完整藏文原文 · 德格版页 当前仅加载第 87 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གྱིས་དབེན་པའི་རི་ལ་སོགས་པ་དང་། རང་བཞིན་གྱིས་སྟོང་པའི་འདུ་འཛི་དང་བྲལ་བའི་གཙུག་ལག་ཁང་གི་བྲང་ཁང་ལ་སོགས་པའོ། །སྔོན་དུ་འགྲོ་བ་ནི་རྣམ་པ་གཉིས་ཏེ། དུས་གསུམ་དུ་སྡིག་པ་བཤགས་པ་དང་། བསོད་ནམས་དང་ཡེ་ཤེས་ལ་རྗེས་སུ་
D502.087.0233a01.01ཡི་རང་བའོ། །གོམས་པར་བྱ་བ་ནི་རྣམ་པ་གཉིས་ཏེ། ལེགས་པ་ལ་སྦྱོར་བ་དང་། སངས་རྒྱས་དང་བྱང་ཆུབ་སེམས་དཔའ་རྗེས་སུ་དྲན་པ་ལ་སོགས་པའི་སྒོམ་པ་གོམས་པའོ། །གཙང་སྦྲ་ནི་གཉིས་ཏེ། ལྷག་པའི་བསམ་པ་ཕུན་སུམ་ཚོགས་པས་སེམས་ཅན་དད་པ་ཅན་ལ་
D502.087.0233a02.01ཕན་པ་ཡང་དག་པར་སྟོན་པ་དང་། འཁོར་བའི་ཆོས་རྣམས་ལ་མངོན་པར་མི་དགའ་བས་སྡིག་པ་ཀུན་དུ་མི་སྤྱོད་པའི་གཙང་སྦྲའོ། །མྱུར་དུ་འགྲུབ་པར་བྱེད་པའི་ཆོས་ནི་གཉིས་ཏེ། སེམས་ཅན་གྱི་ཁམས་མ་ལུས་པ་འཁོར་བ་ལས་རྣམ་པར་གྲོལ་བར་བསྒྲུབ་པ་དང་། བྱང་ཆུབ་ཀྱི་
D502.087.0233a03.01སེམས་བསྐྱེད་པ་ལ་སོགས་པ་ནི་དངོས་གྲུབ་ཐོབ་པར་འགྱུར་རོ། །ཞེས་ཡང་དག་པར་བསམས་ནས་བཟླས་པ་བྱ་བའམ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་པས་བཟླས་པ་བྱ་བའོ། །གཉིས་ལ་ནི་དངོས་གྲུབ་རིང་བར་འགྱུར་ཏེ། མ་དད་པ་དང་།
D502.087.0233a04.01བྱང་ཆུབ་ཏུ་སེམས་མ་བསྐྱེད་པ་ལའོ། །སྟོབས་རྣམ་པ་གཉིས་ཀྱིས་སེམས་ཅན་གྱི་ཁམས་དམན་པ་དང་། བར་མ་དང་། མཆོག་རྣམས་ཀྱི་དོན་འབྱུང་བར་འགྱུར་ཏེ། རང་གི་སྨོན་ལམ་དང་། བསོད་ནམས་དང་ཡེ་ཤེས་ཀྱི་སྟོབས་དང་། སངས་རྒྱས་དང་བྱང་ཆུབ་སེམས་དཔའ་
D502.087.0233a05.01རྣམས་ཀྱི་བྱིན་གྱིས་བརླབས་ཀྱི་སྟོབས་སོ། །བསྒྲུབ་པར་བྱ་བ་ནི་གཉིས་ཏེ། བདག་གི་དོན་དང་། གཞན་གྱི་དོན་ནོ། །དངོས་གྲུབ་ནི་གཉིས་ཏེ། རིག་འཛིན་ཐོབ་པར་བྱ་བ་ལ་སོགས་པ་དང་། སྤྱོད་པ་ལ་རྗེས་སུ་ཞུགས་པའོ། །འདིར་སྦྱོར་བ་ནི་རྣམ་པ་གཉིས་ཏེ། ཚད་
D502.087.0233a06.01མེད་པའི་སེམས་བསྐྱེད་པའི་སྦྱོར་བ་དང་། སྒྱིད་ལུག་པ་མེད་པའི་སྦྱོར་བའོ། །བྱ་བ་ནི་གཉིས་ཏེ། ཐབས་དང་ཤེས་རབ་ཀྱི་སྒོར་འཇུག་པའོ། །མི་བྱ་བ་ནི་གཉིས་ཏེ། སོམ་ཉི་དང་། སེམས་ཅན་ལ་ཉེ་བར་འཚེ་བའི་ལས་སོ། །ལུས་འདིའི་ཡོན་ཏན་ནི་གཉིས་ཏེ། དོན་ཡོད་
D502.087.0233a07.01