完整藏文原文 · 德格版页 当前仅加载第 87 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
དུའམ། །དམ་པའི་ཆོས་ཀྱི་གླེགས་བམ་གྱི་མདུན་དུ་མཚན་མ་བཞག་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཡན་ལག་ཐམས་ཅད་ཀྱིས་ཕྱག་བྱས་ལ་འདི་སྐད་ཅེས་བརྗོད་པར་བྱའོ། །བདག་མིང་འདི་ཞེས་བགྱི་བ། སངས་རྒྱས་དང་བྱང་
D502.087.0234a01.01ཆུབ་སེམས་དཔའ་ཐམས་ཅད་ལ་བདག་ཉིད་འབུལ་གྱིས། ཐམས་ཅད་དུབ་དག་རབ་ཏུ་གཟུང་དུ་གསོལ། །ཐུགས་རྗེ་ཆེན་པོ་དང་ལྡན་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་བརླབ་ཏུ་གསོལ་ཞེས་ལན་གསུམ་གྱི་བར་དུ་བརྗོད་པར་བྱའོ། །
D502.087.0234a02.01དེ་ནས་སྡིག་པ་བྱས་པ་བཤགས་པར་བྱ་སྟེ། འདིར་འདོད་ཆགས་དང་། ཞེ་སྡང་དང་། གཏི་མུག་ལས་སྐྱེས་པའི་སྡིག་པ་མ་ལུས་པ་ཐམས་ཅད་བཤགས་པར་བགྱི་སྟེ། ཐུགས་བསྐྱེད་པ་གང་གིས་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བཤགས་པ་དེས་བདག་གིས་
D502.087.0234a03.01ཀྱང་བཤགས་པར་བགྱི་སྟེ། སངས་རྒྱས་བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་བཞིན་དུའོ་ཞེས་བྱ་བ་འམ། ཡང་ན་ནུས་པ་ཅི་ལྟ་བའི་བཤགས་པས་བཤགས་པར་བྱའོ། །དེ་ནས་འདི་སྐད་ཀྱང་བརྗོད་པར་བྱའོ། །དུས་གསུམ་གྱི་སངས་རྒྱས་དང་བྱང་ཆུབ་སེམས་དཔའ་
D502.087.0234a04.01ཐམས་ཅད་ལ་ཡང་དག་པར་བྱུང་བའི་བསོད་ནམས་དང་ཡེ་ཤེས་ཀྱི་ཚོགས་ཚད་མེད་པ་མཉམ་པ་ཉིད་ལ་རྗེས་སུ་ཡི་རང་སྟེ། ཆོས་ཀྱི་དབྱིངས་མཐའ་དང་དབུས་མེད་པའི་རྗེས་སུ་ཡི་རང་བས་རྗེས་སུ་ཡི་རང་སྟེ། ཐམས་ཅད་དུ་ཐམས་ཅད་ཡོངས་སུ་སྐྱོབ་པ་ཉིད་དང་། ལུས་དང་ངག་དང་
D502.087.0234a05.01ཡིད་ཀྱིས་ལེགས་པར་སྤྱོད་པ་དུས་གསུམ་དུ་གཏོགས་པའི་སེམས་ཅན་ཐམས་ཅད་ཀྱི་དགེ་བ་ལ་རྗེས་སུ་ཡི་རང་སྟེ། སངས་རྒྱས་བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་དེ་བཞིན་དུ་རྗེས་སུ་ཡི་རང་བ་མཆོག་གིས་རྗེས་སུ་ཡི་རང་སྟེ། སངས་རྒྱས་བཅོམ་ལྡན་འདས་རྣམས་ཇི་ལྟར་
D502.087.0234a06.01མཁྱེན་པས་རྗེས་སུ་ཡི་རང་བར་མཛད་པ་དེ་བཞིན་དུ་རྗེས་སུ་ཡི་རང་ངོ་ཞེས་བརྗོད་པར་བྱ་ཞིང་། ནུས་པ་ཅི་ལྟ་བ་བཞིན་དུ་རྗེས་སུ་ཡི་རང་བར་བྱའོ། །དེ་ནས་མཆོད་པའི་ཉེ་བར་མཁོ་བའི་དངོས་པོ་ཇི་སྙེད་ཡོད་པ་འདི་ལྟ་སྟེ། ཐབ་ལས་སྐྱེས་པ་དང་། ཆུ་ལས་སྐྱེས་པའི་རིན་པོ་ཆེའི་རི་ལ་
D502.087.0234a07.01