完整藏文原文 · 德格版页 当前仅加载第 87 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་འབར་བར་འགྱུར་རོ། །འབར་བར་གྱུར་ནས་ལུས་བརྗེས་ནས་རིག་པ་འཛིན་པར་འགྱུར་རོ། །ལྷའི་བཞོན་པ་བྲིས་ནས་དེའི་སྟེང་དུ་འདུག་སྟེ་མཚན་རངས་པ་བཟླས་ན་ལྷའི་བཞོན་པ་རིན་པོ་ཆེ་ལས་གྲུབ་པར་གྱུར་ནས་ནམ་མཁའ་ལ་གང་འདོད་པ་དེར་འགྲོ་བར་འགྱུར་རོ། །རིག་
D502.087.0204b01.01པ་འདི་ནི་རང་བཞིན་གྱིས་གྲུབ་པ་ཡིན་པས་སྔོན་དུ་བསྙེན་པ་མ་བྱས་པས་ཀྱང་ཆོ་ག་བཞིན་དུ་བྱའོ། །ཅི་སྐད་གསུངས་པའི་རིག་པ་མཆོག་གི་ཆོ་གས་ཀྱང་བྱ་བའམ། ཐབས་དང་མི་ལྡན་པས་ནི་ཇི་ལྟར་འདོད་པའམ། མོས་པ་ཅི་ལྟ་བ་བཞིན་ལས་ཀྱིས་བསྒྲུབ་པར་བྱའོ། །རྟོག་
D502.087.0204b02.01པ་འདི་ཆོ་གས་ཡིད་ལ་གང་འདོད་པ་ཅི་རིགས་པར་སྦྱར་བར་བྱའོ། །ཡང་ན་རས་རིས་བསྒྲུབ་པར་འདོད་ན་རས་རིས་དེ་བཞིན་གཤེགས་པའི་སྐུ་གཟུགས་པདྨའི་གདན་ལ་བཞུགས་པ་བྲི་བར་བྱའོ། །གཡས་སུ་འཕགས་པ་ཕྱག་ན་རྡོ་རྗེ་པདྨའི་གདན་ལ་བཞུགས་པ་ཐལ་མོ་
D502.087.0204b03.01སྦྱར་བ་འོད་ཀྱིས་བསྐོར་བ་བྲི་བར་བྱའོ། །བཅོམ་ལྡན་འདས་ཀྱི་གཡོན་དུ་ནམ་མཁའི་སྤྱན་གསེར་གྱི་མདོག་ཅན་རྒྱན་ཐམས་ཅད་ཀྱིས་བརྒྱན་པ། རལ་པ་དང་བཅས་པ། ཐལ་མོ་སྦྱར་བ་བྱས་པ། པདྨའི་གདན་ལ་བཞུགས་པ་འོད་ཀྱི་ཕྲེང་བ་ཅན་བྲི་བར་བྱའོ། །དེའི་འོག་ཏུ་
D502.087.0204b04.01ཁྲོས་པ་གནག་ཅིང་ལྗང་བ། རལ་པ་གཅིག་ཡོད་པ། འཇིགས་པ་ཆེན་མོ་ཞེས་བྱ་བ་གཞོན་ནུ་མ་ལག་པ་གཡས་ཀྱིས་རྡོ་རྗེ་འཛིན་ཅིང་འཕྱར་བ། རིན་པོ་ཆེའི་ཕྲེང་བ་ཅན་བྲག་ལ་བཞུགས་པ། འབར་བའི་ཕྲེང་བ་ཅན་ངུར་སྨྲིག་བགོས་པ། མིག་ཅུང་ཟད་དམར་བ། བགེགས་ཚར་གཅོད་
D502.087.0204b05.01པ་བྲི་བར་བྱའོ། །འཕགས་པ་ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཕྱག་འཚལ་བ་བྲི་བར་བྱའོ། །རས་རིས་འདི་ལ་རྟོག་པ་འདིའི་ཆོ་ག་རྣམས་བྱ་བ་འམ་ཅི་ལྟར་འདོད་པས་བྱའོ། །རས་རིས་གཉིས་པ་ནི་ལྷ་མོ་འཇིགས་པར་བྱེད་པའི་གྲོགས་དང་བཅས་པ། རལ་པ་ཐུར་ལ་འཕྱང་བ། ལུས་
D502.087.0204b06.01འོད་ཀྱི་ཕྲེང་བ་ཅན་ནོ། །དེ་ལྟ་བུ་ལ་ཡང་འདིར་སྔར་གྱི་ཆོ་ག་རྣམས་སྦྱར་བར་བྱའོ། །ཐབས་དང་ལྡན་ནམ་ཐབས་དང་མི་ལྡན་ཡང་རུང་། ནམ་མཁའི་སྤྱན་འདི་ནི་དོན་ཡོད་པ་ཡིན་ཏེ། བསོད་ནམས་དང་ལྡན་ནམ། བསོད་ནམས་དང་མི་ལྡན་ཡང་རུང་ཞེས་རྒྱ་ཆེར་སྦྱར་ཞིང་གང་གིས་
D502.087.0204b07.01