完整藏文原文 · 德格版页 当前仅加载第 87 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
དང་པོར་དེ་བཞིན་གཤེགས་པའི་སྙིང་པོའི་རྟོག་པའི་ཆོ་ག་ཉིས་འགྱུར་དུ་སྦྱོར་བ་གང་ཡིན་པ་ཡང་ཉིས་འགྱུར་དུ་འཇུག་གོ། །འདིའི་རས་རིས་ཀྱི་ཁྱད་པར་ནི་རིན་པོ་ཆེའི་བྲག་ལས་སྐྱེས་པའི་རིན་པོ་ཆེའི་པདྨ་ཆེན་པོ་ལ་སྐྱིལ་མོ་ཀྲུང་གིས་བཞུགས་པ་ཕྱག་གིས་མཆོག་སྩོལ་བའོ། །
D502.087.0194b01.01བཅོམ་ལྡན་འདས་ཀྱི་གཡོན་ལོགས་སུ་རིག་པའི་མཆོག་ཕྱག་ན་འཁོར་ལོ་བསྣམས་པ། རྒྱན་ཐམས་ཅད་ཀྱིས་བརྒྱན་པ་རིན་པོ་ཆེའི་བྲག་ལ་བཞུགས་པ་བྲི་བར་བྱའོ། །བཅོམ་ལྡན་འདས་ཀྱི་གཡས་ལོགས་སུ་འཁོར་ལོ་རྡོ་རྗེ་ཞེས་བྱ་བའི་རྡོ་རྗེ་འཛིན་ཕྱག་ན་འཁོར་ལོ་
D502.087.0194b02.01བསྣམས་པ། ཅུང་ཟད་སྔོ་བསངས་རིན་པོ་ཆེའི་བྲག་ལ་བཞུགས་པ་དེ་བཞིན་གཤེགས་པའི་འོད་ཟེར་གྱིས་ཀུན་ནས་བསྐོར་བའོ། །དེའི་འོག་ལོགས་སུ་སྒྲུབ་པ་པོ་ཕྱག་འཚལ་བ་བྲིའོ། །ལྷ་མོའི་འོག་ཏུ་ནི་མཐའ་མེད་ཅེས་བྱ་བ་འཁོར་དེ་ཉིད་བགེགས་ཚར་གཅོད་པ་རལ་
D502.087.0194b03.01གྲི་དང་ཞགས་པ་ལག་ན་ཐོགས་པ་བྲི་བར་བྱའོ། །རས་རིས་གཉིས་པ་ནི་ལྷ་མོ་གཅིག་པུ་གནས་པ་ཕྱག་ན་འཁོར་ལོ་བསྣམས་པའོ། །དེའི་འོག་ཏུ་ནི་དེ་བཞིན་དུ་མཐའ་མེད་ལག་ན་རལ་གྲི་དང་ཞགས་པ་ཐོགས་པ་ཁྲོ་བོ་གཞོན་ནུའི་གཟུགས་ཅན་ཁྲོ་གཉེར་གཡོ་བ་དང་
D502.087.0194b04.01བཅས་པའོ། །འདིར་ཡང་ཆོ་ག་ནི་སྔ་མ་ཉིད་ཀྱིས་བྱའོ། །ཅི་ལྟར་ཡིད་ལ་འདོད་པས་སམ། རྟོག་པ་གཞན་གྱི་ཆོ་གས་ཀྱང་བྱའོ། །འདིར་ཁྱད་པར་ནི་འདི་ཡིན་ནོ། །བཀླགས་པ་ཙམ་གྱིས་དམ་ཚིག་ཐམས་ཅད་ཤེས་པར་འགྱུར། དཀྱིལ་འཁོར་ཐམས་ཅད་དུ་ཞུགས་
D502.087.0194b05.01བར་འགྱུར་རོ། །འཁོར་ལོ་རྡོ་རྗེ་ཞེས་བྱ་བའི་རིག་པའི་མཆོག་རྫོགས་སོ།། །།དེ་ནས་བདུད་རྩི་རྡོ་རྗེ་ཞེས་བྱ་བའི་རྡོ་རྗེ་འཆང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་ཀྱི་སྟོབས་ཀྱིས་དམ་ཚིག་གི་རྒྱལ་པོ་ཞེས་བྱ་བའི་ཏིང་ངེ་འཛིན་
D502.087.0194b06.01ལ་སྙོམས་པར་ཞུགས་སོ། །དེ་ལས་རོལ་པའི་ཡུལ་མཐའ་ཡས་པ་ཞེས་བྱ་བའི་བདེན་པའི་ཚིག་གི་འཁོར་ལོ་རྡོ་རྗེའི་སྒྲ་མངོན་པར་བྱུང་བར་གྱུར་ཏོ། །དེ་ལས་བདུད་རྩིའི་རྡོ་རྗེ་ཞེས་བྱ་བའི་རིག་པ་མཆོག་འདི་ཐོས་པར་གྱུར་ཏོ། །ན་མཿསརྦ་བུདྡྷ་བོ་དྷི་སཏྭཱ་ནཱཾ། ཨ་མྲྀ་ཏ་ཨ་མྲྀ་ཏ།
D502.087.0194b07.01