完整藏文原文 · 德格版页 当前仅加载第 87 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་བྱས་པའི་ཕུར་བུས་སམ། ཅི་ལྟར་འདོད་པས་ལན་ཉི་ཤུ་རྩ་གཅིག་གི་བར་དུ་བཟླས་ལ་གཟུགས་བརྙན་གྱི་གནས་གང་ཡིན་པ་དེར་གདབ་པར་བྱའོ། །བཏབ་ནས་ཁྲོས་པས་གནས་དེ་ཉིད་དུ་མཚན་མ་ཅུང་ཞིག་བྱུང་བར་གྱུར་གྱི་བར་དུ་བཟླས་པ་བྱ་ཞིང་། སྲེད་པ་མེད་པའི་དྲག་
D502.087.0240b01.01ཏུ་ཁྲོས་པས་ཕ་རོལ་ཀུན་ཕུར་བུས་གདབ་བོ། །བསྟན་པ་ལ་སྡང་བའི་སེམས་ཅན་དང་། སེམས་ཅན་རྣམས་ལ་སྡང་བ་ཡང་ཕུར་བུས་གདབ་བོ། །དཔལ་ཕུར་བུས་རྒྱལ་པོ་གདུག་པ་ཅན་གྱི་དཔུང་ཕུར་བུས་གདབ་པར་འགྱུར་རོ། །རྒྱལ་པོ་ཕུར་བུས་གདབ་པ་ལ་ནི་
D502.087.0240b02.01ཙམ་པའི་ཤིང་ལས་བྱས་པས་རྒྱལ་པོ་ཕུར་བུས་གདབ་པར་འགྱུར་རོ། །མིའི་རུས་པའི་ཕུང་བུས་ནི་བགེགས་ཕུར་བུས་གདབ་བོ། །རུས་པ་ལས་བྱས་པ་དང་། ལྕགས་ལས་བྱས་པ་དང་། སེང་ལྡེང་ལས་བྱས་པ་དང་། འོད་མ་ལས་བྱས་པས་གདུག་པའི་ཕུར་
D502.087.0240b03.01བུས་ཐམས་ཅད་ལ་སྦྱར་བར་བྱའོ། །ཐ་ན་སྟོང་པར་གདབ་པ་ལྟར་བྱས་པས་ཀྱང་རྡོ་རྗེའི་རང་བཞིན་གྱིས་ཕུར་བུས་བཏབ་པར་འགྱུར་རོ། །བཅིང་བ་ལ་ནི་རྩྭའི་འདབ་མ་ལ་ལན་གསུམ་བརྗོད་པས་ཀྱང་བརྒྱ་བྱིན་ཡང་འཆིང་བར་བྱེད་དོ། །བཅད་པས་གྲོལ་བར་འགྱུར་རོ། །གལ་ཏེ་
D502.087.0240b04.01རབ་ཏུ་སྦྱར་ན་ཚངས་པ་ལ་སོགས་པ་རང་ཉིད་ཀྱང་ལག་ན་རྡོ་རྗེ་སྟོབས་པོ་ཆེས་བཅིངས་པར་བསམས་ན་བཅིངས་པར་འགྱུར་རོ། །གྲོལ་བར་གྱུར་ཅིག་ཅེས་བསམས་ན་གྲོལ་བར་འགྱུར་རོ། །དེ་ལྟ་ན་ཡང་འདིར་སེམས་ལ་དབང་བ་ཡང་འགྲུབ་པར་འགྱུར་ཞིང་དམ་ཚིག་ལ་དབང་བར་
D502.087.0240b05.01ཡང་འགྱུར་རོ། །དེ་ལ་འདིར་ཐོགས་པ་མེད་པ་དོན་ཡོད་པའི་འཆིང་བའི་སྦྱོར་བ་ནི་ཡུངས་ཀར་དང་འབྲས་བཏགས་པ་ལ་ཏིག་ཏ་དང་ཚྭ་བསྲེས་ལ། ལྕགས་སྒྲོག་གམ། རྡོ་རྗེའམ། མདུང་ངམ། རྡོ་རྗེའི་དཀྱིལ་འཁོར་རམ། རྡོ་རྗེ་ཞགས་པའི་ཕྱག་རྒྱ་བྱས་ནས་དུར་ཁྲོད་དུ་
D502.087.0240b06.01སྦྱིན་སྲེག་བྱས་ན་འཆིང་བ་ཆེན་པོས་བཅིངས་པར་འགྱུར་རོ། །ཡང་ན་ནིམ་པའི་ལོ་མ་དང་། ནི་པི་ན་ལྷན་ཅིག་བཏགས་ནས་སྦྱིན་སྲེག་བྱས་ན་དེ་བཞིན་དུ་འཆིང་ངོ་། །མོན་སྲན་གྲེའུ་དང་། སྐེ་ཚེ་དང་སྐྱུ་རུ་ར་དང་ལྷན་ཅིག་བཏགས་ནས་ཕྱག་རྒྱ་བྱས་ལ་དུར་ཁྲོད་དུ་སྦྱིན་སྲེག་བྱས་
D502.087.0240b07.01