完整藏文原文 · 德格版页 当前仅加载第 87 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་སྒྱིད་ལུག་པར་མི་བྱ་སྟེ། ལས་ཅི་ལྟ་བ་འབྲས་བུ་ཡང་དེ་ལྟ་བུའོ་ཞེས་བྱ་བས་དངོས་གྲུབ་ཀྱི་འབྲས་བུ་འགྲུབ་པར་འགྱུར་རོ་ཞེས་བསམས་ལ་རི་ལ་སོགས་པའི་གནས་རབ་ཏུ་དབེན་པའམ། གཙུག་ལག་ཁང་ལ་སོགས་པའི་ཁང་པ་སྟོང་པའམ། བླ་གབ་མེད་པར་འདུ་འཛི་རྣམ་
D502.087.0235b01.01པར་སྤངས་ལ་སེམས་ཅན་ལ་གནོད་པ་མེད་པས་ཆོ་ག་འདི་བཞིན་དུ་བྱའོ། །ཁྲུས་ལ་སོགས་པ་མེད་ཀྱང་རུང་། རས་རིས་མེད་ཀྱང་རུང་། ཚུལ་ཁྲིམས་འཆལ་བ་ཡིན་ཡང་རུང་། དམན་པ་ཡིན་ཡང་རུང་། བསོད་ནམས་དང་མི་ལྡན་ཡང་རུང་སྟེ། གང་ཡང་མང་དུ་སྒྲུབ་པ་ལ་
D502.087.0235b02.01གོམས་པར་བྱའོ། །མུན་པ་ཆེན་པོ་ནས་སྣང་བར་འཇུག་པར་འདོད་པ་དང་། འཁོར་བར་ལྟུང་བ་རྣམས་བྱང་ཆུབ་སེམས་དཔའི་ཐེག་པ་ལ་བསྐྱོན་པར་འདོད་པ་དང་། གང་ཡང་མང་དུ་འབད་པས་ལོག་པར་ལྟུང་བ་རྣམས་རབ་ཏུ་གཟུང་ཞིང་སྣང་བར་བྱེད་པ་རབ་ཏུ་ཐོབ་པར་འདོད་པས་ཆོ་ག་
D502.087.0235b03.01བཞིན་ཉིན་རེ་ཞིང་ཟླ་བ་གཅིག་གི་བར་དུ་བྱས་ལ། མཐར་ཡར་ངོའི་{བཅྭ་,བཅོ་}ལྔ་ལ་ཇི་ལྟར་མངོན་པར་འབྱོར་བའི་མཆོད་པ་བྱས་ནས་མཆོད་རྟེན་དང་། སྐུ་གཟུགས་དང་། རས་རིས་དང་། དམ་པའི་ཆོས་ཀྱི་གླེགས་བམ་མམ། གང་ཡང་རུང་བའི་མདུན་དུ་མེ་ཏོག་སིལ་མས་བཀྲམ་པའི་
D502.087.0235b04.01དཀྱིལ་འཁོར་བྱས་ལ། ལོ་མ་བཏིང་བ་ལ་འདུག་སྟེ། བསྲུང་བའི་ཆོ་ག་ལ་སོགས་པ་སྔ་མ་བཞིན་བསམས་ལ། ལན་གསུམ་གྱི་བར་དུ་སྔགས་བརྗོད་པར་བྱའོ། །དེ་ནས་ལྕགས་ཀྱི་འཁོར་ལོ་འམ། རྡོ་རྗེའམ། རལ་གྲིའམ། མདུང་ངམ། ལྕགས་ཀྱུའམ། ཆུ་
D502.087.0235b05.01གྲི་ཟླ་ཕྱེད་ཀྱི་བར་དུ་བ་ལང་གི་ལྕི་བའི་ནང་དུ་བཅུག་ནས་བཏོན་ལ། ལག་ཏུ་བཟུང་ནས་སྲོད་དང་པོ་ནས་བརྩམས་ནས་མཚན་རངས་པར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་བསྒྲུབ་པར་བྱའོ། །ཡང་ན་རྡོ་རྗེ་ལས་བྱས་པ་རའི་འོ་མའི་ནང་དུ་བཅུག་པས་སོ། །
D502.087.0235b06.01ཡང་ན་དངུལ་དང་། ཟངས་དང་། གསེར་ལས་བྱས་པ་ཟླ་བ་ཕྱེད་དུ་ཆུའི་ནང་དུ་བཅུག་པའམ། མིག་སྨན་བའི་འོ་མའི་བུམ་པར་བཅུག་པའམ། བསྲེགས་པའམ། ལྡོང་རོས་དང་། བ་བླ་དང་། གི་ཝང་ངམ། རང་བཞིན་གྱིས་གནས་པ་ལོ་མའམ། གོས་ཀྱི་
D502.087.0235b07.01