完整藏文原文 · 德格版页 当前仅加载第 87 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་རྣམས་ཀྱང་འགུགས་པར་བྱེད་ན། ཕོ་ཉ་ཕོ་མོའི་རིགས་དང་། བཀའ་ཉན་ཕོ་མོའི་རིགས་རྣམས་འགུགས་པ་ལྟ་སྨོས་ཀྱང་ཅི་དགོས་ཏེ། མི་འགུགས་པ་གང་ཡང་མེད་དོ། །སྟོབས་ཆེན་པོའི་ལྕགས་ཀྱུ་འདིས་སྔར་གྱི་དཀྱིལ་འཁོར་གྱི་སྙིང་པོ་དེ་དག་ཐམས་
D502.087.0227a01.01ཅད་ཀྱི་སྙིང་པོར་གྱུར་པ་འདི་ཡིན་ནོ། །ནམཿས་མནྟ་བཛྲ་ཎྃ། སིདྡྷི་ད་སིདྡྷི་ད། སརྦ་ཐ་ཨེ་དུ་མེ། ཨ་མ་ལི་ན་ཤོ་དྷི་ཀ། སིདྡྷི་ཀ། སརྦ་ཐཱ་སརྦ་ཧི། སཾ་གྷ་ཏ་ཨ་མ་ལཱི་ནོ། ཁཱི་ལཱི་ཀཱ། ཨ་ནནྟི་ཀ་ཏ་ཏྲི་དྷ་ཨ་ནནྟ་བེ་བེ། ཤ་ར་ཎེ་ཏྲི་ས་ཧཱ་ཎེ། ས་ཧཱ་ནེ་ས་ཧཱ་ནེ། ཏྲ་ས་ཏྲ་ས། ཏྲི་
D502.087.0227a02.01ས་ཧཱ་ཎེ་ཏྲི་ས་ཧཱ་ཎེ། མཎྜི་ནི་མཎྜི་ནི། ཧ་ས་ཧ་ས། ཨ་ས་མ་བ་ལ། ཨཱཏྨེ་ཏྲི་ས་མ་ཡ་ཏེ་ཛེ། ཤོ་དྷ་ཡ་ཤོ་དྷ་ཡ། རཱ་ཛ་ཡ་ཧཱུྃ། ཏྲི་ས་མ་ཡ་ཨགྣི་སྭཱ་ཧཱ། འདི་བཟླས་པས་ཕོ་ཉ་དང་། ཕོ་ཉ་མོ་དང་། བཀའ་ཉན་མོ་ཐམས་ཅད་ལེགས་པར་བཟླས་པར་འགྱུར་རོ། །བསྒྲུབ་པ་བྱས་
D502.087.0227a03.01ན་ལེགས་པར་སྒྲུབ་པར་འགྱུར་རོ། །རྟོག་པའི་ཆོ་ག་འདི་དག་གིས་དེ་བཞིན་གཤེགས་པའི་མཛོད་ཀྱི་སྙིང་པོ་རབ་འབྱམ་གྱི་དངོས་གྲུབ་སྒྲུབ་པར་འགྱུར་རོ། །དངོས་གྲུབ་མཆོག་ལ་སོགས་པའི་དངོས་གྲུབ་བརྒྱད་རབ་ཏུ་ཐོབ་པར་འདོད་པ་དང་། མི་ལུས་ཐོབ་པ་དོན་ཡོད་པར་བྱ་བར་འདོད་
D502.087.0227a04.01པ་དང་། བདེ་བའི་མཐར་ཕྱིན་པར་འགྲོ་བར་འདོད་པས་དད་པས་བྱང་ཆུབ་ཀྱི་སེམས་ཀྱིས་ཡོངས་སུ་ཟིན་པའི་སེམས་ཅན་གྱི་དོན་ལ་མངོན་པར་མོས་པས་བརྩོན་འགྲུས་དང་ལྡན་པའི་སྐྱེས་བུ་དམ་པས་དོན་ཡོད་པར་གྲུབ་པ་འདིས་འབད་པར་བསྒྲུབ་པར་བྱའོ། །དེ་ནས་འདི་དག་གི་ཐུན་མོང་
D502.087.0227a05.01གི་རས་རིས་འབྱུང་བར་འགྱུར་རོ། །ངུར་སྨྲིག་གི་གོས་ལ་ཕོ་ཉ་རིན་པོ་ཆེའི་བྲག་ལ་གནས་པ་སྔོ་བསངས་རྒྱན་ཐམས་ཅད་ཀྱིས་བརྒྱན་པ། བཅོམ་ལྡན་འདས་ལ་ཐལ་མོ་སྦྱར་བས་ཕྱག་འཚལ་བའི་ལུས་ཅུང་ཞིག་འདུད་པ་བྲི་བར་བྱའོ། །ཕོ་ཉའི་མིང་གི་ཁྱད་པར་གྱིས་རས་རིས་ཀྱང་དེ་དང་
D502.087.0227a06.01འདྲ་སྟེ། དེ་བཞིན་དུ་རྒྱན་ཐམས་ཅད་ཀྱིས་བརྒྱན་པ་འོད་ཀྱི་ཕྲེང་བ་ཅན། ལག་པ་གཡས་པ་ན་རྡོ་རྗེ་ཐོགས་པ། གཡོན་ན་རིན་པོ་ཆེ་ཐོགས་པ། ཅུང་ཞིག་ལུས་འདུད་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བཀའ་སྒྲུབ་པར་བྱེད་པ་མདོག་སྔོ་བསངས་བྲི་བར་བྱའོ། །
D502.087.0227a07.01