完整藏文原文 · 德格版页 当前仅加载第 89 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
གཞིར་གྱུར་པའི་ཕྱིར། ནམ་མཁའ་ཇི་ལྟ་བ་བཞིན་པས་དེ་ནི་རྟག་པ་ཞེས་བྱའོ། །རིགས་ཀྱི་བུ་རྣམ་པར་མི་རྟོག་པའི་ཡེ་ཤེས་ལས་གུད་ན་འཕགས་པའི་ཡེ་ཤེས་མེད་དོ། །དེ་བཞིན་ཉིད་ཀྱི་ཆོས་ཉིད་ལས་ཀྱང་ལྷག་པའི་སྤྱོད་ཡུལ་མེད་དོ། །དེ་ནི་ཆོས་ཀྱི་དེ་
D556.089.0167a01.01བཞིན་ཉིད་དང་། ཡེ་ཤེས་ཀྱི་དེ་བཞིན་ཉིད་དང་། དེ་བཞིན་ཉིད་དེ་གཉིས་ཀྱི་དེ་བཞིན་ཉིད་ནི་གཅིག་པ་ཡང་མ་ཡིན་ཐ་དད་པ་ཡང་མ་ཡིན་པས་དེའི་ཕྱིར་ཆོས་ཀྱི་སྐུ་ནི་ཡེ་ཤེས་རྣམ་པར་དག་པ་དང་། སྤངས་པ་རྣམ་པར་དག་པ་གཉིས་ཀྱི་ཕྱིར། ཆོས་ཀྱི་སྐུ་ནི་རྣམ་པར་དག་པ་ཕུན་སུམ་
D556.089.0167a02.01ཚོགས་པ་ཞེས་བྱའོ། །རིགས་ཀྱི་བུ་གཞན་ཡང་སྐུ་འདི་གསུམ་དབྱེ་བ་ལ་ཡང་རྣམ་པ་བཞི་སྟེ། སྤྲུལ་པའི་སྐུ་ཡིན་ལ། ལོངས་སྤྱོད་རྫོགས་པའི་སྐུ་མ་ཡིན་པ་ཡང་ཡོད། ལོངས་སྤྱོད་རྫོགས་པའི་སྐུ་ཡིན་ལ། སྤྲུལ་པའི་སྐུ་མ་ཡིན་པ་ཡང་ཡོད། སྤྲུལ་པའི་སྐུ་ཡིན་ལ། ལོངས་
D556.089.0167a03.01སྤྱོད་རྫོགས་པའི་སྐུ་ཡིན་པ་ཡང་ཡོད། སྤྲུལ་པའི་སྐུ་ཡང་མ་ཡིན་ལ། ལོངས་སྤྱོད་རྫོགས་པའི་སྐུ་ཡང་མ་ཡིན་པའོ། །སྤྲུལ་པའི་སྐུ་ཡིན་ལ། ལོངས་སྤྱོད་རྫོགས་པའི་སྐུ་མ་ཡིན་པ་གང་ཞེ་ན། དེ་བཞིན་གཤེགས་པ་རྣམས་མྱ་ངན་ལས་འདས་སུ་ཟིན་ཀྱང་། སྨོན་ལམ་གྱི་དབང་
D556.089.0167a04.01གིས་སྐལ་བ་ཇི་ལྟ་བ་བཞིན་ཕན་འདོགས་པ་ནི་སྤྲུལ་པའི་སྐུ་ཞེས་བྱའོ། །ལོངས་སྤྱོད་རྫོགས་པའི་སྐུ་ཡིན་ལ། སྤྲུལ་པའི་སྐུ་མ་ཡིན་པ་གང་ཞེ་ན། སའི་སྔ་རོལ་པའི་སྐུའོ། །སྤྲུལ་པའི་སྐུ་ཡང་ཡིན་ལ། ལོངས་སྤྱོད་རྫོགས་པའི་སྐུ་ཡང་ཡིན་པ་དེ་གང་ཞེ་ན། ལྷག་མ་དང་བཅས་
D556.089.0167a05.01པའི་མྱ་ངན་ལས་འདས་པའི་སྐུའོ། །སྤྲུལ་པའི་སྐུ་ཡང་མ་ཡིན་ལ། ལོངས་སྤྱོད་རྫོགས་པའི་སྐུ་ཡང་མ་ཡིན་པ་དེ་ནི་ཆོས་ཀྱི་སྐུའོ། །རིགས་ཀྱི་བུ་ཆོས་ཀྱི་སྐུ་དེ་ནི་ཆོས་གཉིས་སུ་མེད་པ་མངོན་དུ་གྱུར་པའོ། །གཉིས་གང་ཞེ་ན། ཆོས་ཀྱི་སྐུ་དེ་ལ་མཚན་ཉིད་དང་། མཚན་ཉིད་ཀྱི་གཞི་
D556.089.0167a06.01གཉི་ག་མེད་པ་སྟེ། ཡོད་པ་ཡང་མ་ཡིན། མེད་པ་ཡང་མ་ཡིན། གཅིག་པ་ཡང་མ་ཡིན། ཐ་དད་པ་ཡང་མ་ཡིན། བགྲང་བ་ཡང་མ་ཡིན། བགྲང་བར་མི་བྱ་བ་ཡང་མ་ཡིན། སྣང་བ་ཡང་མ་ཡིན། མུན་པ་ཡང་མ་ཡིན་པ་སྟེ། དེ་ལྟ་བུའི་དེ་བཞིན་ཉིད་ཀྱི་ཡེ་ཤེས་ལ་མཚན་ཉིད་དང་།
D556.089.0167a07.01