完整藏文原文 · 德格版页 当前仅加载第 87 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་བྱས་ནས་བཟླས་པ་བྱའོ། །སྲོད་ཀྱི་དུས་སུ་སྨོན་ལམ་བཏབ་ལ་ཡན་ལག་ཐམས་ཅད་བཏུད་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་རྩྭ་བཏིང་བ་ལ་དང་པོར་ཉལ་ལ་གཉིད་ལོག་པར་བྱའོ། །ཚེས་གཅིག་ནས་བརྩམས་ནས་ཉིན་རེ་ཞིང་ཟླ་
D502.087.0230a01.01བ་གཅིག་གི་བར་དུ་ལས་འདི་ལྟར་བྱ་ཞིང་ཉའི་ནུབ་མོ་དྲིའི་དཀྱིལ་འཁོར་གྱི་སྟེང་དུ་དམ་པའི་ཆོས་ཀྱི་གླེགས་བམ་བཞག་པའམ། སྐུ་གདུང་དང་བཅས་པའི་མཆོད་རྟེན་ནམ། བཞུགས་གནས་ཀྱི་མཆོད་རྟེན་ནམ། སྐུ་གཟུགས་ཀྱི་མདུན་དུའམ། གཞན་ཡང་དབེན་པར་སྐྱིལ་མོ་ཀྲུང་བཅས་
D502.087.0230a02.01ནས་སྐྱིལ་མོ་ཀྲུང་མ་བཤིག་པར་དེ་བཞིན་གཤེགས་པ་ལ་དམིགས་ནས་བཟླས་པ་བྱ་སྟེ། ཅི་སྲིད་འོད་ཟེར་བྱུང་ནས་ལུས་ལ་ཕོག་གི་བར་དུ་བྱས་ནས་དེ་ནས་ལུས་འབར་བར་འགྱུར་རོ། །དེའི་རྗེས་ལ་ལུས་འདི་ཡོངས་སུ་གྱུར་ནས་རིག་འཛིན་གྱི་རིགས་རྣམས་ཉེ་བར་ལྷགས་ཏེ། དེ་ལ་དབང་
D502.087.0230a03.01བསྐུར་བས་བསོད་ནམས་ཇི་ལྟ་བ་བཞིན་དུ་བྱང་ཆུབ་སེམས་དཔའ་རིག་འཛིན་གྱི་རིགས་སུ་གྱུར་ནས་སྐལ་བ་ཇི་ལྟ་བ་བཞིན་དུ་རང་གི་གནས་ཐོབ་པར་འགྱུར་རོ། །དེར་ཡང་ཤེས་རབ་དང་ཐབས་དང་ལྡན་པས་ཕ་རོལ་ཏུ་ཕྱིན་པ་ལ་མངོན་པར་སྦྱོར་བ་ཡང་ཐོབ་པར་འགྱུར་རོ། །རྣམ་པར་རོལ་པ་སྣ་ཚོགས་
D502.087.0230a04.01པས་རྗེས་སུ་འཇུག་པར་ཡང་འགྱུར་རོ། །དེ་བཞིན་གཤེགས་པ་རྣམས་ལ་མཆོད་པར་ཡང་འགྱུར་རོ། །བྱང་ཆུབ་སེམས་དཔའི་དགེ་འདུན་དང་ནམ་ཡང་འབྲལ་བར་མི་འགྱུར་རོ། །ཐབས་ལ་མཁས་པས་འདོད་པ་ལ་ཡོངས་སུ་སྤྱད་ཀྱང་ཉམས་པར་མི་འགྱུར་རོ། །ལུས་དེ་ཉིད་ཀྱིས་ས་ནོན་པར་
D502.087.0230a05.01འགྱུར་ཞིང་བསོད་ནམས་ཇི་ལྟ་བ་བཞིན་དུ་དེ་བཞིན་དུ་དེ་བཞིན་གཤེགས་པའི་འཁོར་གྱི་དཀྱིལ་འཁོར་དུ་ཉེ་བར་འགྲོ་བ་དང་། རྗེས་སུ་སྤྱོད་པ་ཡང་མཐར་གྱིས་སོགས་ཤིང་སོ་སོར་ཐོབ་པར་འགྱུར་རོ། །གལ་ཏེ་རིག་པ་འཛིན་པ་ཐོབ་པར་མ་གྱུར་ན་ཡང་དེ་བཞིན་གཤེགས་པའི་སྐུ་མཐོང་བའམ། འོད་
D502.087.0230a06.01ཀྱིས་སྣང་བར་བྱ་བའམ། གསུང་ཐོས་པར་འགྱུར་ཞིང་དེའི་བསམ་པ་རྣམ་པར་དག་པ་ཡང་སྐྱེ་བར་འགྱུར་རོ། །གཟུངས་ཀྱང་རབ་ཏུ་ཐོབ་པར་འགྱུར་རོ། །གཞན་དག་གིས་ཀྱང་བསྒྲུབ་པར་བྱ་སྟེ། རི་དང་། ཆུ་ཀླུང་དང་། མཚེའུ་དང་། ཆུ་གླིང་དང་། ཁང་ཕུགས་དང་། གཙུག་
D502.087.0230a07.01