完整藏文原文 · 德格版页 当前仅加载第 89 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་དང་། རྒྱལ་པོ་དང་། བློན་པོ་ལ་སོགས་པ། ཚད་མེད་གྲངས་མེད་པ་རྣམས་ཀྱིས་རྡུལ་མེད་ཅིང་རྡུལ་དང་བྲལ་བའི་ཆོས་ལ་ཆོས་ཀྱི་མིག་རྣམ་པར་དག་པར་གྱུར་ཏོ། །དེ་ནས་འཁོར་འདུས་པ་དེའི་ནང་ན། དགེ་སློང་ཁྲི་ཕྲག་ལྔ་བཅུ་བྱང་ཆུབ་སེམས་དཔའི་སྤྱད་པ་སྤྱོད་
D556.089.0209b01.01པ་བྱང་ཆུབ་ཀྱི་སེམས་ལས་ཕྱིར་མི་ལྡོག་པར་སེམས་པ་དེ་དག་ཀྱང་། བྱང་ཆུབ་སེམས་དཔའ་རིན་ཆེན་འོད་འཕྲོས་ཆོས་བསྟན་པ་འདི་ཐོས་ནས། བྱང་ཆུབ་ཀྱི་སེམས་ཕྱིར་ཞིང་བརྟན་པ་དང་། བསམ་གྱིས་མི་ཁྱབ་པ་བླ་ན་མེད་པའི་སྨོན་ལམ་ཡོངས་སུ་རྫོགས་ནས་ཡང་
D556.089.0209b02.01བྱང་ཆུབ་ཏུ་སེམས་བསྐྱེད་དེ། སོ་སོ་ནས་རང་རང་གི་གོས་གྱོན་པ་ཕུད་དེ། བྱང་ཆུབ་སེམས་དཔའ་ལ་གསོལ་ནས། བླ་ན་མེད་པ་མཆོག་དམ་པའི་སེམས་བསྐྱེད་དེ་སྨོན་ལམ་འདི་སྐད་ཅེས་གསོལ་ཏོ། །བདག་ཅག་གིས་དགེ་བའི་རྩ་བ་ཅི་མཆིས་པ་དེ་དག་ཐམས་ཅད་བླ་ན་མེད་
D556.089.0209b03.01པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོའོ་ཞེས་སྨོན་ལམ་བཏབ་བོ། །ཚངས་པ་ཆེན་པོ་དགེ་སློང་དེ་དག་གིས། བསོད་ནམས་དེ་ལ་བརྟེན་ནས། ཇི་སྐད་སྨྲས་པ་བཞིན་ནན་ཏན་དུ་བསྒྲུབས་ནས། བསྐལ་པ་ཆེན་པོ་དགུ་བཅུ་འདས་པ་ན། འཁོར་བ་ལས་
D556.089.0209b04.01ཡོངས་སུ་འདས་པའི་ཤེས་པ་སྐྱེས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་དེ་དག་ལ་བཀའ་སྩལ་པ། དགེ་སློང་དག་ཁྱེད་བསྐལ་པ་གྲངས་མེད་པ་སུམ་ཅུ་འདས་པའི་འོག་ཏུ། བླ་ན་མེད་པའི་སངས་རྒྱས་སུ་འགྱུར་ཏེ། བསྐལ་པའི་མིང་ནི་རྒྱལ་བར་དགའ་
D556.089.0209b05.01བའི་འོད་ཀྱི་རྒྱལ་པོ་ཞེས་བྱ་བ། ཡུལ་གྱི་མིང་ནི་དྲི་མ་མེད་པའི་འོད་ཅེས་བྱ་བར་དུས་གཅིག་ཏུ་ཀུན་ཀྱང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་སྟེ། དེ་དག་ཀུན་ཀྱང་མཚན་སྨོན་ལམ་རྣམ་པར་བཀོད་པའི་རྒྱལ་པོ་ཞེས་བྱ་བ་ཡོན་
D556.089.0209b06.01ཏན་གྱི་མཚན་བཅུ་ཡོངས་སུ་རྫོགས་པར་འགྱུར་རོ། །ཞེས་ལུང་བསྟན་ཏོ། །གཞན་ཡང་ཚངས་པ་ཆེན་པོ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་གང་ཉན་པ་དང་འཛིན་པ་དེ་དག་ནི་མཐུ་དང་། གཟི་བརྗིད་ཆེན་པོ་དང་ལྡན་པར་འགྱུར་ཏེ། དཔེར་ན་གང་ལ་ལ་ཞིག་
D556.089.0209b07.01