完整藏文原文 · 德格版页 当前仅加载第 87 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
མ་བསྐྱེད་པ་ནི་མ་གཏོགས་སོ། །དེ་ནས་རིག་པ་མཆོག་འདིའི་ཆོ་ག་ཡང་སྔར་བསྟན་པའི་རྟོག་པ་རྣམས་ཀྱི་ཆོ་ག་དང་ཐུན་མོང་ཡིན་ནོ། །ཁྱད་པར་གྱི་ཆོ་ག་ཕྱོགས་ཙམ་ཞིག་བསྡུས་ནས་བརྗོད་པར་བྱའོ། །རིག་པའི་མཆོག་རིག་པ་ཆེན་པོའི་རྒྱལ་པོ་རྩེ་མོ་འདི་
D502.087.0198a01.01ནི་རང་བཞིན་གྱིས་གྲུབ་པ། བཀླགས་པས་འགྲུབ་པ། བཟླས་པ་ཙམ་གྱིས་འདོད་པའི་དོན་ཕུན་སུམ་ཚོགས་པ་འགྲུབ་པར་བྱེད་པ་འདི་སེམས་ཅན་གྱི་ཁམས་རྣམས་རྣམ་པར་སྦྱང་བར་བྱ་བ་དམིགས་པ་སྔོན་དུ་འགྲོ་བས་བཟླས་པ་བྱས་ན་བསྲུང་བ་དང་། དཀྱིལ་འཁོར་དང་།
D502.087.0198a02.01བཅིང་བ་དང་། བརྡེག་པ་དང་། དབབ་པ་དང་། རེངས་པར་བྱ་བ་དང་། བསྐྲད་པར་བྱ་བ་དང་། དགུག་པ་དང་། གདུག་པ་ཚར་གཅད་པ་དང་། བསྲེག་པ་དང་། བཙོ་བ་དང་། མཐུ་བསྟན་པ་དང་། ལྷ་དང་ཀླུ་ལ་སོགས་པ་དགུག་པ་དང་། དབང་དུ་བྱ་བ་དང་། དོན་བསྒྲུབ་པར་
D502.087.0198a03.01བྱ་བ་དང་། རྒྱལ་པོ་དང་རྒྱལ་པོའི་བུ་མོ་དགུག་ཅིང་བསྒྲུབ་པ་དང་། བསྙེན་པ་འཕེལ་བར་བྱ་བ་དང་། ནད་རྣམ་པར་བསལ་བར་བྱ་བ་དང་། ཀླུ་དང་གནོད་སྦྱིན་ལ་སོགས་པ་དབང་དུ་བྱེད་པ་ལ་སོགས་པ་ལས་རབ་འབྱམ་བསྒྲུབ་པའི་ཁྱད་པར་གྱིས་མངོན་སུམ་དུ་སྦྱར་
D502.087.0198a04.01བར་བྱའོ། །ལས་གང་དང་གང་དང་། སྦྱིན་སྲེག་གང་དང་གང་གིས་དེ་དང་དེ་འགྲུབ་པའི་ཐབས་གང་ཡིན་པ་དེ་ཐབས་གང་ཡིན་པ་དེ་ཐབས་དེ་དེ་བཞིན་དུ་ལས་ཀྱི་ཆོ་གས་བྱའོ། །ཇི་ལྟར་ནུས་པའི་བརྩོན་འགྲུས་བསྐྱེད་ལ་མིའི་ལུས་ནི་གདུལ་དཀའ་བ་ཡིན་ཞེས་སྨད་ནས་རིའི་གསེབ་ཏུ་
D502.087.0198a05.01ཞུགས་ཏེ། སྡིག་པ་དུས་གསུམ་དུ་བཤགས་པ་དང་། བསོད་ནམས་ལ་རྗེས་སུ་ཡི་རང་བ་དང་། ཡོངས་སུ་བསྔོ་བ་བྱས་ནས་ནུས་པ་དང་མཐུན་པར་ཅི་སྲིད་མཚན་མ་བྱུང་གི་བར་དུ་བཟླས་པ་བྱའོ། །དེ་ནས་ཟླ་བ་ཉ་བ་ལ་འཁོར་ལོ་དང་། རལ་གྲི་དང་། གསེར་དང་། དངུལ་
D502.087.0198a06.01དང་། ཟངས་ལས་བྱས་པའམ། ལྕགས་རིན་པོ་ཆེ་ལས་བྱས་པའམ། ཏ་ལའི་ལོ་མ་ལས་བྱས་པ་ཡང་རུང་། ཅི་འབྱོར་པའི་མཆོད་པ་བྱས་པའམ། སྔགས་གང་ཡང་རུང་བས་བསྲུང་བ་བྱས་ཏེ། ཇི་སྲིད་འབར་བར་གྱུར་པའི་བར་དུ་བཟླས་པ་བྱའོ། །དེ་ནས་གང་ལ་མཚོན་
D502.087.0198a07.01