完整藏文原文 · 德格版页 当前仅加载第 87 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
རྩེ་མོ་ཡངས་ཤིང་རྒྱ་ཆེ་བའི་རྣམ་པར་རོལ་པའི་སྤྱོད་ཡུལ་ཡིན་ཏེ། འདིའི་ཆོ་ག་ཡང་དེ་དག་ཉིད་ཀྱིས་བྱ་བ་འམ། ཡིད་ལ་གང་འདོད་པས་བྱའོ། །དེ་ནས་དེ་བཞིན་གཤེགས་པ་ཀུན་དུ་ཤིན་ཏུ་མཉམ་པར་རྫོགས་པར་གྲུབ་པ་ཞེས་བྱ་བའི་དངོས་གྲུབ་ཀྱི་རྒྱལ་པོའི་རྩེ་མོ་ལ་སྙོམས་པར་ཞུགས་པ་ཞེས་བྱ་
D502.087.0205b01.01བའི་ཏིང་ངེ་འཛིན་གྱི་རྒྱལ་པོ་ལ་སྙོམས་པར་ཞུགས་སོ། །སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་རྩེ་མོ་ཞེས་བྱ་བའི་རིག་པ་ཆེན་མོའི་རྒྱལ་མོ་འདི་གསུངས་སོ། །ན་མཿསརྦ་བུདྡྷ་བོ་དྷི་སཏྭཱ་ནཱཾ། ཨ་མ་ལ་བ་ལེ་ཧ་ཧ། ཨ་ས་མ་ས་མནྟ། ག་ག་ན་ག་ག་ན། ས་མ་ས་མ། ཀུ་རུ་ཀུ་རུ། ན་མཿསརྦ་བུདྡྷ་བོ་དྷི་
D502.087.0205b02.01ས་ཏྭེ་བྷྱཿསྭཱ་ཧཱ། སངས་རྒྱས་སྲས་དང་བཅས་རྣམས་ཀྱིས། །ལྷན་ཅིག་འདིར་ནི་གསུངས་པ་ན། །ཆོས་དབྱིངས་ངོ་མཚར་ཆེན་པོ་འདི། །ཐམས་ཅད་ཀུན་དུ་རྨད་དུ་གྱུར། །འདིའི་ཆོ་ག་ཡང་དེ་དག་ཡིན། །འཇིག་རྟེན་ཐམས་ཅད་ཀུན་དུ་ཡང་། །འདི་དང་འདྲ་བ་དེ་ཡོད་མིན། །རས་རིས་ཀྱི་ཁྱད་
D502.087.0205b03.01པར་ནི་ནམ་མཁའི་སྤྱན་གྱི་གནས་སུ་ལྷ་མོ་ཀུ་མུ་དའི་མདོག་ཅན། རལ་པ་དང་བཅས་པ། རྒྱན་དང་བྲལ་བ། ཏིང་ངེ་འཛིན་ལ་སྙོམས་པར་ཞུགས་པ་བྲི་བར་བྱའོ། །སངས་རྒྱས་བཅོམ་ལྡན་འདས་ནི་དེ་ལྟ་བུ་ཉིད་ཡིན་ནོ། །ལག་ན་རྡོ་རྗེ་ནི་གཏུམ་པའོ། །གཡོན་དུ་ནི་རལ་པ་གཅིག་ཡོད་
D502.087.0205b04.01པ། གནག་པ། མིག་དམར་བ། བགེགས་མཐར་བྱེད་པ། ཁྲོས་པ། ངུར་སྨྲིག་བགོས་པ། གཞོན་ནུ་ལག་ན་རལ་གྲི་ཐོགས་པ་བྲི་བར་བྱ་སྟེ། འབར་བའི་ཕྲེང་བས་བསྐོར་བ་རིན་པོ་ཆེའི་བྲག་ལ་གནས་པའོ། །ལྷག་མ་ནི་སྔ་མ་བཞིན་ནོ། །རིན་པོ་ཆེའི་བྲག་ལ་གནས་པའི་པདྨའི་སྡོང་བུ་ལ་
D502.087.0205b05.01གནས་པ་བྲི་བར་བྱའོ། །རིག་པའི་རྒྱལ་མོའི་རྩེ་མོ་འདི་རས་རིས་ལ་རྟོག་པའི་ཆོ་ག་ཐམས་ཅད་སྦྱར་བར་བྱའོ། །དེ་ནས་བྱང་ཆུབ་སེམས་དཔའ་དོན་ཐམས་ཅད་སྒྲུབ་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་རྒྱལ་མོའི་རྩེ་མོ་དོན་ཡོད་པ་ཞེས་བྱ་བ་འདི་གསུངས་སོ། །
D502.087.0205b06.01ན་མཿསརྦ་བུདྡྷ་བོ་དྷི་སཏྭཱ་ནཱཾ། ཨཪྠཱ་སིདྡྷ་བིདྱ་ཨུཏྟ་མ་ཨཱ་གྲེ་སྭཱ་ཧཱ། །བྱང་ཆུབ་སེམས་དཔའ་ལོངས་སྤྱོད་མཐའ་ཡས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་རྒྱལ་མོའི་རྩེ་མོ་འདི་གསུངས་སོ། །ན་མཿསརྦ་བུདྡྷ་བོ་དྷི་སཏྭཱ་ནཱཾ། ཨ་ར་ཛེ་ས་མ་ཡ། སཱ་དྷ་ཡཱི་ཀུ་རུ་ཀུ་རུ།
D502.087.0205b07.01