完整藏文原文 · 德格版页 当前仅加载第 87 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
པར་གཟུང་བར་བྱ་སྟེ། དེ་ལྟར་བྱེད་ན་བསྟན་པའི་དོན་བྱས་པ་ཡང་ཡིན་ནོ། །དམ་པའི་ཆོས་འཛིན་པ་ཡང་ཡིན་ནོ། །གཞན་དག་ཀྱང་ཡང་དག་པར་འཛུད་པར་འགྱུར་རོ། །བསྐུལ་བར་ཡང་འགྱུར་རོ། །དེས་ནི་འདས་པ་དང་། མ་བྱོན་པ་དང་། ད་
D502.087.0243a01.01ལྟར་བྱུང་བའི་དེ་བཞིན་གཤེགས་པ་རྣམས་ཀྱི་དམ་པའི་ཆོས་བཟུང་བར་ཡང་འགྱུར་རོ། །བཀླགས་པ་དང་། བཅངས་པར་ཡང་འགྱུར་རོ། །དེ་ནི་སངས་རྒྱས་ཐམས་ཅད་བཟུང་བས་ཐམས་ཅད་དུ་མཉམ་པ་མེད་པའི་རིག་པ་འཛིན་པར་འགྱུར་རོ། །སྡང་མིག་བལྟས་པ་ཙམ་གྱིས་
D502.087.0243a02.01ལྟུང་བར་འགྱུར་རོ། །སྦྱིན་སྲེག་གིས་ལོག་འདྲེན་ལ་སོགས་པ་འཆི་བར་འགྱུར་རོ། །རས་རིས་ཀྱི་ཆོ་ག་ནི་ནམ་མཁའི་སྤྱན་གྱི་གནས་སུ་ནི་རྡོ་རྗེའི་མཆོག་ཅེས་བྱ་བ་རིག་པའི་རྒྱལ་མོའི་མཆོག་བྱ་སྟེ། ཀུན་ནས་འབར་བ། གནག་ཅིང་ལྗང་བ། རབ་ཏུ་འབར་བའི་རྡོ་རྗེ་ལག་ན་
D502.087.0243a03.01ཐོགས་པའོ། །འཕགས་པ་རྡོ་རྗེ་འཛིན་ནི་བཅོམ་ལྡན་འདས་ལ་ཐལ་མོ་སྦྱར་བའོ། །རས་རིས་གཞན་ཡང་ཅུང་ཞིག་སྔོ་བ། གཞོན་ནུ་ཁྲོས་པ། རྡོ་རྗེ་འབར་བ་གསོར་བའོ། །ཁྲོ་བ་དང་བཅས་པ། འགྱིང་བ། འགྱིང་བག་གིས་རི་མོ་རྣམས་ཅུང་ཞིག་བསྐུལ་སྐུམ་ཞིང་འདར་
D502.087.0243a04.01བ་བྲི་བར་བྱའོ། །འཕགས་པ་རྡོ་རྗེ་ལྕགས་ཀྱུས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་བཛྲ་ཛྭཱ་ལ་ཨཾ་གི་མྱ་ཨཱ་ཀཪྵ་ཡ་སྭཱ་ཧཱ། འདིས་ནི་རིག་པ་འཛིན་པར་འགྱུར་ཞིང་། ཐོགས་པ་མེད་པ་དོན་ཡོད་པར་གྲུབ་པ་འདིས་བདེ་སོགས་བཀུག་ནས་ཡོངས་སུ་
D502.087.0243a05.01སྤྱོད་པ་ཡང་སྟོན་པར་བྱེད་དོ། །སྔར་བསྟན་པའི་ཆོ་གས་རེངས་པར་བྱེད་དོ། །རིག་པ་འཛིན་པ་ཐམས་ཅད་དང་མཉམ་པ་མེད་པར་འགྱུར་རོ། །ལྷ་ལ་སོགས་པའི་རིགས་འགུགས་པར་བྱེད་དོ། །གཡོ་བར་བྱེད། ཕུར་བུས་འདེབས་པར་བྱེད་དོ། །དེ་ནས་རས་རིས་ཀྱི་ཆོ་ག་ནི་
D502.087.0243a06.01བཅོམ་ལྡན་འདས་ཀྱི་གཡས་ལོགས་སུ་འཕགས་པ་ཕྱག་ན་རྡོ་རྗེ་ལག་ན་རྔ་ཡབ་དང་རྡོ་རྗེ་ཐོགས་པའོ། །གཡོན་ལོགས་སུ་ནི་ལྷ་མོ་དང་བཅས་པ་གཞོན་ནུའི་གཟུགས་ཅན་རྡོ་རྗེ་གཞོན་ནུ་མ་ཅུང་ཞིག་སྔོ་བསངས་སོ། །རྡོ་རྗེ་འཛིན་གྱི་འོག་ཏུ་ནི་སྒྲུབ་པ་པོ་ལྷ་མོ་ལ་མངོན་དུ་ཕྱོགས་པའོ། །ལྷ་མོའི་
D502.087.0243a07.01