完整藏文原文 · 德格版页 当前仅加载第 87 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་རིམ་གྱིས་གནོན་པའི་ཕྱིར་རམ། བྱང་ཆུབ་སེམས་དཔའ་ཀུན་དུ་བཟང་པོའི་སྤྱོད་པའི་དཀྱིལ་འཁོར་ཐམས་ཅད་དུ་འཇུག་པའམ། གཟུངས་དང་། ཏིང་ངེ་འཛིན་དང་། རྣམ་པར་ཐར་པ་ཐམས་ཅད་དུ་སོ་སོར་འཐོབ་པའམ། མཆོད་པ་ཆེན་པོའི་སྤྲིན་མངོན་
D502.087.0203a01.01པར་བསྒྲུབ་པ་སྤྲུལ་བའམ། དེ་བཞིན་གཤེགས་པ་ཐམས་ཅད་ཀྱི་སྤྲིན་ལས་ཆོས་ཀྱི་ཆར་གྱི་རྒྱུན་འབབ་པ་རབ་ཏུ་གནས་པར་བྱ་བའམ། དཀོན་མཆོག་གསུམ་གྱི་གདུང་རྒྱུན་མི་བཅད་པའམ། རིག་པ་འཛིན་པའི་དཔལ་ཐོབ་པར་བྱ་བའམ། རྡོ་རྗེ་འཛིན་པ་ཉིད་རབ་ཏུ་འཐོབ་པ་ཡང་
D502.087.0203a02.01སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་བརྗོད་དོ། །ཡང་ན་བསམ་པ་ཅི་ལྟ་བ་དང་མོས་པ་ཅི་ལྟ་བ་བཞིན་དུའམ། སེམས་ཅན་གྱི་ཁམས་ཐམས་ཅད་ལ་ཕན་པ་དང་། བདེ་བ་འབྱུང་བའི་བསམ་པ་དང་། ལྷག་པའི་བསམ་པས་བཟླས་པ་བྱའོ། །ཡང་ན་བླ་ན་མེད་
D502.087.0203a03.01པའི་དངོས་གྲུབ་ཐམས་ཅད་བདག་གི་སྨོན་ལམ་གྱི་སྟོབས་དང་། དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་ཀྱིས་སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་སམ། ཅི་ལྟར་རིགས་པར་སེམས་ཀྱིས་བསམས་ལ་བཟླས་པ་བྱའོ། །དེ་ལྟར་གོམས་པར་
D502.087.0203a04.01བཟླས་པ་བྱས་ན་དངོས་གྲུབ་ཐོབ་པར་འགྱུར་རོ། །སྨོན་ལམ་དང་རྗེས་སུ་མཐུན་པ་དང་། བརྩོན་འགྲུས་དང་རྗེས་སུ་མཐུན་པར་བྱང་ཆུབ་སེམས་དཔའི་སྤྱོད་པ་ལ་མངོན་པར་ཕྱོགས་ཤིང་འཇུག་ན་ངེས་པར་འགྲུབ་པར་འགྱུར་རོ། །འདི་དག་ནི་རྟག་ཏུ་བྱ་བའི་ཆོ་ག་ཡིན་ནོ། །ཡང་
D502.087.0203a05.01ན་སོམ་ཉི་མེད་པའི་དད་པས་ཅི་ལྟར་ནུས་པའི་ཆོ་གས་བྱའོ། །དེ་ནས་འཕགས་པ་སྡོང་པོ་བཀོད་པ་ལ་སོགས་པའི་ཆོས་ཀྱི་གླེགས་བམ་མམ། བྱང་ཆུབ་སེམས་དཔའི་སྤྱོད་པ་རྒྱ་ཆེ་བའི་ལུགས་རྒྱས་པར་བྱེད་པའི་མདོ་སྡེ་གདོན་པར་བྱ། མཆོད་པར་བྱ་བའམ། ཐ་ན་ཕྱག་
D502.087.0203a06.01བྱས་ནས་སོ། །ཀུན་ནས་ངལ་བར་གྱུར་ནས་ཟས་ཟ་ན། སྔགས་འདིས་ཟས་ལ་ལན་བརྒྱད་མངོན་པར་བཟླས་པ་བྱའོ། །ན་མཿསརྦ་བུདྡྷ་བོ་དྷི་སཏྭཱ་ནཱཾ། ཨོྃ་བ་ལིཾ་ད་དེ། ཏེ་ཛོ་མཱ་ལི་ནི་སྭཱ་ཧཱ། དེ་ནས་ཟས་ཀྱིས་དུབ་པ་བསལ་ལ་ཕྱི་དྲོའི་དུས་སུ་ཡང་སྔ་དྲོའི་ཆོ་ག་འདི་ཉིད་
D502.087.0203a07.01