完整藏文原文 · 德格版页 当前仅加载第 89 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པར་འགྱུར་བས། དེ་ཕྱིན་ཅད་ཀྱང་རྟག་ཏུ་རྗེས་སུ་དྲན་པར་བྱའོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས་གསེར་ཅན་ཞེས་བྱ་བའི་གཟུངས་ཏེ་ལེའུ་བརྒྱད་པའོ།། །།དེ་ནས་བཅོམ་ལྡན་འདས་ཀྱིས་གཟུངས་དེ་གསུངས་ནས། །
D556.089.0204a01.01གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དང་། ལྷ་དང་མི་ལ་སོགས་པའི་འཁོར་འདུས་པ་དེ་དག་ལ་ཕན་པ་དང་། བདེ་བའི་ཕྱིར་དོན་དམ་པའི་བདེན་པ་སྟོང་པའི་མཚན་ཉིད་དེ་བསྟན་པའི་ཕྱིར་དེའི་ཚེ་ཚིགས་སུ་བཅད་པ་འདི་དག་གསུངས་སོ། །བསམ་གྱིས་མི་ཁྱབ་
D556.089.0204a02.01མདོ་རྣམས་གཞན་དག་ཏུ། །སྟོང་པའི་ཆོས་རྣམས་རབ་ཏུ་རྒྱས་བཤད་དེ། །དེ་ལྟ་བས་ན་མདོ་མཆོག་དམ་པ་འདིར། །སྟོང་པའི་ཆོས་རྣམས་མདོ་ཙམ་བཤད་པར་བྱ། །སེམས་ཅན་བློ་ཆུང་རྣམ་པར་མི་ཤེས་པས། །ཆོས་རྣམས་ཐམས་ཅད་ཤེས་པར་མི་ནུས་ཏེ། །དེ་ལྟ་བས་ན་
D556.089.0204a03.01མདོ་མཆོག་དམ་པ་འདིར། །སྟོང་པའི་ཆོས་རྣམས་མདོ་ཙམ་རབ་ཏུ་བཤད། །སེམས་ཅན་ཀུན་གྱིས་ཅི་ནས་ཤེས་འགྱུར་དང་། །སེམས་ཅན་འབྱུང་བྱའི་ཕྱིར་ནི་སྙིང་རྗེའི་དབང་། །ཐབས་དང་ཚུལ་དང་རྒྱུ་གཞན་རྣམས་ཀྱིས་ནི། །མདོ་མཆོག་དམ་པ་དབང་པོ་འདི་བཤད་དོ། །ལུས་
D556.089.0204a04.01འདི་གྲོང་ཁྱིམ་སྟོང་པ་ཇི་བཞིན་ཏེ། །དབང་པོ་རྣམས་ནི་དམག་དང་ཆོམ་རྐུན་འདྲ། །དེ་དག་ཐམས་ཅད་གྲོང་གཅིག་གནས་མོད་ཀྱི། །དེ་དག་ཕན་ཚུན་རྣམ་པར་མི་ཤེས་སོ། །མིག་གི་དབང་པོ་གཟུགས་གྱུར་རྣམས་ལ་རྒྱུག །རྣ་བའི་དབང་པོ་སྒྲ་ལ་རྣམ་པར་དཔྱོད། །སྣ་ཡི་
D556.089.0204a05.01དབང་པོ་སྣ་ཚོགས་དྲི་རྣམས་འཕྲོག །ལྕེ་ཡི་དབང་པོ་རྟག་ཏུ་རོ་ལ་རྒྱུག །ལུས་ཀྱི་དབང་པོ་རེག་པ་དག་ལ་རྒྱུག །ཡིད་ཀྱི་དབང་པོ་ཆོས་རྣམས་རྣམ་པར་དཔྱོད། །དབང་པོ་དྲུག་པོ་འདི་དག་ཕན་ཚུན་དུ། །རང་རང་ཡུལ་ལ་རབ་ཏུ་འཇུག་པར་བྱེད། །སེམས་ནི་སྒྱུ་མ་ལྟ་བུར་
D556.089.0204a06.01གཡོ་བ་ཡིན། །དབང་པོ་དྲུག་ནི་ཡུལ་ལ་རྣམ་དཔྱོད་དེ། །ཇི་ལྟར་མི་ཞིག་གྲོང་སྟོང་རྒྱུག་པ་དང་། །དམག་དང་ཆོམ་རྐུན་དག་དང་གནས་པ་བཞིན། །ཇི་ལྟར་བྱ་ཞིག་ཡུལ་དྲུག་གནས་བཅས་ཤིང་། །དབང་པོའི་སྤྱོད་ཡུལ་དག་ཀྱང་རབ་ཤེས་པ། །དེ་ལྟར་སེམས་ནི་ཡུལ་
D556.089.0204a07.01