完整藏文原文 · 德格版页 当前仅加载第 87 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། མདུང་དང་། ཁ་ཊྭཱཾ་ག་ཡང་རུང་། ལྕགས་ལས་བྱས་པའམ། ས་ལས་བྱས་པ་ཡང་རུང་། དེ་བཞིན་གཤེགས་པའི་སྙིང་པོའི་ལེའུ་ནས་གསུངས་པའི་མཚོན་ཆ་རྣམས་ལས་གང་འདོད་པ་ཞིག་ལག་ཏུ་བླངས་ནས་བསྒྲུབ་པ་བྱས་ན་དེས་ནམ་ཕྱེད་དམ། ཉི་མ་འཆར་ཀར་
D502.087.0192b01.01ངེས་པར་འབར་བར་འགྱུར་རོ། །དེ་ཉིད་རིག་པ་འཛིན་པར་འགྱུར་ཏེ། སྐད་ཅིག་དེ་ལ་རིག་འཛིན་གྱི་རིགས་ཀུན་ཉེ་བར་འདུས་ནས་དེ་ལ་དབང་བསྐུར་བར་འགྱུར་རོ། །དེ་ནས་བཟུང་ནས་འཇིག་རྟེན་གྱི་ཁམས་ཐམས་ཅད་དུ་ནམ་མཁའ་ལ་རྒྱུ་ཞིང་དེ་བཞིན་གཤེགས་པ་ཐམས་ཅད་ཀྱི་
D502.087.0192b02.01འཁོར་གྱི་དཀྱིལ་འཁོར་དུ་རྗེས་སུ་འཇུག་ཅིང་མཆོད་པ་ཆེན་པོ་བྱེད་པའི་བྱང་ཆུབ་སེམས་དཔའི་སྤྱོད་པ་ལ་ཞུགས་ནས་བདེ་བ་དང་ལྡན་བཞིན་དུ་ལྷ་དང་། ཀླུ་དང་། གནོད་སྦྱིན་ཐམས་ཅད་ཀྱིས་མཆོད་ཅིང་རིག་པ་འཛིན་པ་ཐམས་ཅད་མངོན་པར་དགའ་བར་བྱེད་པའི་རིག་སྔགས་འཛིན་
D502.087.0192b03.01པའི་རྒྱལ་པོ་ཆེན་པོར་འགྱུར་རོ། །མཐའ་ཡས་པའི་བུད་མེད་ཀྱི་འཁོར་ལ་སོགས་པ་ལ་ཡོངས་སུ་ལོངས་སྤྱོད་ཀྱང་ཉམས་པར་མི་འགྱུར་ཞིང་ལུས་དེ་ཉིད་མི་འདོར་བར་བདེ་བར་རྗེས་སུ་འཇུག་པར་འགྱུར་རོ། །ཐབས་འདི་ཉིད་ཀྱིས་མཐར་གྱིས་སངས་རྒྱས་དང་བྱང་ཆུབ་སེམས་དཔའ་
D502.087.0192b04.01རྣམས་ཀྱི་ཡེ་ཤེས་ཀྱི་སྐུའི་བར་དུ་ཡང་འཐོབ་པར་འགྱུར་རོ། །འཁོར་ལོ་ལ་སོགས་པ་མཚོན་ཆ་རྣམས་ལ་ཅི་ལྟ་བ་བཞིན་དུ་ལྡོང་རོས་དང་། མིག་སྨན་དང་། བ་བླ་དང་། གི་ཝང་དང་། གོས་དང་། ཀུ་ཤ་དང་། ནོར་བུ་དང་། རྨ་བྱའི་སྒྲོ་དང་། སྣོད་དང་། མཆིལ་ལྷམ་དང་།
D502.087.0192b05.01གདུགས་དང་། རྔ་ཡབ་དང་། རྒྱལ་མཚན་དང་། འཕན་དང་། པདྨ་དང་། ཨུཏྤ་ལ་དང་། ཏ་ལའི་ལོ་མ་ལས་རལ་གྲི་དང་། ཆུ་གྲི་དང་། གྲི་དང་། ཁ་ཊྭཱྃ་ག་ལ་སོགས་པའི་རྫས་སུ་བྱས་པའམ། ལྷག་མས་ཀྱང་བསྒྲུབ་པར་བྱའོ། །ཡིད་ལ་གང་འདོད་པའམ། རིག་སྔགས་
D502.087.0192b06.01དང་། གསང་སྔགས་དང་། རྟོག་པའི་ཆོ་ག་གཞན་ལ་ཡང་སྦྱར་བའམ། དེ་བཞིན་གཤེགས་པའི་སྙིང་པོ་ནས་གསུངས་པའི་རྫས་རྣམས་སམ། དེ་བཞིན་གཤེགས་པའི་སྙིང་པོ་ནས་གསུངས་པའི་ཆོ་གའམ། ཡིད་ལ་གང་འདོད་པའི་ཆོ་གས་ཀྱང་སྒྲུབ་པ་བྱས་ན་དེ་ཉིད་ཀྱིས་རིག་
D502.087.0192b07.01