完整藏文原文 · 德格版页 当前仅加载第 89 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
མཁས་པ་སྔོན་དུ་འགྲོ་བ་དང་། ལྟ་བར་གྱུར་པ་ཐམས་ཅད་བསལ་བ་སྔོན་དུ་འགྲོ་བ་དང་། ཤེས་རབ་ཀྱི་དབང་པོ་སྔོན་དུ་འགྲོ་བ་དང་། མི་སྐྱེ་བའི་ཆོས་ལ་བཟོད་པ་སྔོན་དུ་འགྲོ་བ་དང་། སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་བྱ་བ་སྔོན་དུ་འགྲོ་བ་དང་།
D556.089.0191b01.01སྒྲིབ་པ་མེད་པའི་ཡེ་ཤེས་མཐོང་བ་སྔོན་དུ་འགྲོ་བ་སྟེ། རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་འདིའི་སྔོན་དུ་འགྲོ་བའི་ཆོས་རྣམ་པ་བཅུའོ། །རིགས་ཀྱི་བུ་དེ་ལ་བྱང་ཆུབ་སེམས་དཔའ་རྣམས་ཀྱི་ཐབས་ལ་མཁས་པའི་ཕ་རོལ་ཏུ་ཕྱིན་པའི་སྔོན་
D556.089.0191b02.01དུ་འགྲོ་བའི་ཆོས་རྣམ་པ་བཅུ་སྟེ། བཅུ་གང་ཞེ་ན། འདི་ལྟ་སྟེ། སེམས་ཅན་གྱི་བསམ་པ་དང་སྤྱོད་པ་ལ་འཇུག་པ་སྔོན་དུ་འགྲོ་བ་དང་། སེམས་ཅན་གྱི་རྟེན་སྔོན་དུ་འགྲོ་བ་དང་། བྱམས་པ་དང་སྙིང་རྗེ་ཆེན་པོ་སྔོན་དུ་འགྲོ་བ་དང་། སེམས་ཅན་ཡོངས་སུ་སྨིན་པར་བྱ་བ་ལ་མི་
D556.089.0191b03.01སྐྱོ་བ་སྔོན་དུ་འགྲོ་བ་དང་། སངས་རྒྱས་ཀྱི་ཆོས་ཐམས་ཅད་ལ་འཇུག་པ་སྔོན་དུ་འགྲོ་བ་དང་། ཁྱད་པར་ཅན་གྱི་ཡེ་ཤེས་མཐོང་བ་ཁོང་དུ་ཆུད་པ་སྔོན་དུ་འགྲོ་བ་དང་། ཕ་རོལ་ཏུ་ཕྱིན་པ་ཡོངས་སུ་བྱང་བར་བྱ་བ་ཡོངས་སུ་སྨིན་པར་བྱ་བ་སྔོན་དུ་འགྲོ་བ་དང་། དངོས་པོ་ཇི་ལྟ་བ་
D556.089.0191b04.01བཞིན་དུ་ཡོངས་སུ་རྟོག་པ་སྔོན་དུ་འགྲོ་བ་དང་། སེམས་ཀྱི་སྟོབས་ཉེ་བར་བསྒྲུབ་པ་སྔོན་དུ་འགྲོ་བ་དང་། ཕྱིར་མི་ལྡོག་པའི་ས་ཡོངས་སུ་ཐོབ་པར་བྱེད་པ་སྔོན་དུ་འགྲོ་བ་སྟེ། རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཐབས་མཁས་པའི་ཕ་རོལ་ཏུ་ཕྱིན་པ་འདིའི་སྔོན་དུ་འགྲོ་
D556.089.0191b05.01བའི་ཆོས་རྣམ་པ་བཅུའོ། །རིགས་ཀྱི་བུ་དེ་ལ་བྱང་ཆུབ་སེམས་དཔའ་རྣམས་ཀྱི་སྨོན་ལམ་གྱི་ཕ་རོལ་ཏུ་ཕྱིན་པའི་སྔོན་དུ་འགྲོ་བའི་ཆོས་རྣམ་པ་བཅུ་སྟེ། བཅུ་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཐིབས་པོ་ཉེ་བར་རྒྱུ་བ་ཤེས་པ་སྔོན་དུ་འགྲོ་བ་
D556.089.0191b06.01དང་། སེམས་ཅན་ཐམས་ཅད་ཀྱི་ཉོན་མོངས་པའི་ཐིབས་པོ་ཉེ་བར་རྒྱུ་བ་ཤེས་པ་སྔོན་དུ་འགྲོ་བ་དང་། སེམས་ཅན་ཐམས་ཅད་ཀྱི་དབང་པོ་ཐིབས་པོ་ཉེ་བར་རྒྱུ་བ་ཤེས་པ་སྔོན་དུ་འགྲོ་བ་དང་། སེམས་ཅན་ཐམས་ཅད་ཀྱི་བསམ་པ་དང་མོས་པ་ཐིབས་པོ་ཉེ་བར་རྒྱུ་བ་ཤེས་པ་
D556.089.0191b07.01