾ་ཀ་ར་ཏིཥྛ་སརྦ་ཏྲ་སརྦ་ཥ་ཊ་དྷ་རྨཱ་ཎཱ་མ་དྷིཥྛཱ་ཡ་སྭཱ་ཧཱ། དེའི་རྗེས་ལ་འདིར་སེམས་ཅན་གྱི་ཁམས་རྣམས་ལ་ཇི་ལྟར་བསམས་པ་བཞིན་དུ་སེམས་ཅན་རྣམས་ལ་ཕན་པའི་རྣམ་པ་ཐམས་ཅད་འབྱུང་བར་
D502.087.0235a04.01འགྱུར་རོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་ཤིང་ཕྱག་བྱས་ལ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཡང་དག་པར་རྫོགས་པའི་བྱང་ཆུབ་ལ་སོགས་པའི་དངོས་གྲུབ་ཐམས་ཅད་ལ་རྗེས་སུ་ཡི་རང་བ་ལ་དམིགས་ནས་ཇི་སྲིད་སྐྱོ་བར་
D502.087.0235a05.01མ་གྱུར་གྱི་བར་དུ་བཟླ་བར་བྱའོ། །དེ་ནས་གླེགས་བམ་བཀླགས་ལ་ཟས་ལ་སྤྱད་ཅིང་ཟས་ཀྱིས་དུབ་ན་བསྟིས་ནས་སྔ་དྲོའི་ཆོ་ག་དེ་ཉིད་ཀྱིས་ཕྱི་དྲོའི་ཡང་བྱའོ། །ཉལ་བ་ན་དང་པོ་ཡན་ལག་ཐམས་ཅད་ཀྱིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ནས་ཁྲི་མ་ཡིན་
D502.087.0235a06.01པ་ལ་ཉལ་བར་བྱའོ། །ཆོ་ག་འདི་ཉིད་ཀྱིས་ནུས་པ་ཅི་ལྟ་བ་དང་། སྟོབས་ཅི་ལྟ་བ་བཞིན་ཉིན་རེ་ཞིང་ཡར་ངོའི་ཉའི་བར་ཟླ་བ་གཅིག་གི་བར་དུ་བྱའོ། །དེ་ནས་ཐབས་དང་མི་ལྡན་པའི་ཆོ་ག་ཡང་ཇི་སྐད་གསུངས་པ་བཞིན་ནུས་པ་ཅི་ལྟ་བ་བཞིན་བསྒྲུབ་པར་བྱའི། བདག་གིས་ནུས་པ་མ་ཡིན་ནོ་
D502.087.0235a07.01