完整藏文原文 · 德格版页 当前仅加载第 87 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་བརྒྱབ་པ་དེ་ཡང་འཁོར་དང་བཅས་པར་རིག་པ་འཛིན་པར་འགྱུར་རོ། །དེ་ལྟར་འཁོར་ལོ་ལ་སོགས་པ། ཇི་ལྟ་བ་དེ་བཞིན་དུ་མཚོན་ཆ་ཐམས་ཅད་ལ་ཡང་ངོ་། །ཐུན་མོང་གི་ཆོ་གས་བ་བླའམ། ལྡོང་རོས་སམ། ལིག་བུ་མིག་ལ་སོགས་པ་རྫས་ཐམས་ཅད་ལ་བསྒྲུབ་
D502.087.0198b01.01པར་བྱའོ། །འདིར་སྦྱོར་བ་ནི་རྣམ་པ་གཉིས་ཏེ། ཐབས་དང་བཅས་པ་དང་། ཐབས་དང་བྲལ་བའོ། །དེ་ལ་ཆོ་ག་གང་ཡང་རུང་བས་ནུས་པ་ཅི་ལྟ་བ་བཞིན་དུ་གང་ཡང་རུང་བ་ཞིག་སེམས་ཅན་གྱི་ཁམས་རྣམས་ལ་ཕན་པ་དང་། བདེ་བ་འབྱུང་བའི་རྒྱུར་གྱུར་ཅིག་ཅེས་ཡིད་ལ་
D502.087.0198b02.01བྱས་ནས་བཟླས་པ་བྱས་ན་མྱུར་དུ་དངོས་གྲུབ་ཐོབ་པར་འགྱུར་རོ། །དེ་བཞིན་དུ་སེམས་ཅན་ཐམས་ཅད་ཀྱི་དངོས་གྲུབ་ཀྱི་རྒྱུར་གྱུར་ཅིག་ཅེས་ཡང་དག་པར་བསམས་ལ་བཟླས་པ་བྱའོ། །དེ་བཞིན་དུ་སེམས་ཅན་གྱི་ཁམས་དགེ་བ་ལ་འཇུག་པར་གྱུར་ཅིག་ཅེས་བྱ་བ་ལ་སོགས་པ་
D502.087.0198b03.01སེམས་ཅན་རྣམས་ལ་ཕན་པའི་སྦྱོར་བ་བྱས་ལ་མོས་པར་བྱས་ནས་བསྒྲུབ་པར་བྱ་སྟེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་ཤིང་ཕྱག་འཚལ་ནས་བཟླས་པ་བྱའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ས་རྣམས་དོན་དུ་གཉེར་བ་ལ་
D502.087.0198b04.01འབད་པས་དམིགས་ཤིང་བཟླས་པ་བྱས་ཤིང་སྡིག་པ་རྣམས་བཤགས་པ་དང་། བསོད་ནམས་དང་ཡེ་ཤེས་ཀྱི་ཚོགས་ཐམས་ཅད་ཡོངས་སུ་རྫོགས་པར་བྱ་བའི་དོན་དུ་གཉེར་བའི་ཕྱིར་བཟླ་བ་དང་། བྱང་ཆུབ་སེམས་དཔའ་ཀུན་དུ་བཟང་པོའི་སྤྱོད་པའི་སྨོན་ལམ་གྱི་དཀྱིལ་འཁོར་རྫོགས་
D502.087.0198b05.01པ་དོན་དུ་གཉེར་བར་དམིགས་ནས་བཟླ་བ་དང་། སྟོབས་བཅུ་པའི་ཡེ་ཤེས་ཀྱིས་ནོན་པར་བྱ་བ་དོན་དུ་གཉེར་བར་དམིགས་ནས་བཟླ་བ་དང་། དེ་དག་ལ་རྗེས་སུ་ཡི་རང་བར་བྱས་ནས་གང་ཡང་རུང་བའི་རིག་པ་མཆོག་གིས་བསྒྲུབས་ན་མྱུར་དུ་དངོས་གྲུབ་ཐོབ་པར་འགྱུར་རོ། །རི་བོའི་གསེབ་
D502.087.0198b06.01ཏུ་འབུམ་བཟླས་པ་བྱས་ན་འཕགས་པ་ཕྱག་ན་རྡོ་རྗེ་ལ་སོགས་པ་གང་ཡང་རུང་བའི་བྱང་ཆུབ་སེམས་དཔའ་མཐོང་བར་འགྱུར་རོ། །གཉིས་ཀྱིས་ནི་སངས་རྒྱས་བཅོམ་ལྡན་འདས་རྣམས་སོ། །གསུམ་གྱིས་ནི་བྱང་ཆུབ་སེམས་དཔའ་རྣམས་དང་སྨྲ་བར་འགྱུར་རོ། །བཞིས་ནི་
D502.087.0198b07.01