完整藏文原文 · 德格版页 当前仅加载第 89 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
རྟོག་པ་མི་མངའ་ཞིང་། ཕྲིན་ལས་ལ་མངའ་བརྙེས་པ་ཡིན་ཞེ་ན། རིགས་ཀྱི་བུ་དཔེར་ན་དེ་བཞིན་གཤེགས་པ་མྱ་ངན་ལས་འདས་ཀྱང་སྨོན་ལམ་ལ་མངའ་བརྙེས་པས་ཕྲིན་ལས་ཀྱི་རྣམ་པ་ཐམས་ཅད་ཀྱང་མཛད་དེ། དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་ཀྱིས་དོན་
D556.089.0165b01.01ཐམས་ཅད་གྲུབ་པར་མངའ་མཛད་པའང་དེ་བཞིན་ནོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་དུ་སྙོམས་པར་ཞུགས་པ་ལས་སྔོན་གྱི་སྨོན་ལམ་གྱི་དབང་གིས། བསམ་གཏན་དེ་ལས་བཞེངས་ཏེ། དོན་དང་ཕྲིན་ལས་ཐམས་ཅད་མཛད་པ་ལྟར་ཆོས་
D556.089.0165b02.01རྣམ་པ་གཉིས་ཀྱང་རྣམ་པར་རྟོག་པ་མེད་པར་དོན་ཐམས་ཅད་མཛད་པ་ལ་མངའ་བརྙེས་པའོ། །རིགས་ཀྱི་བུ་དཔེར་ན། ཉི་མ་དང་། ཟླ་བ་ལ་ཡང་རྣམ་པར་རྟོག་པ་མེད། ཆུ་དང་མེ་ལོང་ལ་ཡང་རྣམ་པར་རྟོག་པ་མེད། སྣང་བ་ལ་ཡང་རྣམ་པར་རྟོག་པ་མེད་མོད་ཀྱི། གསུམ་འདུས་
D556.089.0165b03.01པ་ལས་གཟུགས་བརྙན་འབྱུང་ངོ་། །དེ་བཞིན་དུ་ཆོས་ཀྱི་དེ་བཞིན་ཉིད་དང་། དེ་བཞིན་ཉིད་ཀྱི་ཡེ་ཤེས་ལ་ཡང་རྣམ་པར་རྟོག་པ་མེད་མོད་ཀྱི། སྨོན་ལམ་གྱི་དབང་གིས་སེམས་ཅན་སྐལ་བ་ཅན་དག་ལ་ལོངས་སྤྱོད་རྫོགས་པའི་སྐུ་དང་། སྤྲུལ་པའི་སྐུ་ཡང་ཉི་ཟླའི་གཟུགས་བརྙན་བཞིན།
D556.089.0165b04.01རྒྱུ་དང་རྐྱེན་འདུས་པ་ལས་འབྱུང་ངོ་། །རིགས་ཀྱི་བུ་གཞན་ཡང་དཔེར་ན། ཚད་མེད་གྲངས་མེད་པའི་ཆུ་དང་མེ་ལོང་དག་ནི་སྣང་བ་ལ་བརྟེན་ནས། སྟོང་པའི་གཟུགས་བརྙན་མཚན་ཉིད་ཐ་དད་པ་དག་སྣང་ངོ་། །སྟོང་པ་ཞེས་བྱ་བ་ནི་མཚན་ཉིད་མེད་པའོ། །རིགས་ཀྱི་བུ་དེ་བཞིན་དུ་ལོངས་སྤྱོད་
D556.089.0165b05.01རྫོགས་པའི་སྐུ་དང་། སྤྲུལ་པའི་སྐུས་ནི་འཁོར་རྣམས་ལ་ཆོས་ཀྱི་སྐུའི་གཟུགས་བརྙན་སྟོན་པར་སྨོན་ལམ་གྱི་དབང་གིས་སྐུ་དེ་གཉིས་སྣང་སྟེ། མཚན་མ་སྣ་ཚོགས་སུ་སྣང་ཡང་ཆོས་ཀྱི་སྐུའི་གནས་ལ་ནི་མཚན་ཉིད་ཐ་དད་པ་མེད་དོ། །རིགས་ཀྱི་བུ་སྐུ་དེ་གཉིས་ལ་གནས་ཏེ། སངས་རྒྱས་
D556.089.0165b06.01བཅོམ་ལྡན་འདས་རྣམས་ཕུང་པོ་ལྷག་མ་དང་བཅས་པའི་མྱ་ངན་ལས་འདས་པ་ཞེས་གསུང་ངོ་། །ཆོས་ཀྱི་སྐུ་ལས་དགོངས་ཏེ། ཕུང་པོའི་ལྷག་མ་མེད་པའི་མྱ་ངན་ལས་འདས་པ་ཞེས་གསུང་ངོ་། །དེ་ཅིའི་ཕྱིར་ཞེ་ན། དེར་ནི་ཆོས་ཐམས་ཅད་ཟད་པའི་མཐར་གྱུར་པའི་ཕྱིར་སྐུ་འདི་གསུམ་
D556.089.0165b07.01