完整藏文原文 · 德格版页 当前仅加载第 87 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ནི་རིག་པའི་མཆོག་གི་གནས་སུ་གཞོན་ནུ་མ་བྲི་བར་བྱ་སྟེ། རྒྱན་ཐམས་ཅད་ཀྱིས་བརྒྱན་པ་ལྕང་ལོ་ཅན་པདྨའི་སྟན་ལ་བཞུགས་པ། བཅོམ་ལྡན་འདས་ལ་ཐལ་མོ་སྦྱར་བར་བྱས་པའོ། །བཅོམ་ལྡན་འདས་ཀྱི་གཡས་ལོགས་སུ་རྡོ་རྗེ་འཛིན་གྱི་གནས་སུ་དེ་བཞིན་
D502.087.0195b01.01དུ་དཔའ་བོའི་རྒྱལ་པོ་ཞེས་བྱ་བའི་བྱང་ཆུབ་སེམས་དཔའ་གསེར་གྱི་མདོག་ཅན་སྐྱིལ་མོ་ཀྲུང་གིས་པདྨའི་སྟེང་དུ་ཏིང་ངེ་འཛིན་ལ་མཉམ་པར་གཞག་པས་བཞུགས་པ་དེ་བཞིན་དུ་འོད་ཀྱི་ཕྲེང་བས་བསྐོར་བ་བྲི་བར་བྱའོ། །དེའི་འོག་ཏུ་སྒྲུབ་པ་པོའོ། །ལྷ་མོའི་འོག་ཏུ་ནི་དེ་བཞིན་དུ་
D502.087.0195b02.01མཐའ་མེད་དོ། །རས་རིས་གཉིས་པ་ནི་དེ་བཞིན་དུ་རིན་པོ་ཆེའི་པདྨ་ལ་བཞུགས་པའི་ལྷ་མོ་ལྕང་ལོ་ཅན་གཡོག་དང་བཅས་པ་བྲི་བར་བྱའོ། །རས་རིས་འདི་ལ་ཡང་དེ་བཞིན་གཤེགས་པའི་སྙིང་པོའི་རྟོག་པ་དང་སྦྱར་ནས་དེ་བཞིན་དུ་ལས་ཐམས་ཅད་ཉིས་འགྱུར་དུ་བྱའོ། །
D502.087.0195b03.01རྡོ་རྗེ་གསུམ་གྱི་སྟོབས་ཞེས་བྱ་བའི་རིག་པའི་མཆོག་རྫོགས་སོ།། །།དེ་ནས་བྱང་ཆུབ་སེམས་དཔའ་མཉམ་པ་ཉིད་ལ་གནས་པ་རྡོ་རྗེ་ཞེས་བྱ་བ་སྟོབས་ཆེན་པོའི་སྤྱོད་ཡུལ་གྱི་མཆོག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་
D502.087.0195b04.01ཞུགས་ནས་རིག་པ་མཆོག་ཅེས་བྱ་བའི་ཡི་གེ་བརྒྱད་པོ་དོན་ཡོད་པ་མི་འཕྲོགས་པ་ཆོས་ཐམས་ཅད་དུ་དེ་བཞིན་གཤེགས་པའི་བྱིན་གྱིས་བརླབས་ལ་ལྟོས་པ་མེད་པ་འདི་གསུངས་སོ། །ན་མཿསརྦ་བུདྡྷ་བོ་དྷི་སཏྭཱ་ནཱཾ། ཨ་ས་ཧཱ་ནཱ་མཱ་ས་མ་ཧཱུྃ། འདི་ནི་རིག་
D502.087.0195b05.01པ་ཆེན་པོའི་མཆོག་རྒྱལ་པོའི་རྩེ་མོ་བླ་ན་མེད་པ་སྟེ། འདིས་དངོས་གྲུབ་གང་ཅི་ཡང་རུང་བ་མི་སྒྲུབ་པ་མེད་དེ་ཁ་ན་མ་ཐོ་བ་དང་བཅས་པ་ནི་མ་ཡིན་ནོ། །སྔར་བསྟན་པའི་རྟོག་པའི་ཆོ་ག་རྣམས་ཀྱིས་ཀྱང་དེ་བཞིན་དུ་སྦྱར་བར་བྱ་སྟེ། དེ་བཞིན་གཤེགས་པའི་སྙིང་པོའི་སུམ་
D502.087.0195b06.01འགྱུར་དུ་བྱ་བ་ཉིད་དོ། །རས་རིས་ནི་པདྨ་ལ་བཞུགས་པའི་དེ་བཞིན་གཤེགས་པ་བྲི་བར་བྱའོ། །བཅོམ་ལྡན་འདས་ཀྱི་གཡས་ལོགས་སུ་བྱང་ཆུབ་སེམས་དཔའ་མཉམ་པ་ཉིད་ལ་གནས་པའི་ཏིང་ངེ་འཛིན་ལ་མཉམ་པར་བཞག་པ་པདྨའི་སྟེང་ན་བཞུགས་པ་བྲི་བར་བྱའོ། །བཅོམ་
D502.087.0195b07.01