完整藏文原文 · 德格版页 当前仅加载第 89 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ས་ལས་ནི། །འཁྲུངས་པ་ཐམས་ཅད་གཅད་གཏུབས་ཏེ། །དེ་དག་ཐམས་ཅད་ཕྱེར་བརླགས་ནས། །རབ་ཏུ་ཕྲ་བའི་རྡུལ་འདྲར་བྱས། །ནམ་མཁའི་དཀྱིལ་འཁོར་ཇི་ཙམ་པར། །ཕྱེ་མའི་ཕུང་པོ་སྤུངས་ནས་ནི། །འདི་ལ་ཆ་གསུམ་དབྱེ་བར་ནུས། །ས་ལ་
D556.089.0205b01.01རྡུལ་ནི་ཡོད་པ་རྣམས། །སྟོང་གསུམ་དག་ནི་ཐམས་ཅད་ཀྱི། །རྡུལ་ཁམས་བསམ་གྱིས་མི་ཁྱབ་པ། །སེམས་ཅན་ཀུན་གྱིས་ཤེས་པ་གང་། །དེ་ནི་སེམས་ཅན་གཅིག་གིར་གྱུར། །ཤེས་པ་དེ་ཡིས་རྡུལ་རྣམས་ཀྱི། །ཕྱེ་མ་བགྲང་བར་བྱེད་ན་ནི། །སེམས་
D556.089.0205b02.01ཅན་ཀུན་ལས་རབ་འཕགས་པ། །ཡེ་ཤེས་རབ་ལྡན་མི་རྣམས་ཀྱིས། །ཐམས་ཅད་བགྲང་བར་ནུས་སྲིད་ཀྱི། །རྒྱལ་བའི་མཁྱེན་པ་མི་ནུས་སོ། །ཐུབ་པ་ཆེན་པོའི་ཡེ་ཤེས་གང་། །སྐད་ཅིག་གཅིག་ལ་འཇུག་པ་ཡང་། །བསྐལ་པ་བྱེ་བ་དུ་མར་ནི། །གང་དུའང་
D556.089.0205b03.01བགྲང་བར་མི་ནུས་སོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། སྟོང་པ་ཉིད་ཀྱི་ལེའུ་ཞེས་བྱ་སྟེ་དགུ་པའོ།། །།དེ་ནས་ལྷ་མོ་རིན་ཆེན་འོད་འཕྲོས་ཆོས་བསྟན་པ་ཤིན་ཏུ་ཟབ་མོ་དེ་ཐོས་ནས། དགའ་བ་དང་རངས་པ་སྐྱེས་ཏེ། འཁོར་འདུས་
D556.089.0205b04.01པ་དེའི་ནང་ནས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བསྟན་པ་ཟབ་མོ་འདི་ལ་ཇི་ལྟར་རྣལ་འབྱོར་དུ་བྱ་བ་ཞུ་བའི་ཕྱིར། བཅོམ་
D556.089.0205b05.01ལྡན་འདས་ལ་ཚིགས་སུ་བཅད་དེ་གསོལ་པ། རྒྱལ་བ་རྐང་གཉིས་གཙོ་ལགས་ཏེ། །འཇིག་རྟེན་ཀུན་ཏུ་སྣང་མཛད་པ། །བྱང་ཆུབ་སྤྱོད་པ་ཡང་དག་ཚུལ། །བདག་ལ་ཐུགས་རྗེས་བཤད་དུ་གསོལ། །རིགས་ཀྱི་ལྷ་མོ་ལ་བཀའ་སྩལ་པ། ཁྱོད་ལ་ཐེ་ཚོམ་ཅི་
D556.089.0205b06.01ཡོད་པ། །འདྲི་བའི་དོན་དེ་ཞུས་ཤིག་དང་། །རྣམ་པར་ཕྱེ་སྟེ་བསྟན་པར་བྱ། །དེ་ནས་ཡང་རིགས་ཀྱི་ལྷ་མོས་བཅོམ་ལྡན་འདས་ལ་གསོལ་བ། བདག་དང་གཞན་ལ་ཕན་གདགས་ཕྱིར། །བྱང་ཆུབ་སེམས་དཔའ་རྣམས་ཀྱིས་ནི། །འཁོར་དང་མྱ་ངན་འདས་བྲལ་
D556.089.0205b07.01